( نصيحه ) لزوار الملتقى

هذه القصيده نصيحه طلبها مني الاخ / احد الاخوان في منتدى (مجالس الاحامده)
واتمنى ان تنال إعجابكم.

طلبت مني نصح واقول لك جاك= بعطيك من حلو المعاني إفاده
احرص على اللي لجله الرب سواك= حافظ على دينك وشيد عماده
وقيامتك حضرلها وقت دنياك= واندم على ساعه بغير العباده
واعمل لموقف فيه تشهدلك اعضاك= في يوم ماتنفعك فيه الجلاده
وبالطيب جازي شخص خلف ورباك= حبك طغى في حب شربه وزاده
والمعصيه سجن ٍ من الهم منجاك= ايموت راعيها وينبض فؤاده
واللي انكتب لك امر محتوم يلقاك= ومافات مايمديك فيه الاعاده
وكل ماحولك مصيره للاهلاك= والنار تاليها بياض الرماده
ولاتشتكي لاشفت وقتك تحداك= لاواهني من ياخذ الحمد عاده
ودمح خطا المخطي على قد ماجاك= وارفع على الجاهل سيوف الركاده
وبالورد جازي من يقدم لك اشواك= تلقا من الرحمن شكر واشاده
والحسد شوفه سقم بالحيل فتاك= ماتعمله من خير ياكل حصاده
والجود طبع ٍ لايفارق مزاياك= لن العرب نالوا عليه السياده
واحرص على الجيره ترى الجار فحماك= ولاتجيك من يم التطور بلاده
وقطع القرايب عار تفرح به اعداك= من وين ماوجهت تلقا نقاده
وترى الخطا مرجوع لو كثروا احماك= والحق لابده يحصل مراده
واهجر دروب العشق حذراك حذراك= والقب حارب رغبته في وداده
وخاوي اللي في صلاحه تعداك= الصاحب اللي ذكرك بالشهاده
واحذر تخاوي كل نمام افاك= في صحبته تلقا عذاب وقراده
ولاتدعي علم ٍ به الجهل يكساك= لن الحداده صنعة اهل الحداده
والنصح ماعافه وسيع ٍ للادراك= فرعون وش حصل نتيجة عناده
والوقت لايغويك لاصار يهناك= يجيك صيفه بعد نسمة براده
والدين في بعده ترى تهون بلواك= لاتقربه لو كان تقوى سداده
ولا تسبق الاحداث وتكون شكاك= ليلك يجيه الصبح يجلي سواده
وعين الضعيف اللي من الضيم ينخاك= واعلن على المنّات حرب الاباده
وليا عملت الطيب كل عيب عداك= يرتاح راسك لرتكى للوساده
والختم صلي عد دورات الافلاك= على الذي جانا بنور وسعاده

الشاعر/ خالد بن عبيد بن معتوق الاحمدي

واعمل لموقف فيه تشهدلـك اعضـاك
فـي يـوم ماتنفعـك فيـه الـجـلاده

الله الله

صح لسااانك

قصيدة جميله جداااااااا

وكلها نصح

بارك الله فيك

والنصـح ماعافـه وسيـع ٍ لـلادراك= فرعـون وش حصـل نتيجـة عنـاده
سلمت ولا ندمت على هذه النصيحة الجيدة
دمت ودام ابداعك

صقر المراقيب

صح لسانك و بيض الله وجهك على الإبداع الذي لايستغرب عليك

الذواق / عيسى العوفي
مشكور على التعليق
والذي اسعدني كثيرا

بيض الله وجهك

ولاتشتكـي لاشفـت وقتـك تـحـداك
لاواهنـي مـن ياخـذ الحمـد عـاده

بيض الله وجهك وصح السانك

اجدت القول

وصغة دره من الدرر الله يعطيك العافيه

صقر المراقيب

بيض الله وجهك وصح الله لسانك

ابداااع راااائع

بارك الله فيك

تقبل اجمل التحايا

ودمت بخير

تسلم أخي صقر المراقيب على هذه النصيحة الجميلة

جعلها الله في موازين حسناتك ، دمت بخير وعافية

الشاكر ابو سامي
الف شكر لك