درووب الــرّحــيـــل ..!

السلام عليكم ورحمة الله وبركاته ..

الحقيقه أتشرف بإنضمامي لملتقى قبايل حرب .. و أتمنى ان أكون عند حسن ظنّ الجميع ..

مصافحتي لهذا الملتقى من خلال الشعر .. أترككم معي :

مـــدخــل :

إذا طيوفك ما تفارق خيالي ..
............. بنسى الخيال وكل فكره تصوّرت ..

علمتني ياوقت مما جرالي ..
............... والحمد لله يازماني تطوّرت ..

عن غزير المشاعر ما يعبّر كلام ..
................. سامح الله لساني في وداعك .. بخيل !


كان بيني وبينك بالعيون إنسجام ..
.............. كان قلبك عليل ، وكان قلبي عليل


لين شحّت حروفك خلف جود الغمام ..
.............. وإبتدا دمع عينك فوق خدّك يسيل


شفت حرفٍ غريق يقول / مات الغرام ..
.................. جار ظرفي وأمانه روح دوّر بديل


هزّ فرقاك قلبي يوم أضمّك وحام ..
................ طار ضيق وزفيري هزّ جذع الجديل


قلت يانور دربي خلّ عنك الخصام ..
................. صعب تصغر بعيني وأنت قدرك جليل


يوم تبعد وترحل كيف عينك تنام ؟
................ والدّموع تعدي لك في ( درووب الرّحيل ) !


وش سبايب رحيلك ؟ صدّ مثلك حرام
................. خابر إنّك عشاني تعشق المستحيل


خابر إنّي عشانك أكره الإنهزام ..
................. وأسرج أصعب ظروفي لجل لقياك .. خيل


كنت أظلّك بصدري عن شموس الحيام
................. عن غياب الحبايب وأنت عابر سبيل


كنت أداري شعورك وأحرسك بـ اهتمام
................ وأعطي الشمس وجهي لجل أوفّر مقيل !


بعد هذا بفاسك تحطبين العظام ؟!
................. آه يا صدري اللي ما بقى فيه حيل


أصدق أحداث حبّي / كان مابه ظلام ..
............... وأكذب العذر قولك / كنت حطّاب ليل !!


لا تبرّر غيابك ما يفيد الكلام ..
............... قلب وظّفك خلّه من هواه إستقيل


استويت بعيونك / حرّ عافك وشام !
.............. واستويت بعيوني / قلب ناكر جميل !!


ما بقى غير جمله وإعتبرها ختام ..
............... سهّل الله طريقك لا نويت الرّحيل .

مــخــرج :

البعد صعب وفيه يرتاح بالي .. ..
.............. حتى لو إني في قراري ( تهوّرت )


نوّرت يوم إنك على القلب غالي ..
................ والحين ماظنّك ولو جيت نوّرت !!

،، الــســآمر الــحــربـي ،،

اتشرف ان اكون المتصفح الاول لهذه القصيده الرايعه
الاخ سامر الحربي انت تكتب شعر باسلوب مميز
اشكرك وصح لسانك مليون استمتعت بما قراته الله يعطيك العافيه
وحياك الله وسعداء بتواجدك معنا ياهلا ومرحبا

الشاعر سامر الحربي
صح لسانك وعتلا شانك
قصيده جزله من شاعر جزل

اهلا وسهلا سامر

سعداء بمقدمك


واهلا بالشعر واهله


مدخل رائع شمعة اضاءت ترهات الطريق لندلف لنص رائع ليس له مثيل فعلا


ومخرج بااحترااااف



صياغة متقنه وفن عالي الجوده والسبك


فكر نير وذوقٍ رفيع



لاعدمناك


ونطمع بتواصلك الدائم وتواجدك المشرررف



تحيتي وتقديري

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر سامر الحربي
صح لسانك وعتلا شانك
قصيده جزله من شاعر جزل