العم عايش الرحال // أبو ذياب

الرحال=
تزلزل القلب من مرساه=والآن ماهو معى راسى
كيف انقذ القلب مماجاه=وارتاح من كيد هوجاسى
أبو ذياب=
حسب الذي أبديت في شكواه=مرضى على أمركم باسـي
وش السبـب الـذي خـلاه=مابين هوجـاس متعاسـي
الرحال=
كتبت حرفى لمن يقـراه=من عقلى ومركز احساسى
اسباب طرفى تهامل مـاه=من مااشوفـه وماقاسـى
أبو ذياب=
رسم الحدث معك من مبداه=وبالي معك روح ونفاسـي
والأن عطني ؟؟ الذي تشقاه=نسري على ضوء نبراسى
الرحال=
نوهت لك سابق المأساه=وشرحت درسى لدراسى
لاتطشنى فشى ماترضاه=وتكبنى فى اسا الآسـى
أبو ذياب=
بأسعى معك للدوى في داه=وأفتح لك الآن كراسـي
افيدنا الطرف وش ابكـاه=واللي تقاسيـه ياسياسـي
الرحال=
هذا لكم قط مـا ننسـاه=وللى حسيتوه انا حاسى
عساك لى الدوى تلقاه=ويعودلى بالأمل ياسـى
أبو ذياب=
لا تفقد اليأس لا تمحـاه=وانا معك صعب ميراسي
وخلي الأمل والرجاء لله=ينجيك من كل أتعاسـي

ابداع من شعراء رائعين صح الله السنتكم وادام عزكم وبيانكم قمة في كل شي بيض الله وجيهكم
تقديري واحترامي

صح لسانك ابو ذياب

وصح لسان العم عايش

ابداع منقطع النظير

شكراً لكما

تحيتي وتقديري

	المشاركة الأصلية كتبت بواسطة مشعل النويمي

	ابداع من شعراء رائعين صح الله السنتكم وادام عزكم وبيانكم قمة في كل شي بيض الله وجيهكم تقديري واحترامي

حيااااااك الله

أخي الغالي مشعل النويمي

وصحححححح بدنك ودام عزك وبيانك

والله يعافيك ووجهك أبيض

ولاعدمنا تواجدك العطر لاهنت

	المشاركة الأصلية كتبت بواسطة حامد الاحمدي

	صح لسانك ابو ذياب وصح لسان العم عايش ابداع منقطع النظير شكراً لكما تحيتي وتقديري

هلااااااا وغلاااااا

بأخي الغالي حامد الأحمدي

وصححححح بدنك

وانت الأبداع والتميز في تواجدك العطر

ولاعدمناك لاهنت

صحت السنتكم
والله يعطيكم العافيه
بيض الله وجيهكم