( واثق الخطوة بلا خوف وهلع=)...مساجله مع الشاعر القدير/محمد حجيج الاحمدي

15-02-12, 10:43 PM

/
/
/
/
/
/
/
/
/
/
/
/
/
/
/
/

في اتصال مع الشاعر القدير والغالي ابن العم/ محمد حجيج الاحمدي
قال لي انت تغرف من بحر وشاعر واخ اكنّ لك بصدري
كل احترام وتقدير ومحبه
ولكن انت ليه غبت عن القصايد واتجهت للكسرات (هذي مابغيته منك)
وانا اشكر ابو حجيج على مشاعره وعلى وجهت نظره
.......
وارسلت له قصيده
وكما هي عادته الوفي وآفاني بالردّ
.............

بدع الشاعر /خالد بن عبيد الاحمدي

جاتـك الابيـات فيهـا يجتمـع=الوفا والطيب بالقـاف الجميـل
بعدهـا يابـو حجيّـج تستمـع=ردة ٍ فيها سـلا خاطـر عليـل
وقافنا لا جـاك سهـل ٍ ممتنـع=قابله مـردود بالـوزن الثقيـل
قولتـك ليّـه ياشاعـر مطّلـع=قافكم معروف ماهـو بالهزيـل
شاعر ٍ مطنـوخ يبـدع لابـدع=حافظ العادات بالنّهـج الاصيـل
اغرف من البحرماجيب الشّنـع=والجزل يمنـاه ماتمـدّ الهزيـل
والكريم اللزوم صيتـه يرتفـع=وعادة الاجواد ماتمـدح بخيـل
ولمتني وتقول وينـك منقطـع=ماهـي بعـاده تغيّـب يازميـل
واحة الكسرات لك فيهـا متـع=والقصايـد لاتحـطّ ولا تشيـل
لاكن اقول لك ضروفي تسطنـع=قافي اهجيني وفالبحـر الطويـل
ولانقول الوقـت معنـا مانفـع=ولانقول الوقت يسقي سلسبيـل
مـرّة ٍ مايـل ومـرّه بالسنـع=ولاتجي زبده بلا خضّ الصميـل
والعزم والصبر من زين الطبـع=خصّلة افيوسف وفآبوه الخليـل
ولايسر الوقـت رجـلٍ مندفـع=ولا يقام الحكم من غير الدّليـل
وفي ختام القاف يانجـم ٍ لمـع=في سماه ويذكرونـك ياسهيـل
باقنعك وآقـول مانـي مقتنـع=فوق سطح الشمس تلقون المقيل

رد الشاعر القدير/ محمد حجيّج الاحمدي

مرحبا وقلوبنـا لـك تتسـع=والدّلال مبهـرة بن ٍ وهيـل
مرحبا بالقصـر ولا بالجمـع=ياعريف الشّعر يالضّلع الجليل
الشعر ماله مصانـع ينصنـع=موهبه من ربنا لناسـن قليـل
والبحور اللي عليهـا ينسمـع=جاتكم بلجامها من فوق خيـل
والنعم بالشّاعر اللي ما طمـع=لو ندور مانحصل لـه بديـل
خالد ابن عبيد راضعها رضع=من صغر سنه وقافه مايميـل
ماخذهـا للوجاهـة والولـع=يوفي المعنى ولا يهضم عميل
شابت القيفان ولا هي جـذع=تسمعه يرعد ويزبد فالمسيـل
وانا يوم اعتب على مثله قنـع=يعرف ان الصد مايشفي غليل
النصيحة تنشرا لـو بالدمـع=والرجال الطيبة تلقـى خليـل
افتخر به ولد عمي لو قطـع=وابتعد و البعد مايقضي حصيل
مير ياربي لك الحمد ورجـع=يطرب السّمار بالشعر الأصيل
وان تمنّع عن حضوره ومتنع=نعذره والله على ظروفه وكيل
هذا ردّ اللي له المعنى ركـع=ساقها سوق الذلول مع الدليـل
واثق الخطوة بلا خوف وهلع=عبرةٍ للشّعر جيل ٍ بعد جيـل
قالها محمـد حجيـّج واندفـع=والقوافي جاتكم تصهل صهيل