نتيجة مسابقة الكسرات النهائية

أخواني أعضاء ملتقى حرب
وجميع من صوت لمسابقة الكسرات .
أولأ نضع بين ايديكم أسماء الشعراء الذيين شاركو في المسابقه

معي ذكراك=
هو باقي محبوب ماروح=في خافقي والعيون تشوف
اللي مشى يوم ما لوح=عن خاطري ماتغيب طيوف
بحر الكسره=
البعد من يحتمل شوقـه=قاسي على القلب بالاهات
الروح بفراق محروقـه=والعين جفت من العبرات
نافع الحربي=
يا حرق قلب الخليل إحراق=إن كان خله نوى الفرقا ء
الله يعينه على الأشـواق=وطوارقٍ تطرقـه طرقـاء
هـــــلال حرب=
الـبعد والصـد والهـجـران=بين المحبيـن ذي عاده
مسكين من فارق الاوطان=تايه وماشي عن بلاده
الشاكر أبو سامي =
الله يامصعب الفرقـه=نار لضاها يهد الحيل
كن المفارق معه حرقه=وتزيد لاظلم عليه الليل
حفيد الحجيري=
ياليت ما هناك ود ووصل=إن كان لابد مـن فرقـا
لكنها هي كذا في الأصل=لابد تنـزل بعـد ترقـا
بندرالبلادي=
من ناتج البعد و الفرقـه=عانيت مر الشديد الشاق
اعصاب و افكار منحرقه=فمنازع الروح والاشواق
العبيدي=
درب المفارق كثير آهآت=محزون من يسلكه محـزون
نآس(ن) كثيره منه ماتبات=ونآس(ن) على سبته يبكون
بخيتان البشري=
صحيح يانعمة النسيان=ننسى معك حي فارقنا
لكن يبقى هناك إنسان=يعجز فراقـه يفارقنـا
الذراع=
يبكي حبيبي على فرقاي=ملامح الخوف فـ عيونه
لولا الملامه وخوف عداي=أترك هوى العين واصونه
وحيد الجزيرة=
يامفارق القلب لازلتـو=القلب باقي على طرياك
لو زدة فالبعـد مانلتـو=القلب ماتملكـه يمنـاك
عبدالعزيز الزويهري=
وا حرقتي وا عذابي آه=وا سقم حالي من الفرقا
كلما بغيت التهي و انساه=القى خياله معـي يرقـا
معاند زمانه=
والله ما اخترت انا الفرقى = بس الزمن لخبط اوضاعي
انته وانا بحبنا غرقى = ولاعنك خافي باالاسماعي
مشعل النويمي=
ياعام عشرين جاني فيك = نفقد غوالي حبايبنا
كل مذكرك انا ولا اطريك = الدمع بالعين يغلبنا
أبو ذياب=
لحظة الم ... والمشاعر صمت=ماغير نبضـي لهـم خفـاق
من يوم غادر (وليفـي) مـت=بحساس دقت ساعات فـراق
مضحي بن جمران=
بالله لاتطري الهجران=يزيد همي وغربالـي
ارجوك يانقوت الخلان=كلش ولا البعد يالغالي
سعد بن نفاع الجابري=
الله من فرقـة الغالـي=فالقلب دايم كثير اوجاع
من اولأ دوم في بالـي=واليوم ياربعنا قد بـاع
دكتور الهوى=
بفراقكم شانت اخلاقـي=وللآن عايش على ذكراك
اجـر آهـات فاعماقـي=وابكي قهر من بعد فرقاك
الفـــــارس=
بعد الصفى ماشين الفراق=وخصوص لاحال باحبابك
تخرج من البعد والاشواق=مغير الآهات في حسابك
عبدالله الفريدي=
ما انساك يالصاحب المملوح=ما انسى لو الموت ينساني
لو الجسد فارقتـه الـروح=ارحم من افـراق خلانـي
فهد عواضه المخلفي=
بحشاي ياشيـن طعناتـك=ومامثل الم طعنتك بحشاي
ادواي وداي بنضـراتـك=واجبك من بعد داءي داوي

