اعزائي واخواني اليكم هذه القصيدة وجهتها للشاعر الكبير الغني عن التعريف / جايز جزاء العرم الحربي
جادت هجوسي بالبيوت الغزايز=بيوت شعرمن االشوايب نقيه
وابها نصيتك يابن عمي ياجايز=وأنته من ارجال الوفاء والحميه
عن فزعة اهل الطيب ماني بجايز=شرواك يفزع فالضروف القويه
ياللي على المعروف تعطي جوايز=شبلا ً موصى بالجماله وصيه
وصاك عود بيرق الطيب فايز=أبوك راع الجود جزل العطيه
وعماتريده ماتردك حجايز=تاصل لماتبغاه والنار حيه
ماأنصا ضعيف العزم وقت العوايز=اللي عزومه فالمواقف رديه
هذاك عده من حساب الجنايز=ولاأحدٍ نشد عنه ان خذته المنيه
انصاك ياللي للجمالات حايز=ورجلك على دروب الشكاله جريه
الطيب له عند النشاما غرايز=تثور لاحتاج الخوي لخويه
وأهل الوفاء وقت اللوازم ركايز=تنصا ليا جات الامور القصية
والطيب فأهل الطيب مثل الكنايز=مذخور باقي فالرجال الوفيه
اخوكم /عبد الله سنيد الجابري