يشوش راعي التشويش ماحسب إلتشويشه

السلام عليكم ورحمة الله وبركاته
اخواني اعضاء الملتقى يشرفني ان اضع هذه المتواضعه بين ايديكم وامل ان
تحوز على رضاكم وهي من قصائدي القديمه

على سلم الكرام ارسم وأنا أبرسم وأنا رســــام=وأبرسم لك رسوم ماأرسمتها قبلــــي الريشــة
صحيح إني صغير السن لاكن للبــــحر عــــــوام=أعوم بحور شعر للمعالــــي قادني طيشـــــه
غطست أكبر بحر بين البحور وجبت خمس أقلام=ولا يوجد من الخمسه قلم نقدر إلتهميشـــه
قــــلم يدعــو لدين الله على سـنة هدى الإســلام=مثل جم على طول الزمن يروي معا طيشـه
وقلم يكتب فخر واصل الفخر بين الرجال اقسام=ولابه حر وده للفخر تقصر مطا ريشه
وثالـــثهن ليا منه كـــتب ياســــم وأنا الوسّــــــام=مثل سيف الشجيع أللي يقوم ويحتمي جيشه
ورابعهن قلم يمدح هل الطولات والاكرام=مثل رجل شهد بالنور ما يشــهد إبخشيشـــه
وخامسهن مكملهن على طــول الزمــن صـــوام =قلــم يكــتب غــزل عندي قلــيلات محاويشـــه
يالين الله يرزقني بمن تلبس حجل وازمام=تهيضني علا شعر الغزل واكثر تناويشه
وانا لي ميزتن بالشعر تشبه بصمة الابهام=بحال وحال مثل اسهيل يفرق عن مداقيشه
وانا ماني بابو الطيب وانا ماني بابو تمـــــــام=لاكن انحت قصيدي نحت ماخليه تنقيشـه
ومدام الله عطاني الموهبه والعرف والالهام=يشوش راعي التشويش ماحسب إلتشويشه
وأنا ماني مثل بعض الرجال أللي كما الانــــــعام=ماهمه في زمانه غير يركظ من ورا العيشة
أنا ليه هدف واضــح ما بين المــقبله والـــــعام =ولا باقي على لوحة زمــان المقــبله ريشــه

الله الله على الإبدااااااااع

حقيقة أخي / أحمد الطريسي أنك داهية رغم صغر سنك الله يستر عليك و يوفقك

صح لسانك على هذه القصيدة الجزلة و عاداتك الجزالة

تمنى استمرارك و لاتقطعنا من جديدك

صح لسانك ولاتحسب لاحد مادام هذاقصيدك يااحمد00
بانتظار جديدك

ولا يوجد من الخمسه قلـم نقـدر إلتهميشـه
قلم يدعو لدين الله على سنة هـدى الإسـلام
مثل جم على طول الزمن يروي معـا طيشـه
وقلم يكتب فخر واصل الفخر بين الرجال اقسام
ولابه حـر وده للفخـر تقصـر مطـا ريشـه
وثالثهن ليا منه كتـب ياسـم وأنـا الوسّـام
مثل سيف الشجيع أللي يقوم ويحتمـي جيشـه
ورابعهن قلم يمدح هـل الطـولات والاكـرام
مثل رجل شهد بالنور مـا يشهـد إبخشيشـه
وخامسهن مكملهن على طول الزمـن صـوام
قلم يكتب غـزل عنـدي قليـلات محاويشـه


صح لسانك وهذا خمني فيك ويعطيك العافيه .........

اخوي احمد
صح لسانك ملايين
وبيض الله وجهك
وقصيدة وافيه من شاعر جزل
لاهنت ياغالي

احمد الطريسي
داهيه ان الله عطاه عمر
صح السانه بدون مجامله ولا تحيز

احمد صح السانك
هذا الشعر ولابلاش

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

ياسلام ياسلام


دره ياراعي الدرر ماشاء الله تبارك الله


شاعر وقصيده كما عهدنا فوق الشهاده


لا عدمناك

الله الله

صح لسانك يااحمد وبيض الله وجهك


عزالله انها قصيدة كاااااايفة

دمت بخير