شمس الموده

شفت العشب فجأه تحول على قشاش = من لآهب الكنَّه تبدل حطيبي
كل مالمع برق الحياء جيت نطاش = أسوق رجلي فالزمان الكأيبي
يالين جتنا مزنةً وبلها رشاش = زاد الثعول وسال منها الشعيبي
إخضرت الديره وكل الشجر عاش = واضحى لها منظر رهيب وعجيبي
ثم جاني الهاجوس للحرف محتاش = كني أديب الحرف غازي القصيبي
احدن لامنّه جابها جابها ماش = واحدن بيخطي للهدف ما يصيبي
وإمُآ أنآ لاجبتها جبتها كاش = اغيض فيها اعدايْ وارضي حبيبي
ياحب متربع على القلب و الجاش = انته حبيب القلب واقرب قريبي
ان غبت عني صرت محتاج لنعاش = وان جيتني انت ادويّ والطبيبي
كنا سوات الطير نبني على أعشاش = ماتغيب عن عيني ولا كنت اغيبي
واليوم اشوفك ياهوى البال منحاش = كنك تبي شمس الموده تغيبي
ماتدري ان القلب إبيض من الشاش = مايحتمل نارً سنآهآ لهيبي
يابو ثنايا نورها لمعت أفلاش = يسترك ربي من عيونً تصيبي
الجرح موت الجرح لاصار مناش = من عاذلي وآشيب عيني وشيبي
حتى ولو اني طريحً على فراش = لي عزتن يم العُلآ تعتليبي
ماني ردي افعال ولاني بعد لاش = ولاني من اللي يغدرون الصحيبي
ولاني من اللي مدور جدال ونقاش = يرضيني المكتوب وارضى بنصيبي
واللي خلق هالكون ماني بغشاش = أقسم وانا صادق وربي حسيبي

صح السانك وبيض الله وجهك

اخوي فايز

صح لسانك وبيض الله وجهك
نص رائع ومن شاعر اروع
تقبل مروري وحترامي

شفت العشب فجأه تحول على قشاش
من لآهـب الكنَّـه تبـدل حطيبـي
كل مالمع برق الحياء جيت طـراش
أسـوق رجلـي فالزمـان الكأيبـي
يالين جتنا مزنـةً وبلهـا رشـاش
زاد الثعول وسال منهـا الشعيبـي
ههههه صح السانك
الله الله شكرا لهذا اسبك والحبك ابداع الى درجة عاليه

فايز المحيسن ..
صح لسانك على هكذا نص وهكذا تسلسل .. منظوم كعقد لؤلؤ
::
يوم قريت : (اغيض فيها اعدايْ وارضي حبيبـي)
قلت: ليته قال: صحيبي ! ، وبعد ماقريت اللي بعدها:
ياحب متربع على القلب و الجـاش
كنك تضخ الـدم ثـم لـه تجيبـي
ان غبت عني صرت محتاج لنعـاش
وان جيتنـي انـت دوايّ وطبيبـي
عرفت إن السالفة ماهي مثل ماتصورت وأني في نص خصب
::
لله درك أخوي فايز على تركيبة هذا الشطر -ماشاء الله-:
ماتغيب عن عيني ولا كنت اغيبـي
::
فايز المحيسن .. نص بحق لن يمر بسهولة
أخذت به نهج وخطوات الشعر العربي الأصيل
من استهلال ومقدمة لعرض الموضوع
وخاتمة نظن من وهلتها الأولى أنها مدح لنفسك
بينما هي تأكيد على صفات جميلة
يجب أن ينتبه لها المحبوب ليثق بمن يحب
::
فايز المحيسن .. ننتظر جديدك

الله الله

يـابـو ثنـايـا نـورهــا لـمـعـت أفـــلاش
يستر عليك مـن عيـن حاسـد تصيبـي
الجـرح مـوت الجـرح لاصــار مـنـاش
مـن عاذلـي وآشـيـب عيـنـي وشيـبـي
حتـى ولـو انـي طريـحً عـلـى فــراش
لـــي عــزتــن يــــم الــعُــلآ تعتـلـيـبـي
مـانـي ردي افـعـال ولانــي بـعـد لاش
ولانـي مـن اللـي يغـدرون الصحيـبـي
ولاني من اللـي مـدور جـدال ونقـاش
يرضيني المكتـوب وارضـى بنصيبـي
واللـي خلـق هالكـون مانـي بغـشـاش
أقسـم وانــا صــادق وربــي حسيـبـي

ابدعت يافايز دام ابداعك ودمت بخير وعافيه

الشاعر القدير فايز المحيسن

صح لسانك وبيض الله وجهك

شاعر قدير وصاحب أخلاق عاليه

تحياتي وتقديري

اما انا ياابا ماجد فلن ازيد امتداحا لكني اقول مادمت شاعرنا فايز المحيسن فاننا نطمع منك بالاجود والافضل دوما لانك اهلا له

صح السانك وعلا شانك
لله درررررررررررك

والله لايضرررررك



ابا ماجد مكانك القلب ومعزتك وقدرك فوق الشعر لاعدمناك ايه النقي الوفي



تحيتي وتقديري

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر القدير فايز المحيسن

صح لسانك وبيض الله وجهك

شاعر قدير وصاحب أخلاق عاليه