ابو عابد السليمي إقرب

السلام عليكم و رحمة الله
العضو أبو عابد السليمي حوَّل احدى المحاورات الى مهاترات
وفي آخر ما كتبه موجها كلامه لي بعد أن نسبني لقبيلة (هتيم)
و أنا لست منها و إنما من قبيلة بني زيد القضاعية
من غير نقص بكل القبايل
وقد ناسبت المحاميد الحروب
وهذا آخر ما كتبه في مهاتراته على الرابط:
http://www.alhroob.com/vb/showthread...680#post370680

"النشاز اللي تقوله انت اللي بديت فيه ولو احسنت الرد كان احسنا الرد
وانت ينطبق عليك المثل اللي يقول(ضربني وبكى سبقني واشتكى)
وبعدين انا ماادري انت من اي قبيله ولا اعرفك لكن هذي تسمى الفراسه
وبعدين البيوت موزونه ولا لا اهم شي المعنى وصل"

و أضاف هذه الأبيات التي اظن أنه حصل على مساعدة فيها:

وان عادهـا عـودتـن مـاعـاد ينسـاهـا=من حربتن في صميم الصدر نولجها
مسمومتـن يبـلـش الدكـتـور بـدواهـا=مايقـنـع الخـبـل لـيـن انــه يلامجـهـا

هذا هو ردي المبدئي
والبقية تأتي في حالة استمراره في مهاتراته:

يالربع ابو عابد المقرود سواها= صار يتحرّش و هو مخطي مناهجها
حربتك دجما و لا انتب قد مرماها= عوِّد لدارك و خذ لقمتك و اعلجها
منتب كفو مدّة(ن) حتى ليسراها= ارجع لــ "نكرة" مع معزاك و اسرجها
و فراستك ما تفرق بين معزاها= أما الرياجيل منتب قد تحرجها
أخذت من نوهة الانذال أرداها= وعلوم الانساب لا تدخل برامجها

الأخ الصييفي
ونعم فيك وبربعك وبنسابك
وانا ما أدري عن الموضوع ولا ودي اقراه
ولكن من باب النصح فقط وثقتي انشاء الله بمستوى فهمك ورجاحة عقلك
انت وابو عابد ياخوك هذا موقع بأسم القبيله ومكشوف للجميع
ولاداعي لمثل هذه الاحتكاكات الغير مفيده
واحب اذكرك في قول الشاعر بدر الحويفي
لو كل ماثارت عجاجه تحيزمة = تهت الطريق وكل عاير صدمته
ارجو من الجميع عدم تفسير ماكتبت انه تحيز لاحد او تدخل لتطول المناقشات في هذا
الموضوع لااااااااوالله
والله على ما اقول شهيد
عزيزي الصييفي
البيتين
السابق ذكرها
اعتقد والله اعلم
انها للشاعر عبد الله زويبن المعمري
وشارك فيها في شاعر العرب

ويقول ايضا بنفس القصيد

وان جاتنا الثانيه نصبر ونرفاها = يمكن اليافاق راعيها يعالجها

تحيه طيبه للجميع

البيوت اللي جبتها في اخر ردي عليك كانت ابيات من قصيده الشاعر عبدالله بن زويبن ولا هي غريبه عليك انك ماسمعت فيها وهذا ردي عليك

ياصاحبي منت والله قد معناها=ونفسك مريضه وانا عندي معالجها
ياليتنا عن دروب الخبل ملناها=وانا ادري انه يبي يدور مخارجها
ونفسك عليه تبي تعلن موالاها=وندمح خطاياك ونسدد مفارجها
وان كان ماطعتني فابشر بمنهاها=وانا رموحي عطيبات نتايجها
علم الفراسه ترى حنا ورثناها=مير انتبه لا تطيح بحر واهجها
لا تحرج النفس وانته كنت بغناها=وانته علوم العرب تبعد وتنفجها

	المشاركة الأصلية كتبت بواسطة ذيب العاقر

	الأخ الصييفي ونعم فيك وبربعك وبنسابك وانا ما أدري عن الموضوع ولا ودي اقراه ولكن من باب النصح فقط وثقتي انشاء الله بمستوى فهمك ورجاحة عقلك انت وابو عابد ياخوك هذا موقع بأسم القبيله ومكشوف للجميع ولاداعي لمثل هذه الاحتكاكات الغير مفيده واحب اذكرك في قول الشاعر بدر الحويفي لو كل ماثارت عجاجه تحيزمة = تهت الطريق وكل عاير صدمته ارجو من الجميع عدم تفسير ماكتبت انه تحيز لاحد او تدخل لتطول المناقشات في هذا الموضوع لااااااااوالله والله على ما اقول شهيد عزيزي الصييفي البيتين السابق ذكرها اعتقد والله اعلم انها للشاعر عبد الله زويبن المعمري وشارك فيها في شاعر العرب ويقول ايضا بنفس القصيد وان جاتنا الثانيه نصبر ونرفاها = يمكن اليافاق راعيها يعالجها تحيه طيبه للجميع

