النفس ملت

النفس ملت من غثى حاجتيني=دمح الخطاء ومجاملة بعض الاصحاب
عوج الخطايا يبحثن الكنيني=لو قلت خافيّه مع الوقت ما يجاب
مشروههن دايم على الطيبيني=وإلا الردي ما حصلن فيه مقضاب
الكف الأملس من قديم السنيني=ماقيل وش ودى مع الناس وش جاب
ما ينصفط لمرافق الغانميني=قد قالها الحصني وغيره وابو ناب
لولا تجاريب الدهر يا الفطيني=ومصارع الدنيا على كل هنداب
ما فرقوا بين الوفي والدويني=هذاك ينصونه وذا عنه مجناب
عسى لنا سيره مع المذربيني=يا ساتر الخلات يا رب الارباب
واحسن لنا المقصود دنيا وديني=وأستر خطانا عن هدف كل مغتاب
لا تحطنا لمفوه الشامتيني=اهل النقيلي شامتت كل من غاب
وامر وادهى لاظهر لك ابطيني=وانته تكمل ناقصه عند الاجناب
وان جت من النايد عسى الله يعيني=اصبر ولابد الهوى ريحها هاب
الاجنبي بابه على مصرعيني=عزه وتقديره مع االناس لاطاب
وان هس با الميزان ما هو خديني=قولة بمان الله تقفل مية باب
حقه عليه ما افرح الحاقديني=لو مبغظه جاني يطرّح بالأسباب
يروح مني مستشيل وحزيني=ما شال مني ما يحسب له احساب
سلمن لهلنا به ندان ونديني=من مرجع السنه وتحكيم الاداب
وحقي عليه بخالقه يستعيني=يرسم حدوده والعمل عند كتاب
مرجي مديحة واحد ما يبيني=وإن سبني ما نلحقه لوم واعتاب
وكان البطيني جرح قلبه دفيني=لاشاف زودك حط في دربك انشاب
ان ما حرصته بالنظر كل حيني=واغلقت زرفال(ن) ملولب تلولاب
تعلموا بك تايهين الظعيني=وإلا النشاما تفتخر بالـذي طـاب
ترجح ثقتهم في وكاد اليقيني=وزودت بناخيهم تزودهم اعجاب
بحقوقهم حذراك لاتستهيني=تنزل من القمه مع الساير الداب

صح لسانك و بيض الله وجهك يالعملااااااااااااااق

و الله أن المجاملة ماودك فيها دايم

عملاق من يومك يابوطلال

صح لسانك مليون يالغالي

الاستاذ فارس عوف




شكرا لهذ المرور



وصح بدنك


ومجامله صحيح النها مطلوبه ولاكن تتعب

رائعه من رواع العملاق

صح لسانك اخي غازي الزغيبي على هذه الحكم

بإنتظار الورود القادمه من بساتين إبداعك

ارق تحيه

الله يـعـطـيـك الـعـافيـــــــــــة على القصيده وصح لسانك مليون
بيض الله وجهك

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

صح الله لسااانك



شاعر يعجز اللسان عن وصفه وعن مدى خياله الواسع



ابيات سلسه وجزله من جزالة قائلهاا



لله درك

لا تعليق مررت للمتعة التي أجدها دائماً في قصائدك



صح لسانك



تحياتي لك

	المشاركة الأصلية كتبت بواسطة غازي الزغيبي

	النفس ملت من غثى حاجتيني=دمح الخطاء ومجاملة بعض الاصحاب عوج الخطايا يبحثن الكنيني=لو قلت خافيه مع الوقت ما يجاب مشروههن دايم على الطيبيني=ولا الردي ما حصلن فيه مقضاب الكف الأملس من قديم السنيني=ماقيل وش ودى مع الناس وش جاب ما ينصفط لمرافق الغانميني=قدقالها الحصني وغيره وابو ناب لولا تجاريب الدهر يا الفطيني=ومصارع الدنيا على كل هنداب ما فرقو بين الوفي والدويني=هذاك ينصونه وذا عنه مجناب عسى لنا سيره مع المذربيني=يا ساتر الخلاات يا رب الارباب واحسن لنا المقصود دنيا وديني=وأستر خطانا عن هذف كل مغتاب لا تحطنا لمفوه الشامتيني=اهل النقيلي شامتت كل من غاب وامر وادهى لاظهر لك ابطيني=وانته تكمل ناقصه عند الاجناب وان جت من النايد عسى الله يعيني=اصبر ولابد الهوى ريحها هاب الاجنبي بابه على مصرعيني=عزه وتقديره مع االناس لاطاب وان هس با الميزان ما هو خديني=قولة بمان الله تقفل مية باب حقه عليه ما افرح الحاقديني=لو مبغظه جاني يطررح بلاسباب يروح مني مستشيل وحزيني=ما شال مني ما يحسب له احساب سلمن لهلنا به ندان ونديني=من مرجع السنه وتحكيم الاداب وحقي عليه بخالقه يستعيني=يرسم حدوده والعمل عند كتاب مرجي مديحة واحد ما يبيني=ون سبني ما نلحقه لوم واعتاب وكان البطيني جرح قلبه دفيني=لاشاف زودك حط في دربك انشاب ان ما حرصته بالنظر كل حيني=واغلقت زرفال(ن) ملولب تلولاب تعلموبك تايهين الظعيني=و لا النشاما تفتخر با الـذي طـاب ترجح ثقتهم في وكاد اليقيني=وزودت بناخيهم تزودهم اعجاب بحقوقهم حذراك لاتستهيني=تنزل من القمه مع أسايرداب تحيات العملاق

حياك وصح لسانك

عملاق ولازلت

ولا نظن بك إلا كل خير يابن العم

تحياتي