بيتزا كودوحركه جديده{بالخطوات المصوره}

السلام عليكم ورحمة الله وبركاته

البيتزا هذي جديده من ابتكاري ياليت تعجبكم

وطريقتها سهله بالمره وماتاخذ وقت كثير

ونبدا بالخطوات المصوره

اول شي في الخلاط :

{ كاس لبن * فنجال سكر * ذرة ملح * بيالة زيت * كاس الاربع مويه * ملعقة خميره }
وفي الزبديه :
{ ملعقة بكنج بودر * وكاسين دقيق } انخلهم سوا زي ماتشوفون




وبعد مانخلط مكونات الخلاط جيدا نظيفهم للدقيق والبكنج بودر ونعجن لين تتماسك العجينه
ونخليها مدة عشر دقايق لانها تتخمر بسرعه ماتحتاج وقت كثير




هذي الصوره بعد العجن على طول قبل ماتتخمر نسيت اصورها بعد ماتخمرت للاسف

وبعد التخمير السريع نفرد العجينه في الصينيه ونخرمها بالشوكه عشان ماتتفخ اثناء الخبز
وتصير مرتبه لان الشقوق اللي فيها تسمح للبخار يطلع ولا يخرب شكل العجين
وهذا شكلها




وندخلها الفرن ونخبزها من تحت بس

وبعد كذا جهزي الحشوه : دجاج مقطع مكعبات صغيره
وكشنيه على النار بشوي زيت لين يستوي بهالشكل



بعد كذا ضيفي له بصل ابيض مقطع مكعبات وفلفل
بارد مقطع مكعبات وكشنيه شوي بعدين تبليه بملح
وفلفل اسود وماجي ابيض وشوي صلصة الصويا
ممكن ملعقه تكفي وهذا شكلها



وبعد خبز البيتزا من تحت بس ادهنيها بجبن سايل
ورشي عليها حشوة الدجاج وزينيها بحلقات طماطم
وشرايئح جبن وآخرشي جبن موتزريلا



وادخلها الفرن من فوق يسيح الجبن ويتشقر
وهذا شكلها النهائي





اتمنى تعجبكم وتقررون تجربونها
عليكم بالف صحه وعافيه
والقادم احلى واحلى باذن الله

منقول لعيونكم
::

سلافة الحب

تسلمي سلافه

الله يعطيك العافيه على جهودك

أجمل التحايا لك

بن دواس

القدير امير الحرف وفارس القلم

اسعدني مرورك الراقي

شاكرة لك

دمت بجنة من السعادة والرضى

شكلها مره حلووووو



تسلمين يا الغالية ع هيك مجهود


::::

هلا فجري الغالي

شاكرة روعة مرورك الراقي

دمتي من الود اجمله

يسلمو ياعسوله

شكلها بالمره حلو

اجربها ان شاءالله واقوال لك راي

هلا يا قمر

شاكرة لك روعة المرور

دمتي بود

مشكوره يااختنا علا جهودك

اخي القدير

شاكرة لك عبير مرورك

؛؛

دمت بإشراقة من السعادة والرضى