مرحبا بك يا ذيب الحداثا
رايتك بيضا
و الصراحة لي في هذا الملتقى العامر بأهله أكثر من أربع سنوات
يعلم الله ما شفت الا العلم الغانم من الجميع
و كنت مثالا للشاعر الملتزم بآداب الحديث و علوم الرجال
التي يتحلى بها رواد هذا الملتقى العريق
لكن للأسف في الآونة الأخيرة انضم إلى الملتقى ناس لا في العير و لا في النفير
همهم هو إفساد ما صلح و التسلق على أكتاف الآخرين
بمحاولات شعرية لا ترتقي حتى الى المستوى الركيك
أو يسطون على أشعار الآخرين دون أدنى محاولة لإعطاء كل ذي حقٍّ حقه.
و خير مثال حيٍّ على ذلك ما قام به المستشعر أبو عابد
بانتحال شخصية الشاعر القادر عن طريق السطو على بيتين لعبد الله الزويبن
و لم يذكر أنها للشاعر إلا بعد أن كتبت أنت إسم الشاعر
علما أنني نوهت في بداية هذه الصفحة قائلا:
"و أضاف هذه الأبيات التي اظن أنه حصل على مساعدة فيها"
و حتى أبياته الأخيرة في رده الأخير أستطيع أن أراهن بأنه نسخها من شاعر آخر
لأنه يعجز أن يكتب مثلها أو حتى قريبا منها
أخي ذيب العناقر إكراما لك و للطيبين أمثالك في هذا الملتقى العامر
سآخذ بنصيحتك و سأتجاهل ابا عابد السليمي
كرامة للجميع و للمكان و رواده الكرام
و أحب أن أشير هنا بان " ملتقى قبيلة حرب الرسمي" مهدّد
من قبل فئة همها إفساد ما صلح و سيطر عليها الحسد
ومحاولة تقويض جهود العاملين
لأن مثل هؤلاء المرضى جبلوا على إفساد كل صالح.
تحياتي لك أخي ذيب العناقر و لكل الرواد المميزين في هذا الملتقى العريق

ياسبحان الله كيف يطلع الظالم مظلوم
اخوي الصييفي البيتين اللي جبتها لك هي اخر بيتين من قصيده الشاعر عبدالله بن زويبن وهي من اشهر قصايده وقد جاراها الشاعر ابن عون وشاعر سهلي مدري وش اسمه وشارك فيها في شاعر العرب
وجاي تكتب اني سطيت عليها هذا اللي قدرت تطلع فيه
والبيوت اللي رديت عليك فيها انا اللي كاتبها ولا احتاج مساعده لان الكتابه عنك اعتبرها سهله لان عيوبك كثيره
وبعدين ابسالك ليه تكتب قبل القصيده عشر سطور سب ولا شكوى ليه ماتوظفها في القصيده وتختصر الكلام اللي مامنه فايده
وانا ادري ان الاعضاء يدرون من المخطي ومن المصيب ولا يحتاجون لاي معلومات وادخلوا وشوفو في الموضوع اللي كتبه الاخ الفتى وشوفو من المخطي
انتهى
الخبل لا تنشده لو هو عن اخوانه=لا تنشد الخبل ثم ادق ساقيته

بالمناسبه البيت اللي كتبته هو للشاعر عبد الله بن زويبن قبل لا يتهمني الصييفي اني سارقه

ومن يك ذا فم مر مريض = يجد فيه مرار الماء الزلالا

بيض الله وجهك أخوي الشاكر أبوسامي
وأضيف
أخي الصييفي وأخي أبو عابد
تذكروا ان كل شيء سيفنى ويبقى ما تكتبونه ،
ويرويه عنكم من قرأه إن خير فخير وإن شر فشر ، قد تنتهي هذه الحياة القصيرة ولا نجتمع أبدا إلا على صفحات الانترنت .
أخواني هل يسركم أن ما تكتبوه هنا تجدونه في صحيفة أعمالكم يوم القيامة
أتمنى من كل واحد قبل أن يكتب ،،
ينظر في إجابة هذا السؤال ..؟؟؟

صلووووووووو على النبي يالربع وانت اكبر من الكلام هذا

اخي الصييفي : يعلم الله انك عزيز وغالي

وانت كذلك يابوعابد السليمي

ارفعوووو انفسكم عن بعض الامور

الإخوة:
الشاكر أبو سامي،
الحميدي المخلفي،
و
تركي الشيخ،
مشكوورين و راياتكم بيضا
و كلامكم على العين و الراس
تقبلوا تحياتي و تقديري