[[ومن المجامـل والتغاضـي شبعنـا..........؟؟؟؟]]

28-07-06, 06:08 PM

(( بسم الله الرحمن الرحيم ))
عزيزي المتصفح الكريم :
يطيب لي أن اضع بين يديك هذه الأبيات التي كلي
أمل أن تحوز على رضاك وإستحسانك :
أقــــــــــــــــــول :

بالله ياللي عندكم حـس وإحسـاس=ياللـي بنيتـم قمـة المجـد معنـا
إليا متى هالحال تهميـش وإفـلاس=نقـد , وتحيّـز والهـدف مجتمعنـا
إليا متـى ياكاسـب ٍ كـل نومـاس=يزيـد تأثيـر الخطـأ مـن طمعنـا
ما كل ما يعمل يبي يرضـي النـاس=وإن كان طعنا كل الأنظـار ضعنـا
كل ٍ على ظنّه يبـي يأخـذ الكـأس=وكـل يقـول : بتاليتهـا طبعـنـا
إليا توافق رأي الأصحـاب لابـاس=وإليـا تفرقـنـا تـرانـا رجعـنـا
حنا مثل عينين يالربّـع فـي رأس=وإليـا سمحتـوا وإتفقنـا سمعنـا
إما حصل ترتيب وإجمـاع وقيـاس=من قمـة العليـا جميـع ٍ وقعنـا
وين التسامح والعفو يا أهل الباس=من كثر ما نقرى الهزيـل إمتنعنـا
ماودنا نأخذ على الوضـع مـرواس=ومن المجامـل والتغاضـي شبعنـا
وإلا نبيـن معضلـة كـل هـلاّس=اللـي نهـار العيـد كانـه قطعنـا
عن سملها وجدادها فيـه نبـراس=وكثرة علينـا فتوقهـا لـو رقعنـا
السيف وإسمه سيف ما يلادي الفاس=جزّوبه الهـزلات عـن كـل معنـا
ولا كل ماهب الهوى صار نسنـاس=ولا كل مـا شفنـا وقرينـا نفعنـا
لاطاح همّال الحيا شفـت عسـاس=وإن أدهرت شمنا وعنهـا إندفعنـا
وكليب خانه سابق الوقـت جسـاس=وإليـا تسامينـا جميـع إرتفعـنـا

وســــــــــــــلامتــــــــكم 0

29-07-06, 04:54 PM

صح لسانك اخوي الشاعر أبن القبيله

بيض الله وجهك

تحياتي

30-07-06, 02:04 PM

صح لسانك اخوي الشاعر أبن القبيله

بيض الله وجهك

02-08-06, 05:57 AM

صالح البشري

أو إبن القبيله كما إرتضى لنفسه هذا المسمى الأصيل

شاعر يكتب بإمانه

شاعر يكتب بمبدأ وقيم

شاعر يذكرني بقوة شعراء قبيلة مزينه الحربيه

أخي الشاعر صالح البشري

لشعرك نطرب ونستمتع

ونطالبك بجديدك دائما

فصح لسانك على هذه القصيده وتلك وتلك وتلك الى آخر قصيده في هذا الملتقى الذي يجمع قصائدك

دمت بالف خير

02-08-06, 02:02 PM

ما كل ما يعمل يبي يرضي الناس*****وإن كان طعنا كل الأنظار ضعنـا

كل ٍ على ظنّه يبي يأخـذ الكـأس*****وكـل يقـول : بتاليتهـا طبعنـا

وين التسامح والعفو يا أهل البـاس*****من كثر ما نقرى الهزيل إمتنعنـا

الله يعطيك العافيــــــــة

اخي في الله

ابن القبيلة

مع خالص تحيتي وتقديري