بين صياف ومحمد المسعودي الليلة الليلة نبا نلعب على الطرق القديم

الليلة الليلة نبا نلعب على الطرق القديم = ونجدد الوقت القديم ونستعيد الذاكـــــره
يا شين حظك يالغريم اللي لقينا لك غريم = بعد غفلت بلعبة البيلوت ثم الباصــــره
يا مطيب الطرقة مع الطرقي على الخط السليم = وانكان ما جات العلوم اليوم تاتي باكرة
أنا نويت آقف على جنبك وأدفك يالغشيم = و أذكرك ذاك الكلام إنكان ما أنته فاكـــره
القاضي اللي يطلب الشاهد بعد راح الخصيم = بكرة يجيه الخصم الآخر والشهود مسافرة
بكرة تجيك الشمس ما بينك وبين الشمس غيم = ياللي تسابقني على الغبة ولا لك باخرة
أنته توصيني على الدعوة وأنا حاضر مقيم = علومنا متقاربة وعلومكم متناثـــره
أنا ليامني نويت اضرب ضربتك فالصميم = والقبر له عامين في دار تحبه خابــره
لو عندكم تمرة يا أهل مكة مثل تمر القصيم = تحركون الأجنحة مثل الطيور الناكرة
يمكن يدينك طايلة ،، سبحانك الله العظيم = وأنته منول ما تعرف الواردة والصادرة
أنا أدري أنك صاحب الصاحب ولك قلب حليم = لكن ود العلم وأول ما تجيه تباشرة
أنا بغيت أنقذك وأنته ترغب العيشة يتيم = نسقيك كاس اليتم وأنته في سنتك العاشرة
من يوم كنا ما نعرف الا الطريق المستقيم = ما عندنا خانة تضايف ، والجنازة حاضرة
قرّبت من يسرى البخيل ورحت عن يمنى الكريم = أما عيونك نايمة وإلا هبوبك ساكره
أنته حديد سليم دايم ، وخلعوا قلبك سليم = وان شفت ضلك ند عينك تنفجع وتناظـره
أنا أعرف الأشرم ولا أناديه غير ابو شريم = ماعاد يسرع للسوالف والسنون الكاشرة
فالمعركة ما يسلمون إلا الشيابة والحريم = يا كثر ما راحت على المسلم يمينٍ شاطرة
أنته مسافر بعد بكره من نعيم إلى جحيم = لكن بالله فك باب الجيب قبل تغـــــادره
فالظهر تشويك السموم وصبح يعجبك النسيم = لا تحسبنك كاسب المعروف وانته خاسرة
اما سحاب صدق نوه يحيي عروق الهشيم = وإلا هذي الدنيا نصارعها ، وبصر الآخــره
أزعلت عشرة من خزاعة بين زمزم والحطيم = ومحمد المسعودي أرضيته وأخذت بخاطرة
لا طاحت التهمة على العالم وطلعنا التهيم = يبا يعلمنا قبل خنقه وقلع أظـــــــافره
تضحك مع خزاعة وعينك فالعسل وسط اليديم = وإليا نخيتك قلت دقوا للحرامي صافرة
أنكان مالبوك غير أنته ترى الشايب عقيم = تسلم ليا شافت جيوشي كل نفسٍ كافــره
يقسم ثمانمية من أهل الخير شيطانٍ رجيم = أربعمية تاكل تمر وأربع مية متناحرة
ياكثر جيشك يالغليم مير عندك جيش هيم = تبا تروح كلها حسب العلوم الظاهــره
نقرا على الشيطان بسم الله رحمن رحيم = يحشر بعون الله والقول المرتل حاشــــره
أهل الفصاحة والوفاء والصدق ما فيهم عديم = يبا يضيف الضيف ويصير المضيف خاطرة
ترى علامات الصيام تبين فالوجه الرسيم = هذي علامات الديانة والقلوب الشـــــاكره

ألف شكر على المحاوره

يعطيك العافيه ...
تحياتي .

مشكور على النقل الراااائع أخوي : بن فرهود الحربي

	الله يـعـطـيـك الـعـافيـــــــــــة بيض الله وجهك

مشكورين على المرور

ابن فرهود

بيض الله وجهك محاورة جميلة وممتعة

ألف شكر على المحاوره

مشكور على النقل الراااائع أخوي : بن فرهود الحربي

الله يعطيك العافيه

,
,
,
شكرا لك

يعطيك العافيه