إعلان لجميع شعراء النظم في الملتقى ( فن المساجلة في شعر النظم )

	السلام عليكم ورحمة الله وبركاته الحمد لله رب العالمين والصلاة والسلام على سيد الأنبياء والمرسلين شعرائنا الكرام شعراء ملتقى قبيلة حرب الرسمي السلام عليكم ورحمة الله وبركاته دعوة إلى تفعيل فن المراسلة بين شعراء الملتقى في القصيد وفن المراسلة من أجمل فنون النظم فيه يعتمد الشاعر على حبكته في القصيدة فيجود معناها ويتففن في مبانيها ويفتل مشتكاه ومغزاه في القصيدة ويقوم الشاعر المرسلة إليه القصيدة بالرد الذي يحاول فيه أن يتفوق على البدع سواء في المبنى أو في المعنى الذي ينقض الفتل وديوان النقائض بين جرير والفرزدق خير مثال لهذا الفن لكن لا نريد أن يكون الهجاء هو الغرض فالشكوى من الزمان والغزال والعتاب والأعتذار ميدان خصب لهذا الفن وسوف يكون هنالك ديوان مثبت خاص بمساجلات شعراء الملتقى في القصيد وسأورد هنا مثال لهذه المساجلة بين شعراء الملتقى

بدع الشاعر / خالد بن عبيد بن معتوق ألأحمدي

فهد العواضه صاحبي طيب الساس=رجـال حملـه مايميّـل متـونـه
برسل عليه القاف في سرعة الماس=وبدعـي ورده بالعـرب يذكرونـه
يافهد مثلي ماعرف لحظـة اليـاس=داس الخطر واعـداه مايرعبونـه
وابو بكر سالم يداعب له احسـاس=ساعة يغني للعنـب فـي غصونـه
سالك طريقه خطوتـه دوم بقيـاس=مايشتقي فـي نـاس يستعبطونـه
ومايندم اللي يعمل الطيب فالنـاس=حتى ولـو هـم يافهـد يجحدونـه
وكان السكارا تظرب الكاس بالكاس=لابدهـا تلقـى عواقـب مهـونـه
يظهر لكم طيبه من النـاس بـلاّس=والغيض وسط القلـب ماتكشفونـه
واعرف عن الانذال نكدين وانجاس=عدوهـم فـالاسـر مايرحمـونـه
وطبع الشجاع الشهم له فعل نوماس=في ماسره يلقى اسيـره مصونـه
ماينتهك عرض ٍ ولاهـو بمقّـاس=ويعفي عن اللي بالتهـم يقذفونـه
كلاً يشوفه يافهـد شامـخ الـراس=ويمكـن عـداه بغيبتـه يمدحونـه
وانته قريت العلم في وسط كـراس=رجـال عقلـه مايكـذّب عيـونـه
حكم العرب هل كان منصف لجسّاس=ولاّ غـرور كليـب هـم ينكرونـه

رد الشاعر / فهد عواضه المخلفي

حي الكلام اللي على الشعر نبراس=ماجهلـه والعريـف مايجهلـونـه
هز الهجوس وفاض بالحق هوجاس=والحق طلقيـن اللحـى يعرفونـه
القرم يبحل كل شـاذب وهـلاس=وردي المجاني ماتنومـس متونـه
حده ردى باسه على درب الاتعاس=وقلبه من العريف زادت شطونـه
ولايلحق اللي مثلك الضيم والبـاس=دامه كذا اقصـي جـدا يقدرونـه
يسلك طريقه وان سطا كل بـلاس=يقطـع طريقـه ماجنـا الامهونـه
ينداس لو مايقتنـع ليـن ينـداس=لاشك بان الـذل يعـرف زبونـه
وقرناس مايبخص به اكود قرناس=رخم الطيور تمـوت مايبخصونـه
والناس قد قال المثل فرق واجناس=كلـن علـى ليـلاه غنـا لحونـه
وذ شلقه الرديان في كـل متـراس=والشر مابيـن العـرب يولعونـه
لاثارت الهيجاء ودقـن الاجـراس=ماضنتـي ميقافـهـم يحتمـونـه
بضرب مثل وخذه بميزان وقيـاس=ولاشـك بالعريـف يستنبطـونـه
زند البسوس لموت جساس قبـاس=وموت الزناتي شغل سعدى بشونه

فواز الزويهري


بيض الله وجهك على التنويه والتنبيه والدعوه للمشاركه في تفعيل شعر المراسلات بين شعراء الملتقى ,,