بعد التصويت على 21 كسره تم إختيار سبعه كسرات وهي تعتبر صوفة الصفوه وهذا عن طريق نتائج التصويت

هـــــلال حـــــرب=
البعـد والصـد والهـجـران=بيـن المحبيـن ذي عــاده
مسكين من فـارق الاوطـان=تايـه وماشـي عـن بـلاده
الشـاكـر أبــو سـامـي=
الله يامصـعـب الـفـرقـه=نـار ولضاهـا يهـد الحيـل
كـن المفـارق معـه حرقـه=وتزيد لااظلـم عليـه الليـل
بــنــدرالـــبـــلادي=
من ناتـج البعـد و الفرقـه=عانيت مـر الشديـد الشـاق
اعصـاب و افكـار منحرقـه=فمنـازع الـروح والاشـواق
بـخـيـتـان الـبـشــري=
صحيـح يانعمـة النسـيـان=ننسـى معـك حـي فارقنـا
لكـن يبقـى هنـاك إنسـان=يعـجـز فـراقـه يفارقـنـا
عبدالعـزيـز الـزويـهـري =
وا حرقـتـي وا عـذابـي آه=وا سقم حالـي مـن الفرقـا
كلما بغيت التهـي و انسـاه=القـى خيالـه معـي يـرقـا
أبـــــو ذيــــــاب =
لحظة الم ... والمشاعر صمت=ماغير نبضـي لهـم خفـاق
من يوم غادر (وليفـي) مـت=بحساس دقت ساعات فـراق
سعـد بـن نفـاع الجابـري =
الله مــن فـرقـة الغـالـي=فالقلب دايـم كثيـر اوجـاع
مـن اولأ دوم فـي بـالـي=واليـوم ياربعنـا قـد بـاع

أما الفائز بمسابقة الكسره هذا الاسبوع فهو الشاعر بخيتان البشري واتمنى للجميع التوفيق مع العلم ان المسابقه القادمه سوف يكون هناك نقاد على صفوة الكسرات وأسئله على كسرة الفائز إن شاء الله

بـخـيـتـان الـبـشــري=
صحيـح يانعمـة النسـيـان=ننسـى معـك حـي فارقنـا
لكـن يبقـى هنـاك إنسـان=يعـجـز فـراقـه يفارقـنـا

وقد حصل على وسام مسابقة الكسره

الف الف الف مبروووووووووووك ترليون

باخي الغالي بخيتان البشري

ويستاهل كل خير

اها لا تنسى العشاء عندك


أمزححححححح معاااااك

الف مبروك ياابو محمد
وتستاهل كل خير
والى الامااااام
تحيتي وتقديري

الف مبروك ياابو محمد
وتستاهل
والله يـعـطـيـك الـعـافيـــــــــــة
بيض الله وجهك

الف الف الف مبروووووووووووك

الحقيقة أن جميع المشاركات رائعة ورائعة ورائعة

أبدع فيها شعرائنا وتميزوا ولكن هذا هو حال المسابقات لابد من فائز

ويعلم الله الذي لاإله إلا هو أني قمت بالتصويت على الكسرة التاسعة

ولم أكن أعلم أنها لبخيتان غير أنها أعجبتني لاأكثر

نبارك لأبي محمد ونقول حظاً أوفر لباقي شعرائنا

تقبلوا وافر احترامي

الف مبروووووك ياشاعرنا القدير بخيتان البشري

كســــرهـ تستاهل وكان تنافس شرس بين الكسرتين الرابعه والخامسه

صـــــحت السنت جميع الشعراء كانت مشاركات رائعه

لاهنتووووووو وبيض الله وجيهكم



تقديــــــــــــــري واحترامــــــــــــــي

الف الف مبررررررررررررررررك يابو محمد تستاهل واتمنى التوفيق للجميع في المسابقات القادمه تحياتي للجميع