قصيدة في الشيخ نايف بن ناهس الذويبي

قصيده بالشيخ / نايف بن ناهس الذويبي " رحمه الله "
وعامه بالذوبه شيوخ بني عمرو
علماً بأن هذه القصيده قيلة في حياته رحمه الله .
شيوخنا سم الكبود المغله

نايف إليـا جينـا مجلسـه مانملـه=عقب الشيوخ منزحيـن الطوابيـر
هذا ولـد ناهـس ينومـس محلـه=بالليـن وإلا بالليالـي المدابـيـر
ماصك بابـه والكـرم عـادة لـه=للي بعيـد الـدار واللـي مساييـر
لـه مجلـس كـل النشامـا تدلـه=مدهال طلقيـن الوجيـه المناعيـر
اميرنـا إليـا لبـسـن الأجـلـه=طـار اليقيـن وفرعـن الغناديـر
لعـل رديـان العـرب فـدوة لـه=تبوع الرجال القاصريـن المثابيـر
هو الأميـر وزايـد الهـرج خلـه=نفخر بنايـف بالليالـي المعاسيـر
أبـوه قبلـه حايـش المجـد كلـه=ماله حلي ياكود جسـاس والزيـر
وفيحـان ماجابـنـه البـيـض لله=عندي وكـل لـه مظنـه وتقديـر
فيحان سبـاع الخـلا ينحبـن لـه=معشي الهجافا والسبـاع المغاويـر
كم راس عزه عقب هـون ومذلـه=بالجاه والحيلات وفـك المواسيـر
ومن جاه يطلب نجدته وفزعـة لـه=معه يسوق الجـاه غيـر الدنانيـر
وكم سجين فيحان كـان فـرج لـه=بين الرجاء والياس عند الجزازيـر
أطلق سراحه بدون ياخذ جـزاً لـه=وشاف الفضاء عقب المذله وتعزير
عطوه مقدار الجاه كله رضـاً لـه=ليـن أخـذه منـا ولـي المقاديـر
وهندي ولد ناهـس زبـون المتلـه=خيـال وضـح ربعـن بالدعاثيـر
وادي الرمه بالسيف الأبتر حمى له=ماكفته الحبلاء وشمال مـن النيـر
ومحمد أبا الروس كـم راس شلـه=سيفه ينثـر ساخـن الـدم تنثيـر
ضد الخصيم وبالقسـى واقـف لـه=قلايعه خيـل الشيـوخ المشاهيـر
وضيف الله اليا منه شبا العود ظلـه=تفرح به الزرفات واللي مصاغيـر
عز القبيلـه والفخـر حاصـل لـه=يرد حياض المـوت دون المغاتيـر
وغالب ليا منـه وقـف وقفـة لـه=يبيع عمره عنـد تالـي الخواويـر
مع الكرم حلـو النبـا عـادة لـه=وعند الرفاقه لـه معـزة وتقديـر
عـود معقبهـم عسـى الله يحلـه=الله يجبره مـن شوايـب زمهريـر
عقاب ميـراث الفخـر ورثـة لـه=اهـل الربـاع مشيديـن الدواويـر
مستارثيـن المجـد دقـه وجـلـه=عقب حـرار أوكارهـا بالعناقيـر
وكـم فرقـوا مابيـن خـل وخلـه=بضرب المهند والسيـوف البواتيـر
شيوخنـا سـم الكـبـود المغـلـه=ترعى بهم وضح عليهـا البواكيـر
لهـم فـي نجـد العذيـه سجـلـه=مركاضهم يشبع به الذيب والطيـر
ياما أخـذوا قطعـان بـدو محلـه=غير العبيـد مقولمـات المساميـر
يفوح صـدري والضمائـر مغلـه=لاحل طـاري ناطحيـن الطوابيـر
وبعذر عيوني لـو دموعـي تهلـه=على اللي يقدون الظعن والمظاهيـر
اللي لهم في ماضـي الوقـت سلـه=كم تيهوا بالخـوف حـم مقاصيـر
هم درعنا لاجـت علينـا عضلـه=وحنا الذي ننطح وجيـه المسافيـر
كم ذود مصلاح مـن المـاء نجلـه=مابين خلف وحيل غيـر المعاشيـر
وكم بيـت شيـخ باللقـاء نستحلـه=وحنا الذي ناقف على طيـة البيـر
وكم وادي عقب السيل حنـا نحلـه=وقطعاننا ترعي اليهـق والنواويـر
وكم وادي نجع الذويبي نزلـه لـه=إن جاه من نـو الثريـاء شخاتيـر
وكم ديرة عقب العياء بحـوز تلـه=إن أسنـدوا وإلا ليـال المحاديـر
وكم شيخ عقب العز شـاف المذلـه=إليا أدبرت خيـل وخيـل مناحيـر
وكم منهـل نجـع الذويبـي يحلـه=أيام صـولات العـرب والمغاويـر
وكم مـارد قطعاننـا يـاردن لـه=في لاهب الكنه وقبـل المخاضيـر
وكم فارس فـارق بـراد الأظلـه=بضرب اللويصق والحرار المساطير
وكم واحد مضهـود بالقلـب علـه=شال الحمـول الكايـده والقناطيـر
ماله جدى غير البكـاء يـوم هلـه=يصفق بالكفيـن ودمعـه شخاتيـر
مع زايد العبـرات مـع فحـة لـه=مشقوق جيبه مامعـه ربـع تفكيـر
عليـه مـن مـر الليالـي شكلـه=ضاقت فضاهـا والليالـي مدابيـر
وزبن على اللي كـل عقـد يحلـه=عقب الذويبـي كانهـا بالعياطيـر
بالجـاه والحيـلات والمـال كلـه=وإلا النمـش لاعـودوا للمشاطيـر
شيوخ تحوش المجدهـم هـل لـه=غير الشجاعه والعطاء فعلة الخيـر
يلقـى الـذراء مـن حوالـه مقلـه=واليا التجـأ ماحسبـوا بالمخاسيـر
يعطونه المقـدار مـع حشمـة لـه=في راس عيطاء من علو الشناظير
اهـل بيـوت بالنـوازي مطـلـه=ومجالسن تاقف بها الرجل وتحيـر
تلقى الشحم والهيل فـي رفـة لـه=والعود يدرج فـي معـزة وتقديـر
ماحسبـوا بالمـال كثـره وقـلـه=شيالـة الكايـد بربـح ومخاسيـر
وربعه بني عمرو وهم عـزوة لـه=لاشانـت الخطـر ولابـه معاذيـر
في عزهم يعتـز وهـم فخـر لـه=ويطوعون اللي براسـه سعاطيـر

