وإن قلت يا صياف وين الغيبة * يقول أنا ناشب براس الحرة (الزلامي وصياف)

رشيد:
صياف بن عواد أنا عهدي به * ذيك السنة واليوم شفته مره
وان قلت يا صياف وين الغيبة * يقول أنا ناشب براس الحرة

صياف:
انا اسمع الطاروق واغني بيه * والذاهبة بأقصها بالجرة
يا طيب راع المعرفة يا طيبه * يضحك بالدنيا بعلم الذرة

رشيد:
الوقت يا حربي عطاك جنيبه * يالله عسى خيره يكافي شره
جاك الحوار وشفت راس ذنيبه * العلم لن جات الرحى مفتره

صياف:
وادي الرما سايل وسال شعيبه * وايامنا لابدها من مرة
طال النهار وكل يوم مصيبه * وتجيك رابغ مع نضوق الغرة

رشيد:
الله يطول عمر ذاك الشيبة * منها الرجال كبودهم محتره
بنت الزناتي سنها تركيبة * وتيشل معها علة بالصرة

صياف:
معك حزام ولا معك تزهيبه * اركب في ظهر الحر ولد الحرة
اسبح في البحر لا تمشي به * بعض العيال قلوبهم مسترة

رشيد:
لا والله اركب موتري واسربيه * لكن حلقك يالحربي زره
الوقت هذا فيه شك وريبه * الخبل نعطيه العسل ويضرة

صياف:
والله لأجر الصوت وانادي به * حتى تجي محمره ومسمره
افطر مع المزهاب ولا جيبه * قدام دنيانا تزرك زرة

رشيد:
وش عاد نعمل فيه ونسويبه * ان زاد صاحبنا يعيد الكرة
لازم نحط ألها البلا في جيبه * وديس يجي منه الحليب نصره

صياف:
أنت ما تدري به وأنا داري به * أتجيك لا جربا ولا معترة
ايامنا لابدها تلوي به * تعطيه طعم الحالية والمرة

سلمت يمينك على المحاورة الجميلة