الحقّ بيّن وبعضّ النّاس ماتحطّه علـى بالهـا

/
/
/
/
/
/
/
/
/
/
/
/
/
/
/
/
/
/
/

خـالــد بـــن عـبـيـد الاحــمــدي=
سلام ردّية ٍ تضفي على طيب المقابـل جمـال=ردّة وفا والوفا يوفالهـا مـن وافـي اوفالهـا
انصحك يابن معبد وانت رجل ٍ من قروم الرّجال=خلّك فحالك وسيب اهل المشاكل تمشي افحالهـا
مــشـــعـــل الــمــعــبـــدي=
يامرحبا ياهلا باللي تولّـم ثـم سـاق الجمـال=يالله عساها تجمّل فالسّفـر ماتطـرح ارحالهـا
أناا أحمدلله محايـد لاغدالـي لاجنيـه وريـال=والمشكله فيـك ياللـي للمشاكـل دوم تبرالهـا
خـالــد بـــن عـبـيـد الاحــمــدي =
تبقى وفيك الكفايه مير بعض احيان تكثر جدال=في حال قوم ٍ لهم طبع التنكّـد و النّكـد فالهـا
واعجبتني بالعقل يوم ان جتك المزعله فالمقال=وازعلتني يوم جبت الكلمه اللي مااقبل امقالهـا
مــشـــعـــل الــمــعــبـــدي=
أنته تلمّس علوم ٍ روحت مابين شرق وشمـال=لاكن مامعك منهـا فاالحقيقـه ربـع مثقالهـا
أنكان عندك سوالف قودها والحبل فوق المحال=ولاّ الدوادي سوات العلّه الي تمرض أطحالهـا
خـالــد بـــن عـبـيـد الاحــمــدي=
لاتنّطح الحقّ بصياحك ترى صاحبك ماهو بضال=الحقّ بيّن وبعضّ النّاس ماتحطّه علـى بالهـا
وان كان مابان لك بالقاف معنى ياجميل الخصال=هذي كبيره على شاعر نضنّه ينقض احبالهـا

صحت السنتكم
والله يـعـطـيـكم الـعـافيـــــــــــة
بيض الله وجيهكم

الشاعرين
خالد الاحمدي
مشعل المعبدي
صح الله السنتكم ويعطيكم العافية