اول مشاركة معكم قصيدة لي ورد لاحد ابناء القبيلة

بسم الله الرحمن الرحيم

السلام عليكم ورحمة الله وبركاته

مساكم الله بالخير جميع

هاذي اول مشاركة في منتدى يحمل اسم القبيلة وابداء بقصيدة ارسلتها لاحد الاصحاب بمناسبة مولوده الذكر الاول واقول فيها :

الشاعر / محمد بن عبيدالله العويضي الحجيلي

يـاهاجسي قود البكار المضراه = وامشـي طريقك سوقها يـم غالـي
وليــا نصيته بلغــه قــاف مبداه = سـلام يــاراع الوفـــا والكمالـي
انت العزيز ويفرح القلب طرياه = والجود ساسك ورث عم(ن)وخالي
باسوق لك من قاف شعري ومعناه = بمناسبة مالك بيوت(ن) جزالـي
لجلك يابـو مـالك ولعيون ملفـاه = بسري بموكب ناسجه مـن خيالـي
وارقـى سنـود وعالـي الضلع برقـاه = وابهر اشعــاري بصفر الدلالـي
يـاللــه تحفظلـه وليــده ومـاجـاه = وتبلغـه رشــده وترزقــه مالــي
وتجعله ذخر(ن) يفتخربـه لمرباه = ويبرهـم يصبح لهم خيـر والـي
وتكحـل اعيونـه ابنته معافــاه = وتمشي قبالـه مثــل مشـي الغزالـي
ويعـود للمقناص يـوم(ن) نبغـاه = ونحرص علـى خوته بعد انشغالـي
مع خوة (ن) تشرحلك البال تشفاه = ارجال من صفوة قنوص الجبالي
مـاهمها ياكـود شوفـه بمفلاه = ولا الرمـي ترمـي برمي(ن)هـوالـي
اتدور اكبــار الوعـول المخفـاه = وترسـل عليهـا اسهومها باشتعالـي
ولا خاب عبرود(ن) ومحكوم مرماه = يوم(ن) خبرتنا سنين(ن) طوالي
ويـاكـم ناخس بـالشـوازن ذبحنـاه = فـي وسـط غـاره مالقالـه مجالـي
وليـا طرينا الشعر جيت انت باعلاه = ماخالط ابيوتك بيوت(ن) هزالـي
اليـا حكمت القـاف ثم جيـت تقراه = قمنـا نشيلـه بجمـل الصـوت عالـي
ونـردده مــن زود حكمه ومبنـاه = وســط المجالس شـعرك اكبـر مثالـي
وصلـوا علــى امحمـد بحق(ن) عرفاه = اعـداد مـاذعذع بــراد الشمالـي
واعداد غصن(ن) نابت(ن) فوق مرواه = واعداد ماساق الدلال الرجالي

رد الشاعر : فلاح بن فالح الشاعري الحجيلي

يــاهاجسي جتك البكـار المسمـاه = مــن بعـد عشت فـوق روس المفالـي
مـن راس حدب(ن) طاب جوه ومرعاه = كسـاه عشب الفكر مثـل الزوالـي
في موكب(ن) ماشفت ياناس حلياه = على الشحم ورد(ن) وصفر(ن) تلالي
مـن شاعـر(ن) ياطيـب سبكـه ومغزاه = شـاعـر ليــا هـاز الطويلات قالـي
يــامرحبا بالصاحــب الــي عرفناه = كريـم طيـب نفـس دمـث الخصالـي
مـن طيـب نفسه جـاب فـالشعر نجواه = يـالله عساه اليـا طلب شـي نالـي
يـدعـي عسـى رب الملـى يقبـل ادعـاه = الواحـد المعبـود رب الجـلالـي
وجريـت يـامحمد علـى قلبي ارشاه = واوحي بصدري مثـل صوت المحالـي
ذكرتنـي فــي وقـت يازيـن ذكـراه = يـوم الوعــول اتدوج مثــل الحلالـي
يــامـا علــى روس الشغانيـب جبناه = ويــامـا طرحنـا فـالسهل والتلالـي
انتـه تبــى الموعـد وانــا مثلك ابغاه = مـوعدك مـع اول طلـوع الهلالـي
الليـل مظلـم والنهـار انحسـر مـــاه =والصيد بيــن المـاء وبيــن الظلالـي
مـن غيـر دربيل المسافـات قسنـاه = بعـد الضريبـه عـن فويـه الصوالـي
ون كـان راد اللـــه رمينـا وصدناه = ونعلقـه فــوق الفنــون الجلالــي
واشويلكم كبــده وقلبـه مــع كــلاه = والبـاقـي اتشيلـه ظـهور الجمالـي
هـذا هـوى بالــي وشفـي وسلواه = مـع رفقت(ن) دايـم هواهـم هوالـي
وختامها عنـدي نصيحة ومسـداه = للـي لهم فـالصيد شــف(ن) وتالـي
قولوا لراعـي الصنف لايرمـي الشاه = وقت الضريع ووقت نشو السخالـي
وصلوا عـدد مــن زار بيت اللــه وجاه = واعداد حبـات الحصــى والرمالـي
علـى نبـي(ن) جـاء بحـق(ن) وطعنـاه = شفيعنـا يــوم الحشـر والسؤالــي


