العجوز والفتاة ، كيف تصطادين المعرس ؟ !

كيف تصطادين المعرس دون اللجوء إلى الاساليب السقيمه من المغازلات والترقيم والتلميح الي ماله سنع والترزز بالاسواق.....إلخ

=أهم شي نثني على العجوز الي حاطه عينك على ولدها ثم نفذي مايلي:

1_خليك مع امك ولاتروحين مع البنات وتتهيبلين اصبري عنهم كم شهر لين تتم العملية.

2_امشي وانتي حاطه راسك بين كتوفك ولا ترفعينه ابد حتى لو عورك خلي الفكس دايما في متناول يديك.

3_كلمه خاله خليها دايما على لسانك خاصة لام المعرس عشان تحس بنوع من التميز عن باقي العجايز.

#ملاحظه.لامانع تنادين عجوز ثانية بخالة عشان اذا مانجحت الخطه مع العجوز نمبر ون تنجح مع نمبر تو الاحتياط واجب وانا اختك.

4_اذا بدت امك تتكلم انغزيها بكوعك عشان تدخلك فالسالفة حتى لو مالك داعي تطبيقا للمثل <<<كثر الدق يفك اللحام<<<<دارية المثل ماله داعي بس مالقيت غيره.

5_اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصة على ذريتك.

6_كل ما اكلت امك من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي.

7_اذا جيتي بتمدين ايدك توجعي وخلي امك تقول:قايلتلك وانا امك ماله داعي تنظفين جدران البيت الخارجية<<<<اقول نظفي غرفتك اول الي تقولين ثايره فيها قنبلة ذرية.

8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها<<<<بس لاتكتمي نفسك مره اخاف تروحي فيها واصير قتلت نفس بغير حق هع .

9_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة.

10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة.

11_اذا ادلت العجوز<<<ام المعرس المتوهق
بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.

#مثال:تقول العجوز:بوش متقهوي عندنا البارح

قوليلها:وليه ماعلمتينا ياخاله نجي نساعدكم؟!

12_في العروس اضغطي على نفسك واقضبي ارضك ولاترقصين واعتبري الرقص عيب وشق جيب.<<<<مشكله اللي مثلي مايستحمل

13_اذا جاء طاري السوق وهولازم يجي الطاري لانه ملح الجلسه عند الحريم خلي امك تقول:بناتي مايحبون يطلعون السوق ابوهم يجيب اغراضهم.

=الحين العجوز بتكون وقعت فالفخ.

نروح للمعرس الحين.

1_اهجدي في بيت اهلك ولاعاد تطلعين واذا جاالمعرس بيشوفك خلي ابوك يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني<<<ايه هين يالشايب والله لو بيدك ان تحط مكانها باسكال مشعلاني

2_ قبل يجي اليوم الي بيشوفك فيه بحوالي اسبوع او اكثر<<<حسب شين الوجه

طامري من صالون لصالون صبغ فرد تنظيف بشره..إلخ.

3_اذا جا المعرس خلي اخوك يوقف جنبه عشان مايطيل التبحلق ويبان المستخبي وذلك تطبيق لنظرية<<<اللمحة ذبحه .

4_في نهاية المشهد خلي ابوك يقول:معليش وانا عمك ترى البنت شوي محيوسه<<<معليه يالشايب تنصب عالمسكين.

وبهاللحظه الولد بينط على راسه ويبوسه لين يشفط مخه ويقول متى العرس ياعم؟

هههههههههههههههههههههههههههههه

تصدق افكار حلوه
جااااااري التحميل
خخخخخخخخخخخ

تسلم سعد
شكلك بتساعد على قضاء العنوسه هههههههههههه

	المشاركة الأصلية كتبت بواسطة احساس ليل

	هههههههههههههههههههههههههههههه تصدق افكار حلوه جااااااري التحميل خخخخخخخخخخخ تسلم سعد شكلك بتساعد على قضاء العنوسه هههههههههههه

هذا سياسة وتخطيط عندكم يالحريم

تصطادون الرجال وهم على نياتهم

ههههههههههههههههه

امزح أحساس ليل يعطكِ العافية

الله يكون بعون العريس

	المشاركة الأصلية كتبت بواسطة حربي سعودي

	الله يكون بعون العريس

شكراً على مرورك العطر يا حربي سعودي

احترامي وتقديري لك

هههههههههههههههههه

الحين الرجال هو قام يتصيد العروسة

الزواج حاصل على حسب المتقدم مؤهل او غير مؤهل.....

طرحك راقي لاعدمت تواجدك هنا...

	المشاركة الأصلية كتبت بواسطة وله قلبي

	هههههههههههههههههه الحين الرجال هو قام يتصيد العروسة الزواج حاصل على حسب المتقدم مؤهل او غير مؤهل..... طرحك راقي لاعدمت تواجدك هنا...

وله قلبي شكراً شكراً على مروركِ العطر يا شمعة المنتدى

احترامي وتقديري لكِ

هههههههههههه

على كذا راحوا العراريس ضحايا

تسلم يا سعد بن نفاع الجابري

	المشاركة الأصلية كتبت بواسطة بنيدر الحربي

	هههههههههههه على كذا راحوا العراريس ضحايا تسلم يا سعد بن نفاع الجابري

هههههههههههه

لالا لاتخاف مع التفاهم والسياسة كل شيء يهوووووون

شكراً على مرورك العطر يا بنيدر الحربي

احترامي وتقديري لك

اساليب رائعه تسلم شاعرنا الغالي

طرح جميل وهادف