انا والجني ومفسر الاحلام (بن عقيل)

انا والجني ومفسر الاحلام ارجو ان تنال اعجابكم ...

يا مفسر الــــرؤيا تراني شــــــــــــــــــــفت حــلم بالمنام=بجـــلس معك واشرحلك اللي شــفت.واسمع للاخير
وارجـــــــوك لا تقطع علي الفـــكرة بسرد الكلام=لان حلـــــــــــــــــمي فيه رعـــب وفيه شرٍ مستطير
اشــوف كني كنت فوق. وجيت في وضع ارتــطام=من الســــــــما للارض جيت مهوي بمشهد خــــطير
للأرض بيــــــديني صور وأوراق برجول الحــــــمام=وأربع شـــــــــــنط طائر بها خلفي ولد جـــني صغير
وابطيت وانا اسبح فضا ما شوف شبر من الظـــلام=الا دوياً في الســــــــــــــــماء واصوات تشبه للشخـــــير
سالت حمال الشنــــط . وش هالوحــــي والازدحـــام=قالي ابد .هذا صـــــدى صوت الاجانب والفقيــــــر
انتم كذا ياقــوم الانس تفكفكون ام الــــــنظام=حتى جماعتنا الجـــنونه عنـــــدكم في الارض غــير
عافوا مدنكم والطريق تكـــــسرونه كــــــل عام=في حجة التصريف. لجاكم مطر صــــــارت غدير
وازعجتو الجن بحواجزكم وســــــــــــببتوا زحـــــام=حتى الشـــــــــوارع والطرق صبه وحاجـز مستديـر
قلت ايه كمل .قال خلك بانزال اشـــــوف الحطام=رجع وقلت اشفيه. قال أكثر كباريكم كسير
وأكثر مشاريع المدن متقطعاً فـــــــــيها الخـــــــطام=تلعب بها الاجناب لعب الفار في اكياس الشـــــعير
اربع فئات من الاجـــــــــانب مالـــــــــه حق المــــــقا م=والايــــــــــــــطبق فيهم الاســـــــلام بالسيف الشطير
هم بنقله وافــــارقة والجار ملعون الرســـــــــــــــام=مع من غلب. والمفسدين اصحابكم صاروا كثير
ومتخلفين نظام الاقامات . ســـــــــــــــــــــلم ياسلام=تســــــــرح وتمرح في ديركم كنهم فيـــــها خـشير
صارت فضائحكم بعد جوكم على قمة ســـــنام=والله وانا جني ..يا فيــــكم صار مجهول المصـــير
أكثر حراميتكم مهندم بثوب الاحتــــــــــــــــرام=شــــــــــــــهادته تزوير واسمه غير وينـــــصب مدير
أشغلكم العالم بكورة لجل تنســــــــــــون السلام=تعطا ملايين كـــــــــــــــمخه . تدفع ملايين في بعير
ذليتم انفسكم للاجناب اوطـــــــــــــــكم بالجزام=وجنستم اللي حج ماعــــــــــــــــــــــود وهو شر شرير
نظام حكم الدولة مجـــــــــــــــــــود بقوة واحتكام=لكن في بعض الدوائر ســـــــــــــــــوسةٍ تنخر نخير
والشـــــــعب الاصلي فيه حب وود لاصحاب المقام=لكن فيه اجناس وصلت فـــــــــــوق في وضع محير
وايام تحـــــــــــرير الكويت . اظهر وضوح الانتقام=وطبـــــــــــــــــــــق مثل طير ليا منك شبعت من الفطير
والمجـــــــــــــــــــــتمع ثلثين منه يعــــاني من الانفصام=شخصيته فيها ارتباك افكــــار . تحتاج لـــخبير
صرنا نعوذ بربنا منكــم وحنا في العســــــــــــــــام=وانته ترى شاعـــــــــــر غزل . يعجبني الشعر المثير
وحذف علي شناطة اللي معه واتــــلاشـــــــى تمام=وصحيت من نومي وقمت ارجف وقلبي له فريـــر
تقــــــــــــــــــــــــــال قلبي منزع وتقال ما عندي عظام=فتــــــــــــحت عيني خوف واني طايح بجنب السرير
ياشيخ وش رايك بما تسمع . نبي منك العــــــــــلام=قال انـــــــــــــــــــــثبر بعلمك . وانته تحمل ما يصـــير
خويك الجني وســــــــــــــــالفته معك لب الخصام=حب الوطـــــــن حب الملك في داخل عروقك يسير
وسيطر عليك الياس . لافي ايديك مال ولا زمــام=الشنـــــــطة الاولى غلا الاســعار والنصب الكثير
والغش والتزوير والاســـهم وخسران الانـــــــــــــــام=والثانية هي ضيعة الايـــــــــــــمان في جمعٍ غـفـير
ياويل بعضهم حلف واقسم على ايدين الإمـــــام=والثالثة تخـــــــــــــــــــلل الوازع بعد مات الضــمير
تقطعت فيــكم صلات الرحم من بعد والوئـــام=والدين حسن معاملة ماهو بمشعاب وقصـــــير
والرابعة تعوذ من ابليس لارحــــــــــــــــــــت ابتنام=تراك نوب تنام وانته مشـــــــتهي كاسة عصير

تحياتي / اخوكم : خلف السهلي (بن عقيل)

احسنت ياخلف قصيدة هادفه وجميله
والحمدلله على سلامتك من الحوادث والا الامور الاخرى يحلها ربك
شكرا على ها المعنى الجزل

اخوي الغالي ابو خالد الفريدي
صح بدنك وشكرا لمرورك العذب

حياك ياخال ؟
ماشاء الله قصيده جميلة ورائعة من جد
و تحمل في طياتها الكثير من
الجنون اللغوي !

مشكووور

الله الله الله

صح لسانك وبيض الله وجهك يالنشمي

قصيدة جزلة من شاعر راااائع

لك خالص التقدير

صح لسانك يابن عقيل وبيض الله وجهك

صح لسانك يابن عقيل
قصيده جزله من شاعر جزل
لاهنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

سلمت وصح لسانك ملااااييين أخي بن عقيل

على هذه القصيدة الهادفة والمعبرة

دام عزك وبيانك وعافاك الله ورعاك