أربع خصال

خلك سفير الوجه طلق المحيَّا=والهقوة اللي فيك خلك حراها
دنياك مثل الشمس من بعد فيَّا=ياكم واحد حرته مادراها
لو كنت راقي فوق وسق الثريَّا=لابد من يومٍ توَسَّق ثراها
وأنا موصَّا قَبْل من والديَّا= أربع خصال تنومس اللي قَرَاها
لاتهيل في الميلات مع كل هيَّا=ولاكل كلمة مدح تجري وراها
ولاتحتزم بين الرجاجيل عيَّا=ولا ضفت ربعٍ لا تحاقر قِرَاها
ولو قلت بعض الناس ماهي سويَّا=الناس كلٍ ماشيه في سراها
أقول لاعساك ماتشوف سيَّا=وتبقى البيوت اللي يذري ذراها
قال المثل ( حنا عيال القريَّا )=مانجهل اللي باعها واشتراها
لكن نصيحة لك من دون شيََّا=النفس مرهونة لمن هو براها
اغنم طريق الحق مادمت حيَّا=نعم الغنيمة اللي موثًّق عراها

	صح لسانك مبدع بكل حالاتك تقديري

صح لسانك اخوي
و احنا في انتظار مثيلات لها
دمت في حفظ الرحمن

صح لسانك وبيض الله وجهك

نص جميل وشاعر بارع

تقبل تحياتي

قصيده وافيه ومن راس وافي


لاهنت ولاهان هذا الحضور


تقبل تحيتي

صح لسانك ..

قصيده رائعه واحساس اروع ..

الأخ لافي

بيض الله وجهك وصح لسانك

ابدااااع غير مستغرب يالغالي

تقبل اجمل التحايا

ودمت بخير

صح الله السانك


قصيدة عانقة السماء بجزالتها وأبداعها

تحياتي لك

	المشاركة الأصلية كتبت بواسطة الحب الباقي

	صح لسانك مبدع بكل حالاتك تقديري

صح بدنك
،
ماعليك زود

	المشاركة الأصلية كتبت بواسطة سود الهدب

	صح لسانك اخوي و احنا في انتظار مثيلات لها دمت في حفظ الرحمن

صح بدنك
،
شلكر مرورك