اثر النوايا السود ماهي قليله / تاضح معالمها ويكشف خفاها

اثر النوايا السود ماهي قليله
تاضح معالمها ويكشف خفاها
لو هي من اللي محتزم في شليله
يبي يتفاخر مادرى وش وراها
خبل ايزايد قربته من صميله
واليا اطلبوه الناس قام وفراها
يقول انا راع الكرم والجزيله
وانا عقيد القوم وانا ذراها
وانا افعولي بالمواقف ثقيله
كم معضله حليتها في عشاها
وينك ياكساب الظفر ياعميله
تنظر بحال اللي تزايد غثاها
صاروا خبيثين النوايا قبيلة
كل يجيب السالفه ويحماها
كل على ماضيه حط النثيله
ويقول انا ربعي يسرك نباها
وهو لك الله مالقينا حصيله
ماعاد نعرف طيبته من رداها
مع الغريب تقول راعي فضيله
ومع ابن عمه زلته مانساها
تحداه غله وسط قلبه تجيله
مايستريح الا وهو قد رماها
طبعه ردي مايعشق الا الهزيله
لو هي ورى المريخ راح وخذاها
تقول ربي خالقه للفشيله
مغسول وجه وحاجته ماقضاها
لو نطعمه من مالنا ونعديله
عود يعذرب فالرجال وعطاها
سلم العرب ماكل رجل ايحويله
من ضيعه والله ماياصل مداها
يهيم في دنياه لين اتحليله
لو قلب النيات والا لواها



عبدالعزيز مناور الرويثي الحربي

صـــــــــح لسااااااااااانك ياذيب الحــــــــــره
ابيات جزله من جزل تسلم

نص راائع لاشك
صح السانك لاهنت

صح الله بدنك يامحماس

ماعليك زود طال عمرك

تسلم

صح بدنك ياكحيلة حرب

صح لسانك على هالدره ننتظر جديدك

صح بدنك يالحر الاشقر

ماعليك زود طال عمرك

صح لسانك لاهنت

صح لسانك على هالدره ننتظر جديدك

صح الله ابدانكم جميع

ماعليكم زود