ياسلام الله على الشعار واللي حاضرينا

ياسلام الله على الشعار واللي حاضرينا=عد ما رفرف جناح الطير يوم يطيرعالي
ودي الليله بشاعر ماهو مثل الفايتينا=شاعرٍٍ صدره وسيع ولاهو سريع اشتعالي

:eek:

صح لسانك يابو عابد السليمي

ودي أجاريك لكن اللحن ما جا معي

ننتظر قبيلك

تحيتي لك

السلام عليكم جميعا
السليمي صح لسانك واستلم ولكن لو تسمحلي ابياتي على وزن صدر البيت الاول

مرحبا بك يالسليمي عد مارحنا وجينا = في جنوب الارض تاتيك والا بالشمالي
كان قدمت العلوم اللي تسر الناظرينا = فأعلم ان السوق يزهاها ويزها كل غالي

ياهلابك يالصيفي
واللحن على نفس لحن محاورة خلف وشليويح اللي يقول فيه خلف

الكثير يمل لو انه عسل صافي منقى=والقليل يحب لو انه طعم صبره ومره

البقا بك يارفيع المستوى في كل حينا=عد مالاحت بروق الحيا في وسط الخيالي
ما تجيك الا العلوم اللي لها جنب متينا=مير خلك معي صابر لا تخليني لحالي

استلم مني علوم(ن) تودع القاسي يلينا= قلتها وقولها واسوقها سوق الجمالي
كان حصلت الضعوف اللي تلد العين فينا =قلهم حنا الحروب اللي نعديها العوالي

يارفيع المستوى كلن بما قدم رهينا=وانت لاهي في حياتك ماتحسب للتوالي
مير وش تقول باللي بيح الحقد الدفينا= فالاذاعه ذاع له علمٍ مسبب للجدالي

ماشين دربن عدال(ن) لايسار ولا يمينا= ومن مشاء ممشاي يصبح في البشر رجل(ن) مثالي
انت كان انك سواتي صاحب العقل الرزينا= ماتهمك همسةٍ فيها تحيل واحتيالي

صح لسانك يابو عابد السليمي وصح لسانك يارفيع المقام لاهنتم واصلو سلمتم ودمتم

صح بدنك يولد جمران ولا هنت