الطيّب اليا اخطا يقدّر ويحشـَــمْ - يدمح خطاه وزلته ماتضرّي

السلام عليكم ورحمة الله وبركاته ..

إخواني الشعراء والأعضاء الكرام ..

أقدم لكم هذه القصيده لعلها تنال على رضاكم ..

طوّلت صابر كمْ وانا محتمل كمْ
مير الصحيح اليوم لله درّي

منكم لفن العوج بافعال وبفمْ
ولافيكم اللي للخطايا مقرّي

ومما تقولونه يبا الوصل يَحرَمْ
عليّ بالله حالف (ن) مايمرّي

كم لي وانا للغيظ صبّار واكظم
طالت وانا من طولها شفت ضرّي

والذمه ادري مالكم عهد وذمم
ولاتفرقون اليوم خيري وشرّي

والرد عنه يحدّني سلم وشيَم
يوم الردى في سلمكم مستقرّي

يوم ان مابوجيهكم يالهمل دم
مامثلكم فيه يتشرف مقرّي

قيلت ومن قال المثل جاد واَحكم
وادق وابلغ من حديث المقرّي

الطيّب اليا اخطا يقدّر ويحشم
يدمح خطاه وزلته ماتضرّي

والا الردي خشمه اليا زل يدقم
والناس كل(ن) من خطاه امتبري

للناس بين الناس شيمات وقـيـَم
ومن شذ وين اليوم يبغى يفرّي

لابد من عقب الفرير ايتحطم
ويحط وسط النار مهما يغرّي

طبع الزمان ولابها شك يابوَم
لابد من يوم(ن) عليكم يكرّي

الكرّه اللي تا توردكم الهم
والوقت شرواكم لزوم (ن) يعرّي

لاهدافكم ماهو موصلكم الذم
والذم عمره ماخبرنا يذرّي

لو تعبدون ابليس والقس الادغم
وترددون اللي يقول المعرّي

جتكم على الرّمه مصاقيل وجزم
وامّا عن المنهج كشفه التحرّي

واللي قبل ناره مع الناس تشعم
صد وخمدها يوم شاف التزرّي

ومخطف الهرجه عقب هذره انطم
وذيل الهزيمه جرّه اليوم جرّي

مير افطنوا باقي براكين واحمم
في حال والا حال صاروخ ذرّي

وانا ماجيب العلم خافي ومبْهـَم
لا والله الا بالحقوق امتجرّي

من دون حقي باللقا عالي اهمم
والخصم لابده بنصري يقرّي

والله وانا بن عيد ما اخسر ولا اهـْـزَم
لي ماقف (ن) يوم الملاقى يسرّي

يطرب رفيقي والعدو منه ينسم
والماد بحري وان بغيتوه برّي

وسلامتكم

لاهدافكم ماهو موصلكم الذم
والذم عمره ماخبرنا يذرّي

صح لسانك يابدر الهبيري
وسلمت روحك
ياشاعرنا الغالي
لك تحياتي
يابن العم

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك

صح لسانك يابدر

صح لسانك يالنشمي
والله يـعـطـيـك الـعـافيـــــــــــة
بيض الله وجهك

مير افطنوا باقي براكين واحمم
في حال والا حال صاروخ ذرّي

وانا ماجيب العلم خافي ومبْهـَم
لا والله الا بالحقوق امتجرّي


الشاعر الكبير / بدر الهبيري حقيقة انك شاعر علم و شاعر من كبار شعراء القبيلة و نفتخر بشعرك
و رجولتكو نخوتك .....

صح لسانك يا ابو عيد على هذه الدرر

	المشاركة الأصلية كتبت بواسطة عيسى العوفي

	لاهدافكم ماهو موصلكم الذم والذم عمره ماخبرنا يذرّي صح لسانك يابدر الهبيري وسلمت روحك ياشاعرنا الغالي لك تحياتي يابن العم

الشاعر الجزل وابن العم العزيز عيسى العوفي ..

صح بدنك ولاهنتياطويل العمر وتسلم
على الحضور الجميل بجمال روحك ..

[table1="width:95%;"]

اخوي رابح الجحدلي لاهنت وصح بدنك ..