... ( عندي منصّه مايمديني ).. محاوره... مع القدير / عبدالعزيز بن غازي الزّويهري

خالد بن عبيد بن معتوق الأحمدي

اتجاوز العُذُر للمعقول
وصمتي عن الرّد يكفيني
إذا أتّصلنا عليك تقول
عندي منصّه مايمديني

عبدالعزيز بن غازي الزّويهري

موضوع وقت الطّلب مقفول
وخلاصته كان توحيني
لا شفت واحد معك مشغول
لاتشغله في المياديني

خالد بن عبيد بن معتوق الأحمدي

شُف حولك النّاس عرض وطول
رغم المشاغِل تحاكيني
ولو نفرض إن العُذُر مقبول
قدّر جنابي وحيّيني

عبدالعزيز غازي الزويهري

ماني لبعض البشر مسؤول
خطيّته ماتخطّيني
و إلا أنت محشوم ابن اصول
عاقل و فاهم في تضميني

خالد بن عبيد بن معتوق الأحمدي

حكُم العلاقه مهو مجهول
ودستورها فيه يحميني
وأصبحت ممّا جرا مذهول
لو تعذر لي ماترضيني


عبدالعزيز غازي الزويهري

لا تنذهل للرجال عقول
و ما دام عقلي يقديني
ما يجيك معذار فالمرسول
وانت في شرحي مجليني


خالد بن عبيد بن معتوق الأحمدي

فمجادلك ماظَهَر محصول
وإنكارك اللي معنّيني
والأمر واضح وله مدلول
يهديك ربّي ويهديني



عبدالعزيز غازي الزويهري

الوقت مقسوم خمس فصول
تقسيمته ما تلهيني
من يحترم ساعته موصول
و من خان الاوقات لا ايجيني

الاستاذ خالد
الاستاذ عبدالعزيز
تشكرون على هذا الابداع

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\

:صحت الألسن وطابت القلوب لكم مني اعذب التحايا

صحــت السنتكــم
دمتم برعاية الله وحفظة