ياغازي مغيران

يـاغـازي مغيران كيـف انت وابـطيت
لــو ان لك مـيـقاف شـقر الـجناحي

حـرٍ علـى مـدعاك مـع حـرب هدّيت
لـولا اخـتـلاف الـلازمـه والـسـلاحي

لـ اقـول مـن دون الـقـبيله دنـامـيت
واسـلاحـهـا الفـتّاك فـ ايّ الـنواحي

أوحـيـت عـلـم وظـنتي مثلي اوحيت
كـانـك عـلـى خـبـري صبي الفلاحي

مـرضـيـك والا نـخـلط الـنار بالـزيت
قـبـل نـقـول الـمـعذره والـسماحي

بـتـسد والا انّـي عـن الشـك سـدّيت
فـرض ٍ لـيـا اقـمـناه طـاب المراحي

الـكـوت عـقـب انّـه كبر صار الكويت
لـيـته عـلـى الاسـم القديم استراحي

واكـبـر خـطا بـ اعـرافنا لـ استدليت
لا لِـبّـس الـمـشلح ابـدال الـوشاحي

مـن يـوم عـدّى فـالطـويـله تـحـاليت
وقّـف وطـارت بـه هـبـوب الـرياحي

مـاهـو بـمـيقـافن عـلى حسن تثبيت
مـيـقافـن اقـرب مـايـكـون انبطاحي

لـولاي مـونـس لـ الـخطا مـاتقصّيت
ولانـزلـت الـضـيـق عـقب البـيـاحي

فـ بن طـفـيـح ومـايـقـولـه تـقـدّيت
لــو يـخلـط الجـدّه فـ بعض المزاحي

شــديـت لحـروفـي معـاني وقضّيت
وشيـطـانك ان مـافـاق مـانته مباحي

لك فـالـقضـيّه سـلك وبـ قـافية بيـت
حـرفيـن والـثالـث سـمـي القـراحي

تـفـصيـح والا مـثلك الـعلم لـ اخفيت
يــدري بـما تـحـوي بـطون اللـقاحي

خـابـرني الـدكـتـور عـن عـلّة الميت
لاشـك مـاثـاب الـمـريض الـنـيـاحي

خــذيـت درس لـمـقـبـلاتـه تـحـريت
قـبـل الــمـرض نقل العلاج المتاحي

وضــع الـتـمـام اخـذتـله و استعدّيت
فـالبـنـدق اللـي رمـيهـا بطـن راحي

وانـا تـرى بـاللي مـضـآ مـاتـراخيت
لـي بـيـرقـن مـاقـيل بالسبق طاحي

لـكن قـنـعـت بتـالي الـوقت وانحيت
عقـب الـخفير انـدار واطـلق سراحي

لـ اقـديت خـير وكان بالقول م اقديت
يغـفرلي المـجري لـ نـور الـصباحي

حـفرت بـيـر وكـان لـ البـيـر غـطّيت
لـك الـتحـيّـه يـاوسـيـع الـمــنـاحي

قصيده جزله يابدر صح لسانك وبيض الله وجهك

صح بدنك يابوهليل والجزاله تواجدك في منبر الجزاله
ملتقى حرب الذي ندين بعد الله بالفضل له في حق
القبيله والذي لن ولم تـنساه الأجيال القادمه بما يضم
من نخبه لها التقدير والاحترام على ماقدمته سابقا
وماتقدمه الآن وعلى رأسهم البطل ابوفياض النويمي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

هلا الحب الباقي
صح بدنك ومرحبا بك

صح السانك وبيض الله وجهك
تقديري

أبدعت شاعرنا صح لسانك مدد لاعدد

هلابك اخوي نديم المجره
صح بدنك وعساك سالم وغانم

الاخت الكريم شموخ الاصيله
قلمك وجوده يزيد المتصفح تألقا
صح قلبك والف شكر على تواجدك

جزله من رأس جزل. بيض الله .وجهك وصح لسانك. شاعرنا القدير
تحياتي