لا تاصل الا مثل يحيى البلادي

السلام عليكم ورحمة الله وبركاته

هذه القصيده في الواء يحيى البلادي مدير شرطة منطقة حائل

ونقول بيض الله وجهه على وقفته والطيب ما يستغرب من اهله

يا صرت محتاج لوقفة رياجيل = لا تاصل الا مثل يحييى البلادي
النادر الي طلعته طلعت سهيل = واليا نخيته لو بعمره يفادي
اقولها من ماقف له تفاصيل = مدح بليا شهود راعيه غادي
المدح نوماس الرجال المشاكيل = ولا ياصل النوماس غير الجوادي
ويحيى وقف وقفه بها يفخر الجيل = كفى وفا ولو طلبناه زادي
انشهد انه من رجال حلا حيل = عز الرفيق ولاطمين المعادي
يستاهل البيضا وكيف المعاميل = بياض وجه ما يعقبه سوادي
مديون له في فزعته للمراسل = وفي رد معروف علينا وكادي
الطيب ما يصنع بزين التماثيل = ضلع طويل ويارقيته سنادي
راعيه ما سمي قليل محاصيل=توفيق ويناديه باسمه منادي
وصنايع المعروف تاقى المحابيل = وتبقى على مر اليالي جدادي
ياهل المثايل ما تفيد الاقاويل = المدح زينه في حصول المرادي

حجز اول

يشرفني ان اكون او المتصفحين لهذه الدره

عقد فريد من انتاج فكر خالد الحصني

صح لسانك يابو موسى ويشهد الله اني اترقب جديدك

الله الله

صح لسانك يابو موسى


جزل ولاتجيب إلا الجزل ,قصيدة تدل على جزالة شاعرها ووفائه


صح لسانك وبيّض الله وجه يحي البلادي راعي الفزعات والوقفات المشرفه يستاهل المدح


لاهنت ياخالد

تقبل مروري

والـــــف نــــــــــعـــــــــــــم
فـــــــــــــي

حــــــــــــــــرب

صح السانك على الجزالة لاهنت

الشاعر الكبير
خالد الحصني
صح لسانك وعتلا شانك
على القصيده الجزله
من راس شاعر عودنا على الجزاله
والواء يحيى البلادي
يستاهل الطيب والمدح
أشهد بالله انه راعي طيب وحميه في شهادة الرجال
والطيب من راعي الطيب ليسى غريب
والنعم في ربعنا البلاديه
والنعم فيك يابو موسى وفي ربعك الحصنان
دايم مايمدح الطيب غير الطيب
والحقيقه ان مثل اللواء البلادي
يرفع راس كل واحد حربي
تحياتي وتقديري

هلا يابو موسى وغلا ومن طول الغيبات جاب الغنايم

وهالقصيدة ومضمونها من اطيب الغنايم

ويستاهل المدح كل طيب


الجزاله لم تفارق ابيتات هذه الشامخه كعادتك

ولكني وقفت هنا كثيرا:


وصنايـع المعـروف تاقـى المحابيـل
وتـبـقـى عـلــى مـــر الـيـالـي جــــدادي

توظيف رائع للحكمه يسرى مع الناس



يـاهــل المـثـايـل مـــا تـفـيــد الاقــاويــل
الـمـدح زيـنـه فــي حـصـول الـمـرادي

قفلة او حسن ختام فعلا اختصر المطولات
وعزالله انك صادق
ماتفيد الاقاويل المدح زينه في حصول المرادي


مليون صح السانك
واعتلا شانك



تحيتي وتقديري لشخصك الكريم

	المشاركة الأصلية كتبت بواسطة فواز العمري

	حجز اول يشرفني ان اكون او المتصفحين لهذه الدره عقد فريد من انتاج فكر خالد الحصني صح لسانك يابو موسى ويشهد الله اني اترقب جديدك

هلا ومرحبا ابو بدر تشرف القصيده في حضورك طال عمرك والله يحييك وصح بدنك

صح لسانك وعلا شانك
مدحت من يستحق المدح والبلادية هذا طبعهم اهل نخوة وشيمة وفزعتهم قوية
بيضالله وجهك ووجه الممدوح
تقبل مروري وتقديري

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك مليون وسلم بنانك وبيض الله وجهك

قصيدة جزله من شاعرجزل في غاية الروعة والجمال الله يعطيك العافيه

دمتم بخير