الشاعر / غزاي بن مطر الطريسي الحربي

منقول

الله الله

دائما متميز بالنقل يالغالي بدر

وصح لسان الشاعر الكبير غزاي

ووسبعة انعام بشيوخنا اخوان نوره

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

أشكرك عزيزي بدر الحربي

صح السانك يا بدر والسان الشاعر غازي ابن مطر الطريسي الحربي

والله يرحم ناهس الذويبي ويسنه فسيح جناته

وجعله في ميزان حسناتك

بارك الله فيك وتقبل مروري

مع شكري وتقديري لك يامميز

صح لسااان شاعرنا الكبير الطريسي
ويرحم الشيخ نايف ويسكنه فسيح جناته كان نعم الشيخ ونعم الامير
وبفقدة فقدنا شيخاً عظيما
االف شكر لك اخوي بدرالحربي ويعطيكـ العافيه يالغالي
كل االتحاياا

	المشاركة الأصلية كتبت بواسطة المعتصم

	الله الله دائما متميز بالنقل يالغالي بدر وصح لسان الشاعر الكبير غزاي ووسبعة انعام بشيوخنا اخوان نوره

المعتصم مرورك اسعدني ولك تحياتي

	المشاركة الأصلية كتبت بواسطة الحب الباقي

	الله يـعـطـيـك الـعـافيـــــــــــة على الاخـــتيار المــوفــق وصح لسان قايلها وناقلها بيض الله وجهك

الحب الباقي شكرا على مرورك الطيب وتقبل تحياتي

	المشاركة الأصلية كتبت بواسطة علي العلوي

	أشكرك عزيزي بدر الحربي صح السانك يا بدر والسان الشاعر غازي ابن مطر الطريسي الحربي والله يرحم ناهس الذويبي ويسنه فسيح جناته وجعله في ميزان حسناتك بارك الله فيك وتقبل مروري مع شكري وتقديري لك يامميز

يامرحبا بالعلوي مرورك زي العادة ياعادل مشرف فلك تحياتي وتقديري

	المشاركة الأصلية كتبت بواسطة عبداالعزيز االحربي

	صح لسااان شاعرنا الكبير الطريسي ويرحم الشيخ نايف ويسكنه فسيح جناته كان نعم الشيخ ونعم الامير وبفقدة فقدنا شيخاً عظيما االف شكر لك اخوي بدرالحربي ويعطيكـ العافيه يالغالي كل االتحاياا

يامرحبا يامرحبا فالاستاذ عبدالعزيز من طول الغيبات جاب الغنايم
نعم بفقده فقدنا شيخا عظيم
ولكن حتى انت فقدناك من المنتدى و عسى المانع خير
مرورك اسعدني في هذا الصباح وتقبل نحياتي

صح لسان الشاعر
ونعم الف نعم بالذوبه اخوان نوره شيوخ البادية شجاعةوامارة وكرم وخف نفس وطيب الله يرحم ميتهم ويعز حيهم
بدر الحربي شكرا لك