يابدر

يابدر ياللي عليه بالدجى طلي=نار الهوى شوفتك زادت تلهبها
شفتك وحوّل غزير الدمع منهلي=من عبرةٍ شرهتي قامت تجاذبها
والقلب لولا ضلوعي جاك منتلي=والنفس الاشواق من شوفك تناهبها
لدّيت ملهوف كن الفكر منشلي=وازريت اسيطر على افكاري وارتبها
مذهول اطالع لوجهٍ بان متجلي=بالنافذه صوبي النظرات صوبها
يا من غرامه بداخل مهجتي حلي=ارفق بروحٍ عليك الشوق سالبها
لولاي اداري علىاسمك جيت لك كلي=لو دونك الناس تدحم في مناكبها
لوان دونك سيوفٍ حدب وتسلي=جيتك ولوهي تناهبني مضاربها
من دافع الوجد يوم انه تبيّن لي=وجهك خطير الوله للنفس يعطبها
حيثي بحبك بدون خيار متبلي=دبره والاقدار وال العرش كاتبها
حبك ملكني بجد وصار متولي=علي والروح شاربته وشاربها
مالي خيارٍ بنفسي معك ياخلي=والروح مني علا لاماك جالبها
ياكيف منك العنا يازين يحصل لي=وشلون ترضاه نفسك ماتعاتبها
خلك محلي وتدري ويش جارلي=من طول فرقاك واعذارٍ ترتبها
كودك تقدّر مدى جرحي وتفطن لي=وروحي بكثر التجاهل ماتعذبها
حيثك تجاهل معاناتي وتفتل لي=حبلٍ من الصد روحي فيه تشعبها
مانتب تراعي لامانٍ فيك يزهن لي=وشوق لوصلك عناه النفس غالبها
كنك بعد صرت احبك شلت لي غلّي=وبالبعد روحي على حبك تعاقبها
اليوم خامس شهر محسوبها زلي=عقب التقينا وانا باليوم حاسبها
مرّت عليه بـهمٍّ حل واحتلي=صدري وعيني كرى جفني محاربها
الياس من قرب وصلك منك بادٍ لي=حتى المواعيد شحّت بك مطالبها
تقول مثلك لمثلي بالهوى ملّي=وارخصتني عشرتي ما عاد ترغبها
والا بتعذيب من يهواك متسلي=ولوعات قلبٍ يودك تستلذبها
حكّم ضميرك وشوف لوضعنا حلّي=ونفسك على ما تسوي في حاسبها

صح السانك وبيض الله وجه

قصيدة في قمة الروعه والجمال

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	صح لسانك __________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

صح الله لسانك
ولاهنت
وسلم فكرك وبنانك
دمت برعاية الله وحفظة

صح بدنك اخوي العطيب والروعه والجمال في اخلاقك
وذوقك وعباراتك الرائعه بيض الله وجهك ومشكور
ماقصرت الله لايهنك يالغالي

لاهنت وصح السانك

تقبل التقدير والاحترام

وفقك الله

صح لسانك
..
..
أسجل اعجابي بالقصيدة
..
ويعطيك العافيه ..

اخوي رابح الجحدلي صح بدنك والله يعطيك العافيه
ومرورك شرف لي الله لايهينك يالغالي

ابوعبدالرحمن صح لسانك ملون
والابداع عاداتك