ردي على الشاعرالأخ العزيز 0 محمد البدراني 0كذبان مصر اللي تجي بالتماثيل

اخواني واخواتي الأعزاء
اضع بين ايديكم هذه الأبيات المتواضعه
وهي رد على قصيد وصلتني من الشاعر
الكبيرمحمد عبد المحسن البدراني
وانا خارج ارض الوطن في منطقة قريبه من ساحة
المعارك التي تدور رحاها الآن
مع خالص التحية
هذه اولآ قصيدة الشاعر/ محمد البدراني
مع المقدمه التي كتبها بنفسه
عليكم ورحمة الله وبركاته ...
مساء الخير والغلا والوفا للجميع.....
قبل ساعات كنت استعرض قصيدة زامل العوفي ووجدت رد للأخ العزيز والشاعر/سعود المبيريك..
ومن ظمنها هذه الكلمه((((من خاااااارج ارض الوطن))) فكانت مفتاح القريحه لهذه
الأبياااااات..
للأخ الشاعر سعود المبيريك ولكم مع اجمل تحيه
..
.

ياسعود يوم انته على شاطي النيل=في ديرتن حسني مبارك ولاها
ماشفتلي راع الرموش المظاليل=اللي شكى راع الهوى من هواها
راعي ثمانن مثل برق المخاييل=لاقامت اتلوح بظلامن غشاها
ونجل العيون اللي غدتلي غرابيل=مع العنق واللبه وظامر حشاها
إن شفتلي شقرآ تموح اشقر الذيل=يذكر علي الجادل اللي كساها
مثل القمر لاتم ياسعود بالليل=عمهوجتن ياسعود باول صباها
ياسعود ودي مير مالي مواصيل=لهاك الدياراللي سطابي غلاها
يالله عسى يضفي على دارها السيل=حتى تزين القاع للي مشاها
ماللردى ياسعود يمي مداخيل=حظي هو اللي مع طريقي حداها
ياسعود قبلي من زحول الرياجيل=كم واحدآ طخم الطراخم شكاها
واليوم يانسل الرجال الحلاحيل=لافرت الدنيا العنيده رحاها
بغيت اوسع خاطري بالتماثيل=واسند على رجالن يذري ذراها
وجاك السلام وبلغه للمشاكيل=روس الرجال اللي شريفن نباها
يامقندين البن من فاخرالهيل=في مجلسن طيب السوالف حواها

.
.
.
وهذا ردي على الشاعر / الأخ محمد البدراني
شعر : سعود المبيريك

جاني عبر ديوان حرب اعذب القيل = من شاعرن فيه افتخر واتباها
وانا ورى حدود الوطن عبر الإيميل = وقريتهن والحرب تطحن رحاها
اجازتي قضيتها و سط الوتيل = وناصر معي بحدود درعا قضاها
ابعد اخطانا عن حدود السكن ميل = الى ثارت الضربه سمعنا صداها
نتابع محطات الفضاء والتحاليل = كلن يحلل شكل على عماها
وعدنا قبل تبرم علينا المحابيل= للديره اللي صقر نجد يحماها
وهذا سبب تأخير رد التماثيل =حقايقن من راوين ما فتراها
والمعذره يا محمد ياشاعر الجيل = جتك الردود وجاك عذري معاها
بعض المحبه ياحمر عين تخييل = ميز طريقك قبل تمشي وراها
كذبان مصر اللي تجي بالتماثيل = احذر تصدق يامحمد دعاها
يبدأ المطر بالرش ثم ينقلب سيل= وان زاد روس النايفات يغطاها
قلبك غزاه اللي لقى به مداخيل = ريميتن عضه علق في هواها
ارض الكنانه للظبيه مداهيل = عنها مايسلى من شرب حلو ماها
عطني تواصيف الظبي والتفاصيل =وعندي خبير اليا نخيته لقاها
من ذاق حب ضويقات البناطيل=اللي تقل شوكه مواطي احذاها
من الدلع تمشي تقل مابها حيل = مشية حمامة ( بر) تقصر اخطاها
والغره الشقراء تمشط على ميل=ولو تنقض الأشقر تثني وكساها
شمس اليا بانت تجلى اسود الليل =من الجمال الفاتن الله عطاها
ياويل قلبن صوبه حبها ويل = لاتصدقه لو قال تاب ونساها

الله الله عليك

صحت السنتكم


قصيده رائعه

بيض الله وجيهكم

البدع و الرد بديعان من مبدعين

لكم خااااااااااااااالص التقدير

والله يعطيكم العافية

قصيدة رائعه بروعة حضورك



لك تقديري

الاخ العزيز
الشاعر المبدع والجزل

سعود المبيريك

صح لسااااااااانك والله على الرد الجزل الوااااااافي


صح لسااااانك مليون مره وتسلم يمناك.


لك من اخوك اجمل تحيه
.
.
.
.

بندر الحربي



لك من اخوك سعود المبيريك

كل التقدير والإحنرام

على مرورك الذي شرفني

ولك تحياتي

فيصل حمود


لك من اخوك سعود المبيريك

كل التقدير والإحترام

على مرورك الذي شرفني

ولك تحياتي

الأخ الفاضل والشاعر الجزل

محمد عبدالمحسن البدراني

يشرفني حضورك

الذي اعتبره وسام فخر

تقبل خالص التحية آ

الأخ الشاعر القدير سعود المبيريك

صح الله لسانك ولسان الشاعر المبدع محمد عبدالمحسن البدراني

شعار كبار وغير مستغرب الأبداع من الطرفين

بيض الله وجيهكم

تقبلوا اجمل التحايا

ودمتم بخير

ابن خير الله الردادي


لك من اخوك سعود المبيريك

كل التقدير والإحنرام

على مرورك الذي شرفني