ديوان حامد الحميدي

اقدم لكم ديوان من قصائدي وكسراتي واتمنى ان تنال اعجابكم
اخوكم حامد الحيدي

اببدى قافي ابذكر الله الوالي رفيع الشان = بذكره تستريح اقلوب مهمومه ومشحونه
من الفرقا وبعد الوالدين وجمعة الخلان = تجيها لوعة الفرقا وتصرخ حيل مغبونه
وتصرخ صرخة المشتاق لوطانه صرخ ولهان = غريبٍ في وطن ناسه كلامه مايعرفونه
ويظحك ظحكة الي من همومه يرقص الطربان = يعد ابيات من جوفه وجرحه مايحسونه
يحسبونه كتب قصه على نوته بلا عنوان = وهو مانا ليله محترق وانتم تنامونه
يعاني لين نجم الصبح من خلف الظلام ايبان = وبعد مابان نجم الصبح ماشافتهم اعيونه
وصرخ صرخة عقابٍ عاجزن لا ينهظ الجنحان = يذوق الموت في وكره ماقالو يبشر ابعونه

في داخل اعيوني لها صوره اتفوق = كل الجمال اللي بعيني رايته
شمعه تظوي كنها بالسما فوق = مثل القمر بالنوروالصيت صيته
احلا حلا فايق على قمة الذوق = ولاغمظة عيني عذابي نسيته
ولا اودي افتح عيوني ولا افوق = خلوني اغرق في هواها فديته

جيتك مثل ليل بظلامه غشاكا = وطلعت ليه شمس تجلا ظلامي
وظيعت كل اللي جمعت القاكا = كلام ماهو بأيت كلامي
كلام خصصته ياروحي لشفاكا = وكلام لعيونن كاعين اليمامي
وكلام خصصته لحدة ذكاكا = وكلام للخصرين يبقى وسامي
وكلام لشعر المجدل هذاكا = اللي خطف فكري وعظم سلامي
وكتبتلك قصه وكلٍ قراكا = هذا كلامي قبل اشوفك امامي
وشفتك وكني شمس وجيت بدهاكا = تغشاني باليلك وفكري فيك هامي

لاضاق بالي من هموم اليالي = واشتقتلك وازريت يا الغالي القاك
احاول الجلس ما معي غير حالي = واظم صورتنا على قلب يهواك
وراقا على رجمٍ طويلن وعالي = واواسي اجروحي بخطك وذكراك
من يوم فارقتك طوى الهم حالي = حسبي على وقتي جبرني بفرقاك
ماعاد فيني صبر مابه مجالي = اما تجي ولا ترانا بننساك
لا تلومني قلبي من الهم شالي = مالا يطيقه يا الغلا وانتظرناك
اسف على ماقلت يا غلا الغوالي = كلمه من الظيقه وانا طالب ارضاك
انت الغلا وادوم بالقلب غالي = واحذر يغرك طيب قلب ترجاك
خلك معي مثل الغدير الزلالي = واكيد وسط القلب غالي بتلقاك
ولا ضاق بالك من هموم اليالي = ظم الصور وابقى على صيت ذكراك

البارحه فنجال دله وقرطاس = وحبر ورق ورخايت اجفون وركود
لحظه عجيبه هيظة كل هوجاس = وشاشن بنات الفكر والعالم ارقود
وقالن نبي نلعب وفالفكر نوماس = وقلت ابشرن بالشعر وحولت موجود
وقلت اركبن والناس ماحولنا ناس = وعلى بحور الشعر نبحر وبركود
وانقى من الجزلات ياقوت والماس = واترك نحاس الشعر ماني بمحدود
والبسه بنت حلاها من الساس = لراس كامل وكل ماله يزود
والكامل الله والغلا لذة احساس = وذبذبة نظرات والعد مارود
وكلمة احبك لاخرجة شوش الراس = وكنك تذوق الخمر ولنته بموجود
سكرة غلا والله ماقرقع الكاس = اخير من سكرات عادل ومحمود
بس المصيبه وقع افراسي الفاس = مقدر اجيه ولاني بعنه مردود
ماهي مصيبه كانك ابعيد تنحاس = قربه مصيبه كان تاصله وتعود

وارسل علي الشاعر مهجع دميثان العنزي قصيده يقول فيها

البارحه جفن على جفن ماغط = سبت اهمومٍ وسط صدري نشيطه
هذا مسح خطٍ وهذا رسم خط = يالين صدري ضاق واسع محيطه
يابو حمد واجروح قلبي تناقط = وقالو طبيب الحب صعبن يخيطه
تهت ابحر من دون مرسا ولا شط = واصبحت في غب البحور الغويطه
ياسعد من لاهام درب الهوى قط = ولا بدع قيفان اطن وايطه

(الرد)

البارحه جتني رساله تلاقط = جوال خالد مرسللي خليطه
من صاحبن من همه اليوم محبط = في داخله همه رسمله خريطه
ياصاحبي وان كان وضعك تلخبط = خل الصبر للهم دايم سليطه
وان كان مابه صبر حذرا تجلط = انته جبل حذرا تهزك وريطه
وان كان صدق الهم في داخلك حط = هاذي حرفي وافيه قاف ايطه

لاج الهوى في ضميري لاج = يمك وفي دينك علاجه
وان كان مالي في يديك علاج = ماعادلي فالهوى حاجه

باليل يوم اشتعل شمعي = كان القمر معي واحكيله
ثم اشرقت وانحدر دمعي = لن القمر غاب عن ليله

الحب يا غايتي زهرة = وان كان منته مداريها
بتموت وتبكي لها حسرة = وليفيد لو كان ترثيها
وليفيدك ان ماتت انظرة = لن الجمال انتها فيها
طالبك لو فالسنه مرة = من ريقك العذب تسقيها

ياقلب لا تشتكي لناس = الناس ماتروي الضامي
واصبر وخلك شديد الباس = لا تنوح من سود اليامي

قمرى مع اليل سهرتها = مايوم عن ليلها غابت
ولاكنت اصدق بغيبتها = وغابت وانا نظرتي خابت

تعبت اجازيك بالحسان = وانته بعكسه تجازيني
خلاص ابنسا زمانن كان = لنه من الصعب تعطيني

لسبب انشغالي سوف اقوم بتكميل الديوان في ما بعد