.. الطآرف يسد ..

سلآم والملعبه تزهم لرآعيهآ=تبغآه وقت اللزوم يقوم ويبآني
لجل ان درب الخطر بالحيل يعنيهآ=والكهربآء سلكهآ لا يقرب الثآني

يامرحبا والبلد كثرت يمانيها = هذاك عدناني وهذاك قحطاني
الملعبه بنت مزيونه وانا ابيها = وانته تبيها ولكن لاتحداني

على القوه واصلو متابع

	المشاركة الأصلية كتبت بواسطة ابراهيم القرون

	يامرحبا والبلد كثرت يمانيها = هذاك عدناني وهذاك قحطاني الملعبه بنت مزيونه وانا ابيها = وانته تبيها ولكن لاتحداني

عسى البقى .. والمواقف لاتسآويهآ=خلك معي واحذر سوآليفك تعدآني
انته تعرف الحرب مآتجهل شكآويهآ=وانآ من الحرب مآيكفيني السآني

انا ليا ركزت الشارات ما اخطيها = لو بندقك مابها حبه ونيشاني
ازبن ضلوع الحجاز ولاتعديها = الحرب تبغى الشجاع اللي له اعواني

وينك انتظرتك والضاهر اني بنزل من الجهاز

عسآك يآرآكز الشآرآت تحميهآ=انآ سلآحي معي بالعون يحمآني
الظآهر انك جهلت علوم تآليهآ=مير اقضب الدرب وانآ هنآك تلقآني

	المشاركة الأصلية كتبت بواسطة ابراهيم القرون

	وينك انتظرتك والضاهر اني بنزل من الجهاز

يآمرحبآ بالقرون والله..
يآخوك ترى قبيلك عليمي يآدوب ..ههههه..
وعلى فكره ترى هذي المحآوره اول محآوره العبهآ يعني استحملني شوي ..
المعذرهـ..
ودي وتقديري واحترآمي..

صح لسانك يالعبيدي

ما شاء الله ان كان هذي بداياتك فأنت ما عليك خوف

بغت تختل مشيتك في ردك الثاني لكن ضبطها في ردك الأخير

و صح لسانك يا ابراهيم القرون

محاوره جميله بحضور فرسانها

تابعوا لا هنتوا

انا اعرف ان الغنم في وجه راعيها = والمشكله لاسمعت الذيب سرحاني
جوك العرب وانت منت بتقدر تجيها = في كل ليله تشوف السيف شاماني