متى على الله ضروف الوقت

السلام عليكم ورحمة الله وبركاته

اهدي لكم هذه الابيات عسى ان تنال عجابكم

دخـيل عـــينــك تريّــض لاتخـــليــني=ودّي عــيوني تـروّا منــك لـــوساعه
ياروح روحــي وياحــيــي وياعــيني=ياريـف قـلـبي ومــشـهـاته ومــرباعه
متى على الله ظروف الوقـت تعـفيني=والحـظ عــقــب التعـثّر يبني شـراعه
واسج سبت القـدم من بيـن عـرقـيني=مدهال خـشـف المها والصيد بانواعه
والوسـم حـسبة دخـوله قـبل يوميني=لهـب نــود الشـــمال وزان ذعــذاعه
ماقـــلّـد اللّى رصـيـده بالمـــلايــيني=دنــياه لــبـدّها مــن يــوم مـنــزاعـه
والبـر شــوفه ايونـّسـني ويغــنـيني=عـن ناس هاالوقت شـمّاته وطمّاعه
رزقي عــلى الله ما دام الله محيـيني =والـنــاس ماهي الــمــد الله مــنّاعه
ارجــيه ربي ايوفّـــقــني ويهـديـني =سبل التوافيق والمقصود واللطّاعه

التوقيع مساعد الجليدي

ذكرتني يامساعد كاملي الزيني=في قافك اللي يشوق القلب مطلاعه
الصاحب اللي على بالي وناسيني=حبه سطا بالخفوق وكثر اوجاعه

الاخ الشاعر مساعد الجليدي صح لسانك مليون ولايكفون

وسلمت يمينك على القصيده الرائعه دمت مبدعاً

وفي انتظار جديدك تقبل مروري مع خالص تحياتي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة شداد الغيداني

	ذكرتني يامساعد كاملي الزيني=في قافك اللي يشوق القلب مطلاعه الصاحب اللي على بالي وناسيني=حبه سطا بالخفوق وكثر اوجاعه الاخ الشاعر مساعد الجليدي صح لسانك مليون ولايكفون وسلمت يمينك على القصيده الرائعه دمت مبدعاً وفي انتظار جديدك تقبل مروري مع خالص تحياتي

عندي نصيحه وطعني كان توحيني
لتذكـر اللّي نسـيك وغـيّر اطــباعه

لوجـاك قـــله لـعاد الـيوم تطريني
ودبلّه الهجر واللصّاعين مع صاعه

مليون شكر لك اخوي شداد
بصراحه مرورك اسعدني وشهاده من شاعر مميّز مثلك
وشرواك اعتز فيها

والبـر شــوفه ايونـّسـني ويغــنـيني
عـن ناس هاالوقت شـمّاته وطمّاعه

الله الله الله
صح لسانك يامساعد
وفي انتظار جديدك

مليوووووووووووون صح السانك والا تفي بحق هذا الابداع

منقطع النظير لله درك على هذا السبك والحبك ونظم الغالي والثمين

اكرررررشاعرنا المبدع صح السانك والاهنت

صح لسانك يامساعد

وبيض الله وجهك

وقصيدهـ جزله

صح السانك على الابداع

شاعرنا مساعد الجليدي

دام

الابداع

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك


قصيده رائعه