أكـــــبــر قــــهـــــر

26-09-09, 04:21 AM

اكبر قهر لامن هرج فيك مخلوق=تسمع وفمك من القهر ما تمقه
اسمه مغطاء والنسب ماله اعروق=ومالك بعد بالثار بــاب(ن) تطــقه
يعني كذا عايش مع الناس مخنوق =ولا تقدر ترد الخبر ولا تحـــــــــقه
ان جيت تنكر هرجتك مالها سوق=و لا احد يسوم انكارك للي تنقه
وما فيهم للي يلتفت فيه بالموق =لو كان هرجك بالحقيقه تشقه
الانك بعين الناس مضطر مزنوق=و معذور لو جبت اليمين وتدقه
ومالك بها حيله ولو جيت من فوق=وجربت تعرف بيرهم من مطقه
ابيارهم واجد ولا بينها فروق=و ما فيهم للي يعترف لك بحقه
ومن عقب مالك حق صارت لك احقوق=وانت عجزت ابحقك انك تحقه
وشلون تاخذ حق ضايع من النوق =و انت غريمك ما قضبته بحلقه
ازين تلايط وانثبر لين ما تروق =ذا السالفه ثم تنتهي بكل رقه
ولا يطيح بودهم شخص مطفوق=تلعب عليه بفنهم واستلقه
اهرج معاهم فيه بكل منطـــــوق =وخلك لعين خشيم وبالهرج نقه
اظنهم ينسون عيبك مع اطــروق=سب الضعيف للي فمه ما يمقه
ولامن نقشها بالخطاء اي مطفوق=اضحك معه باسلوب هادي ورقــه
لا يبلشك ذا الخبل ثم تنزل السوق =وتحط ماك بوسط نجر وتدقــــــــه

وســــــــــــلامتكم
مع تمنياتي بان
تنال اعجابكم
اخوكم//
شاعر بني عمر