ليا دق هاجوسي مع البر سجيت

ليا دق هاجوسي مع البر سجيت=ذي منوتي لوقالوا الناس غاوي
تبعد هواجيسي ليا مني ابديت=في راس مزموم" طويل" نباوي
ويرتاح بالي كان بالرجم عديت=وتبعد هواجيسن لها الصدر حاوي
وليا بديت الرجم له قلت ياليت=ليتك تكلم ياخوي الشقاوي
كني مريض ليا بديتك تشافيت=يارجم كنك لي طبيبن مداوي
اوحيتني يارجم ولا انت ما اوحيت=رد الأجابه ياخوي المخاوي
قال أنت همك بالحشاء بانين بيت=وظن همك من عيون النداوي
لا عاد ترقابي وأنا منك مليت=ريح ركابك يابعيد الهقاوي
كم مرتن عديتبي ماتداويت=حيثن مبدأ الرجم موت الهواوي
دور على اللي حي وانته منه ميت=ذكره يجيك مع أسمر الليل ضاوي
ثم قلت له يارجم أنا منك ناديت=على وليفن عنه ماني غناوي
يزتاد همي كل ما اصبحت وأمسيت=وأصبروانا ماني على الصبر قاوي
أسباب من يارجم في حبه أبٌليت=أبلٌيت بلوى قيس وخلي ماياوي
صبرت لين أني على الصبر عديت=صبري وصل حده وانا له رجاوي
الله يلم الشمل بلي تمنيت=ويجبر عزاء قلب" لقربه شفاوي

الله الله


صح لسانك


قصيده جميله


ولاغرابه الابداع من مثلك وشرواك يالذيب


لاهنت

الله الله

الشاعر القدير المبدع علي غلاب

لله درك قصيده جزله كايفه

مبدع ياعلي وسجلني من المتابعين لك

صح لسانك ولاهنت

تحياتي

الله يبيض وجهك يابوياسر جزله من جزل وابداع رائع


صح لسانك مليووون

صح لسانك ياعلى قصيده جميله وبانتظار جديدك

صح لسانك ..
..
أسجل اعجابي بالقصيدة
..
ويعطيك العافيه ..

السلام عليكم ورحمة الله وبركاته
سلمت ودمت أخوي الشاعر علي غلاب على القصيدة .
.
.
جزله ورائعه وصح لسانك
أخوك ابوساره

الله

الشاعر القدير المبدع علي غلاب

لله درك قصيده جزله كايفه

مبدع ياعلي وسجلني من المتابعين لك

صح لسانك ولاهنت

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسااانك وقلبك

مبدع لله درك

دمت بوود