جملة الخلان

يقولون كلٍ لاتعاقب زمان يتوب=وانا اقول ان اهل الهوى مالهم توبه
ولوكان راجح عقل وفي لابته محسوب=اذا مسه اللي مسهم صار لعبوبه
من الحب واللوعه على الارض يمشي ثوب=صروف الهوى خلته مايحرز دروبه
وانا كنت احسب اني بصوبٍ وهم بصوب=وكنت اتشمتهم واثاري لهم حوبه
غبي مادريت ان للهوى دوره ودالوب=غبي احسب ان الحب بس في هكا النوبه
ليا جنّ ليلي ويلي من طاري المحبوب=وعزي لمن مثلي جنى ظلم محبوبه
اغني على المنكوس ونوبٍ على المسحوب=وليل المعنى يصرمه كثرة طروبه
وهذي نتايجها سهر مع هجوسٍ عوب=هجوسٍ من اتلوبه تقلب على اجنوبه
الاواعذاب القلب لاعرضّ الرعبوب=تقول القديميه على القلب مسحوبه
الا ليت ماشمتّ في حابب ومحبوب=الا ليت شمتي باللي مقصّرن ثوبه
تقيّن يبي وقت السهر يطلب المطلوب=مولّم لها سجده مع دموع مسكوبه
مصلّب على القتات وشذابة العرقوب=على العالم اللي تالي الوقت مسبوبه
مهو بمثلي في شبابي عنى وتعوب=ربيع الهوى قد غرني فزة اعشوبه
ولكن عسى ربي يصلي علي ويتوب=وعن جملة الخلان يقبل لي التوبه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك وبيض الله وجهك

الشاعر
محمد هابس
صح لسانك وعتلا شانك

الحب الباقي

صح الله بدنك...

واشكرك على مرورك الجميل...

نديم المجره

صح الله بدنك ووجهك ابيض...

شكرا على تعليقك...

الشاعر القدير سعد المحمدي

صح الله بدنك...

واشكرك على مرورك وتعليقيك ياخوي...

صح الله لسانك
ولاهنت
وسلم فكرك وبنانك
دمت برعاية الله وحفظة

فهد ابن غانم

صح الله بدنك

واشكرك على مرورك وتعليقك...

كلام جميل
سلمت..