ليل الشتا

السلام عليكم...

هذي ابيات علها تشفع الغياب


ليت لا حل الشتا من دون ليل
وليت عنه العين تكفيها سِنه

وعذابي منك يالليل الطويل
النهار وقمت تتسلف منه

تعرض الافلام عالقلب العليل
جملة الاحداث من دور السنه

الجميل تلبّسه ثوبٍ سميل
والقبيح تجمّله وتحسنه

ترفع المهيوم الى حد السهيل
ترفعه ياليل وتوخر عنه

تفرح المشتاق في زول الخليل
تفرحه وتشوّقه وتحزّنه

ترسم العينين والرمش الضليل
والثمان البيض نجمك بيّنه

بالسكون اغريت والجو العليل
اثر بستارك سهوم مسنّنه

ليل ياليل العنا منته زميل
مالقينا منك أيّات احسنه

ماعرف لك غير هالشيخ الجليل
شايبٍ مرّ الزمن قد حنّنه

شايبٍ متحريٍ يوم الرحيل
دافنٍ عشرين من عز سننه

اولك ياليل يبداه تهليل
واخرك ينهيه حمد وسبحنه

مازعج بالصوت يامال الرميل
ولاهزب هذا وهذا لعّنه

له مع التنزيل وقفه واتحليل
آيةٍ تبكيه واخرى تِسكنه

غير هذا ليت أشتا دون ليل
وليت عنه العين تكفيها سِنه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

الشاعر
محمد هابس
صح لسانك
وعتلا شانك

صح لسانك لاهنت

الحب الباقي

صح الله بدنك وشكرا على مرورك

ابو فياض النويمي

صح الله بدنك اخوي

ووجهك ابيض واشكرك على المرور

شاعرنا القدير سعد المحمدي

صح الله بدنك واشكرك على مرورك

صلاح الحيسوني

صح الله بدنك وماتهون...

صح الله لسانك
ولاهنت
وسلم فكرك وبنانك
دمت برعاية الله وحفظة