بلفح الهبايب طايره

هذه القصيدة جاءت بعد الاطلاع على مقال بعنوان :
(وزارة العمل تسمح باستقدام تأشيرة شاعر)
(ولمطالعة هذا المقال اضغط من هنا)

وإليكم الأبيات

‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎
وين انت ياللي تبي في عال الفضاء تبني فلل=
سيسانها جنحان وبلفح الهبايب طايره=
‎ ‎‎ ‎ ‎ = ‎ ‎ ‎
وليا دخلن بالجاذبّيه فوق والجوّ اعتدل=
افتح قَنَوات الفضاء ياللي تبي نشايره=

‎ ‎‎ ‎ ‎ = ‎ ‎ ‎
لعلنا يمّك نطير وعند مثلك نسفهل=
احسن من إنّا فوق كوكب شايطه قشايره=

‎ ‎‎ ‎ ‎ = ‎ ‎ ‎
حنّا بوقتٍ شاف فيه النّاس كل اللي حصل=
على صعيد الأرض عملات الأوادم جايره=

‎ ‎‎ ‎ ‎ = ‎ ‎ ‎
حتّى الصّحافه قالت ان العلم متعدّي زحل=
عن من يحب الشّعر واللي ممتطي حرايره=

‎ ‎‎ ‎ ‎ = ‎ ‎ ‎
قال العمل تأشيرة الشّاعر ولادري من كفل=
هذا الخبر مشهود والله يعلم بسرايره=

‎ ‎‎ ‎ ‎ = ‎ ‎ ‎
مير أنت ياللي بالقوافي ما يجي منك الزّلل=
يا كثر ناس الطّيّب اللي تنتظر شوايره=

‎ ‎‎ ‎ ‎ = ‎ ‎ ‎
عبرالقوافي ياصل السّامع كلامن مكتمل=
بالنّطق وإلاّ بالحروف مسجّله سطايره=

‎ ‎‎ ‎ ‎ = ‎ ‎ ‎
الشعر ديوان العرب ياللي بمضمونه جهل=
خذ كلمة اللي في بحوره له سفينه سايره=

‎ ‎‎ ‎ ‎ = ‎ ‎ ‎
وهبه من الله ما لغيره في فهايمنا وسل=
ومغثبر الرّيغان يجني بالنّكد غبايره=
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎

يابني سالم المعذر :::الملتقى بأسم حرب وأغترّيت بالاسم وحطيت هالمشارك ولاعودها يابناخي يراعيه تبي تلغونها ابرك

اول شي صح لسانك يابن العم على القصيده الجزله
والتي قصر فكري عن فهم معانيها ولاكن ساجتهد من اجل فهم ماكتبت
ثاني شي الملتقى شاعرنا القدير لقبيلة حرب كافه ولافرق بين ابناء القبيله
ثالث شي العذر والسموحه اذا حصل فيه تقصير [/color

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

ووجهك ابيض يالغالي تسل على الاشاده الجزله من الجزل

وامثالك مع ابو هليل ويسلم الجميع

الله من السكانه