وننتظر تفاعل الشعراء وعسى الله يوفق الجميع


دمت بخير

تسلم فواز الزويهري بيض الله وجهك

تسلم اخوي لكن شعار المحاورة هل يشملهم هم كل يوم يتراسلون

	المشاركة الأصلية كتبت بواسطة خالدفهدالحربي

	من هجوسٍ تجبر المعنى اجباري=ودي اخذلي مع الطاروق سيره ياهل المقناص طاريلي طواري=واتحدث حول رحلتنا الاخيره وانشد العملاق زيزوم المساري=ريس الحمله ولازم نستشيره يوم سافرنا مع لارض الصحاري=مع نفودٍ بين لينه والزبيره وش عطيت الشاص والجيب السفاري=يوم نحداهن على الطرق العسيره والطعوس اللي مثل وصف الكباري=من طلع راس الطويل ومن يديره منهو اللي يدحمه تقل انتحاري=ومنهو اللي يعترض ويصر قيره يازغيبي لاتميل ولاتداري=الحكم يعدل ولايظلم ضميره والله اني ماتنازل للسفاري=وصورة (الباشق) على برقع اسبيره ون نطحته شفت في وجهه مواري= تقل وجه داشرٍاًً مافيه غيره ولآعترض زوله تقل عامل مجاري =شايل العده وناصيله حفيره ماينافس بلهطف شهب الظواري= عارفينه لاسلاح ولاذخيره مستواه من الدوام الى الحواري= مثل ماقال(ام زيدي بم ديره) مفلح الرقابي الوسيدي= كان المقصود بالسفاري موتر (جيب) الشاعر الكبير الهاب بن عوض الوسيدي من هجوسٍ كنها البنك التجاري=لاطراى محرافها ماتستعيره لو هدفها منطقٍ ماهو حضاري=ماتخليني ليا شاء الله بحيره يالهاب الوضع مهو بختياري=الرقابي زلهته عندي كبيره ريف من جابنهم قطم السماري=كل واحد محفيٍٍ عقبه بعيره لنشاما والعشاء عنده محاري=ماهو اللي دوم في ربعة قصيره دون لنقص بالنظير وبالمباري=عن حسبهم ازبن الله واستجيره يوم صار العلم له كاتب وقاري=تحت نور الشمس في عز الظهيره الحقيقه جاك يامفلح قراري=بعد ساعه تسمعونه بالجزيره يعتبر تعميد تعميمٍ وزاري=وغير ربي ماعبدت ايلاه غيره فرق ممشانا مثل مرمى السواري=لاغطى راس الهدف نصف الشعيره خص في عرقين وعرات ومذاري=حولهن مايهد راع الطير طيره شفت شئ واقعه بين جهاري=السفاري كشخت الناس الفقيره بالنفود تسحبه خجم اللواري=ان عرفله مصنعه حطه صغيره ان زعل راعيه من حقه يجاري=وان تركنا لا ملام ولامعيره ان وقف من فوقه التيار عاري= ونجلس وافلح بها ماهي كثيره الفخر للي على الجوده يماري=وارد مشهور يفخر به خبيره وارد الفكس آر مامون البراري=مركب اللي جايب بشته وزيره ماشيٍ بمهمةٍ فيها اضطراري=كنه اللي هد من ماكر وعيره وامتناني لنشاما واعتذاري=للامور مداعبه وإلها سريره غازي بن مغيران الزغيبي= من هجوسٍ مثل قوات الطـواري=تقتحم معنى راع الشاص و شويـره يالزغيبي بـان للميلـه مـواري=والعلوم اللي سمعناهـا خطيـره وانت ماحطك محكم واستشـاري=غير رجالٍ يعرف انـك خشيـره مير تحكيمك من الانصاف عـاري=والحقيقه غلطتك ماهـي صغيـره تمدح الفكس ار في صوتٍ جهاري=مادريت ان السفاري هو نظيـره انشد اللي بايعٍ فيهـن وشـاري=وعارف عشاقهن في كـل ديـره ماشريته مقصدي قل المصـاري=ابك انا في خير وفلوسي كثيـره مير هذا هو مزاجـي واختيـاري=عاشقه عشق الهواوي للعشيـره والقنوص مدورة برق الحبـاري=حطو النسيـان قائـد للمسيـره يوم راع الشاص قصاص الاثاري=للسلق والعفـش ماكلـف بغيـره واحمد الله بانت الحجـه جبـاري=الزغيبي ماذكر للشـاص سيـره مير انا ساكت وحاذفهـا يسـاري=مابغيت اطور الموقـف واثيـره لين شفت غليص يشهد مع مكاري=ويجر الذمه عليـه بربـع ليـره ويوم سبو موتري يابا الثـواري=الطـم الشاوي و لاتلطـم بعيـره جاك ياالعملاق مـردود اعتبـاري=واعذروني صار عندي نوع غيره [/poem][/poem] الهاب بن عوض الوسيدي=

[/quote]



الله الله

صح السنة الشعار


وماهم بمليومين كلن يذب دون مطيته والشاص والفاكس أر والسفاري كلبوهن يصلحن للصحاري ولافيهن أقصور

بيض الله وجهك ياخالد ع نقل هذه الدرر


وفقكم الله

بيض الله وجهك وجاهزين تحت الطلب

شكرا
ونحن جاهزين بس فيه سوال

هل نشارك بالمراسلات القديمه وماهو العدد المسموح به
او تبغوننا نسوي مراسلات بين الشعارالموجودين الان جديده 0
نحن بخدمة مايرتقي بمستوى هذا الملتقى الشامخ0
تحيتي

عسى الله يقوي الشعراء ويوفقهم

وصح السنتكم وصح نقلكم

أشكر الجميع على المرور المشرف

والتفاعل الطيب

لكم خالص التقدير

	المشاركة الأصلية كتبت بواسطة نداء الغيداني

	شكرا ونحن جاهزين بس فيه سوال هل نشارك بالمراسلات القديمه وماهو العدد المسموح به او تبغوننا نسوي مراسلات بين الشعارالموجودين الان جديده 0 نحن بخدمة مايرتقي بمستوى هذا الملتقى الشامخ0 تحيتي

هلا وغلا بشاعرنا القدير نداء

الشاركة قالديوان المساجلات القديمة مع شعراء الملتقى

وبدع مشاركات جديدة وبعد ذلك وضع نسخة منها في ديوان المساجلات

لك خالص التقدير