تماثيل فاهم وعاقل مجرب ,.,.,.,.,.,.,.,.,.,.,.,.,.,.,..,.

السلام عليكم
/
/


أسعد الله أوقاتكم بكل خير
/
/

أقدم لكم هذه القصيدة ارجو أن تنال القبول والرضى

لكم خالص التقدير

تهيضت وأبدع من القول طيبه =تماثيل فاهم وعاقل مجرب
عرفت الليالي وما من كسيبه=وطول الليالي من الرجل تسلب
وأم الكباير غدتلي خطيبه=والفقر أخوها لفاني يتحسب
طلقتها بصبر مني وغليبه =والعلم للفقر يقهر ويغلب
عجيب الزمان الذي نرتهيبه=ليا اقبل بضحه ببكوات يقلب
واداري على اسمي سوات الحبيبه=ادراه عن ذيب فالضلع يقنب
ولامشي فمراغه ولا خط ريبه=ويستاهل اللي مشى قبل يحسب
ومن عاش يسمع حكاوي غريبه=ويشوف منكرمن الناس واعجب
وراع الذهب وسط سوقه يجيبه=واللي غوى الدرب بالبخس يكسب
وزمل تخالط جمال جريبه =بالعقل ذيكه مع الجرب تجرب
وراس مسكته بعد جت مصيبه =مافاد مسكه ولو له ابا اعصب
عزوم الفتى قبل وقع العطيبه =لسبابها السود يقطع ويعطب
وبيض المحاجر تشتت كتبيبه =ورجل (ن) تبعهم لخسرانه اكتب
وبعض النسا مثل فاطر نجيبه= تداوي عليل الجروح المغرَب
والبعض منهم سوات الدبيبه=بالسم تلدغ مع الناس عقرب
والذيب بنته مع الناس ذيبه=والبوم بنته مع البوم تلعب
واللي يبا الزين يدفع ضريبه =يغليلها المهر والخيل يركب
والعشق ماله طبيب وطبيبه =الوصل داه ودواه المركب
ورجل بلا دين يقفى بخيبه=سولت السفينه بلا شراع تنكب
والرجل ماشفت شيئ (ن) يعيبه=ياكود الفقاري عيوبه تشعب
واللي بلا مال محد(ن) دريبه=واللي معه مال بالشيخ يلقب
والمال يبني بيوت (ن) خريبه =ورجل بلا مال من ذل يشرب
تماثيل شاعر بيوته عجيبه =كما ذوب من نايف الوقب يجلب
خصيت فيها العقول اللبيبه=والنصح مني على القن يضرب
صلاتي على خير من نقتديبه=أعداد ما الغيث من مزن يسكب

صح لسانك يا فواز

جزله من راس جزل

لا عدمناك

اخوي فواز الزويهري
صح لسانك وعلا شانك
ابدعت وتميزت بهذي القصيده
الجزله
لاهنت ولاهان حضورك الكريم
احترااامي

صح لسانك مليون على القصيده
والله يعطيك العافيه
بيض الله وجهك

صح لسانك يا فواز

قصيده قمت الروعه

صح لسانك وأعتلا شانك

جزله بيض الله وجهك



تقديري


الجراري

صح لسانك يا فواز

جزله من راس جزل

لا عدمناك

صح لسانك ياابو محسن وبيض الله وجهك

على هذه القصيدة

حيث انها جاءت على بعض الطروق القديمة التي قد لايعرفها شباب اليوم

وممن نظم في هذا اللحن فلاح الحريبي ولافي العوفي .

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

	المشاركة الأصلية كتبت بواسطة حفيد الحجيري

	صح لسانك يا فواز جزله من راس جزل لا عدمناك

صح بدنك وسلم غاليك والله يبارك فيك

لك خالص التقدير