صلة الرحم

يا هاجسي ليل الشعر هوّد وطاب
وشاعرك معه رسالةٍ في ضميره
رسالةٍ لاهل الضماير والالباب
اللي بنهج الشرع في كل ديره
قل الترابط والوصل بين الاقراب
واقع نعيشه بالسنين الاخيره
اصبح مابين الاقراب هجر وغياب
بعد الموده والصفاء والبريره
واللي يفكر في هذا الامر بإسهاب
تاتيه من كثر التفاكير حيره
في عصرنا كل الوسائل والاسباب
متوفره بين العشير وعشيره
متوفره من دون مجهود واتعاب
واسرع من الشيهان لا ابعد مطيره
مواترٍ وتشيل ... قايد وركاب
فيها المسافات الطويله قصيره
لكن بعض الناس ما يحسب حساب
يومه وتوديعه وتالي مصيره
صلة الرحم وصى بها الله بكتاب
انزل على من بعث رحمه وخيره
واصل قريبك كون للأجر كسّاب
طيع أمر علاّم الخفا والسريره
زوره وخلك للمواصيل طلاّب
وخلك حزامه بالليال العسيره
وإن جاك باشره بتحيه وترحاب
وبالكيف والعود يفوح اتعبيره
ولو بينك وبينه مشاريه وإعتاب
راضه وفي حل الامور استشيره
هذي رساله يوم جو الشعر طاب
وكلٍ يسجل ما سمع في ضميره

فهد خالد العياضي

صح السانك وبيض الله وجهك

صح الله بدنك
وجهك أبيض

صح الله السانك
لاهنت
ولاهان
منطوقك

صح الله بدنك
ومن يقول

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك
وجهك أبيض