وسلامتكم

ملاحظة : اتمنى من الناقل ذكر اسماء الشعار والمصدر لحفظ الحقوق والقصيدتين لم يتم انزالها الى هنا ومنتداي الخاص فقط .

ماشاء الله

صح لسانك يابن العم ولسان ابو مالك وجزاله الله يبيض وجيهكم

واعجبني اطرائكم للقناصه وعلوم الرجال امثالكم وانشهدنها عز ومرجله

قولوا لراعـي الصنف لايرمـي الشاه = وقت الضريع ووقت نشو السخالـي

والله ماودك ولاودنا والله يجيب ابو قرون دونها قبل نشوفها

صحت السنتكم والله يحييك بين ربعك
والله يـعـطـيـكم الـعـافيـــــــــــة
بيض الله وجيهكم

يامرحبا فيك
وصحــت السنتكــم
دمتم برعاية الله وحفظة

	المشاركة الأصلية كتبت بواسطة محمد راضي العريمه

	ماشاء الله صح لسانك يابن العم ولسان ابو مالك وجزاله الله يبيض وجيهكم واعجبني اطرائكم للقناصه وعلوم الرجال امثالكم وانشهدنها عز ومرجله قولوا لراعـي الصنف لايرمـي الشاه = وقت الضريع ووقت نشو السخالـي والله ماودك ولاودنا والله يجيب ابو قرون دونها قبل نشوفها

صح بدنك ووجهك ابيض وتشرفت بمرورك يابن راضي والف شكر
وكل شاعر له ميول معين يكتب عليه وحنا عشقنا الصيد والمقناص وتولعنا به

	المشاركة الأصلية كتبت بواسطة رابح الجحدلي

	صحت السنتكم والله يحييك بين ربعك والله يـعـطـيـكم الـعـافيـــــــــــة بيض الله وجيهكم

صح بدنك والله يبقيك ويعافيك ووجهك ابيض وتشرفت بمرورك يالجحدلي والف شكر

	المشاركة الأصلية كتبت بواسطة فهد ابن غانم

	يامرحبا فيك وصحــت السنتكــم دمتم برعاية الله وحفظة

صح بدنك وهلا بك وتشرفت بمرورك والف شكر يابن غانم

قصايدفي قمة الجزاله.صحت
السنتكم وبيض الله وجيهكم

	المشاركة الأصلية كتبت بواسطة (عبدالله الوهبي)

	قصايدفي قمة الجزاله.صحت السنتكم وبيض الله وجيهكم

صح بدنك ووجهك ابيض وتشرفت بمرورك والف شكر يالوهبي

قصيده وافيه ومن راس وافي
لاهنت ولاهان هذا الحضور
تقبل تحيتي

	المشاركة الأصلية كتبت بواسطة ماجد بن تركي الحربي

	قصيده وافيه ومن راس وافي لاهنت ولاهان هذا الحضور تقبل تحيتي

يعطيك العافية يابن تركي وتشرفت بمرورك والف شكر

السلام عليكم وحمة الله وبركاته
مسائكم الله بالخيرات
وصحت السنتكم وبيض الله وجيهكم تقبل مروري