أنت ياراع الدفينه شقي ما أنته سعيد

البقاء باللي بداها على الفال الرشيد=نوب يرقص مع جهينه و نوبٍ مع بلي
السنه يعرف عددها ماتنقص ماتزيد= و البشر تاكل لو أن الصحن مايمتلي
لايغرك مايفك الحديد إلا الحديد= سالفه فالمذهب الشافعي و الحنبلي
لاتخليها طويله ترى ماتستفيد=كيف رجلٍ معك سكر و تأكلك طلي
أنت رجالٍ محكم و شاطر فالقصيد= مار تسرح مع عتيبه و تمسي عبد لي
العيون الحول ترمي كثير و لاتصيد=و أنت لاشفت الطلي قلت يا أخي خللي
معك عفريتٍ محنك و شيطانٍ مريد= يومٍ ياصياف حربي و يومين اسهلي
ياهبوب الريح هبي على خضر الجريد= ماحكم فأهل المدينه حسين و لاعلي
مارماك بقاعة البير غار أم العبيد=و أن رجعنا للحلايا ترى مالك حلي
في ثلاث ايام نرسل حبيب فالبريد=البنادم يبتلى و البنادم يبتلي
ياسفير سويسرا و البنوك أم الرصيد=يوم قلت إلعب معي وش قلت لي
حزةٍ فيها نطقك تراها يوم عيد= طقةٍ فالراس و إلا في عرق الاكحلي
يوم غفلك السمن و القدور ام العصيد=قلت لك فوقك رعود و سحاب يهلهلي
لو معك سكين يمديك ذكيت الهريد=و أن فزعلك عازمي قلت مأنته من هلي
بين رابغ و القظيمة تصيد اللي تصيد= و العصيمي لايشوفك يلقيك الخلي
لو دمك عقب همك يضخ مع الوريد=كان ترضى من رضايه و يزعلك وعلي
أنت ياراع الدفينه شقي ما أنته سعيد= في يدك مجنون ماينطبخ ماينقلي
كان في رأسك ظفر قيد العاصي بقيد= و أترك الثيران تشرب و تأكل في حلي
أنت ياراع المدينه مشعوث ماتهيد=فالقطيف اثنين و الثالث أنته يالولي
أمتلت حفرت جهنم و ياهل من مزيد=ياصواعق صرقعي يازلازل زلزلي
مايغش الارض غار انت ياهذا الوليد= راسك اقرع و الشعر مثل حب الفلفلي
لو رفعنا أربعه من نقيب إليا عقيد= جاتنا ليلة شهر مظلمة ماتنجلي
ردها ماجود عندي بلاش أنك تعيد= روح حنط هيكلك لاتحنط هيكلي
سالفه و السالفة بين عمر و بين زيد= .............................
أنت رحت بحيد من نجد و أنا رحت حيد=مار خلك في منازلك و أنا منزلي
جاك ابن مبخوت بالخط و العلم الوكيد= قال إلك هذا عصيمي و هذا حلحلي

محاورة رائعة
جدا ولا يستغرب الإبداع
على أصحابه
رحم الله صياف بن عواد وأسكنه فسيح جناته
وحفظ الله حبيب العازمي
وبيض الله وجهك يابوناصر على النقل الرائع جدا .

	المشاركة الأصلية كتبت بواسطة الحميدي المخلفي

	محاورة رائعة جدا ولا يستغرب الإبداع على أصحابه رحم الله صياف بن عواد وأسكنه فسيح جناته وحفظ الله حبيب العازمي وبيض الله وجهك يابوناصر على النقل الرائع جدا .

و وجهك ابيض يا ابو محمد

مرورك شرف كبير لي

الله الله ياحميدان العوفي

بيض الله وجهك


والله يعطيك العافيه


لاهنت

	المشاركة الأصلية كتبت بواسطة تركي الشاماني

	الله الله ياحميدان العوفي بيض الله وجهك والله يعطيك العافيه لاهنت

مشكور على مرورك ياتركي

رحم الله شاعر الخليج طيب الله ثراه وأسكنه الله فسيح جنته
دائما ماتطغى محاورة الشاعرين الكبيرين شاعر الخليج والشاعر حبيب الاثاره والمعاني الساميه الجزله وهما مدرسه شعريه في شعر الرد تقدر تقول يستحيل ظهور مثلهما في الساحه الشعريه

الف شكر لك اخي ابوناصر على طرح هذه المحاوره الجميله والرائعه
تقبل مروري بود

	المشاركة الأصلية كتبت بواسطة البلادي الحربي

	رحم الله شاعر الخليج طيب الله ثراه وأسكنه الله فسيح جنته دائما ماتطغى محاورة الشاعرين الكبيرين شاعر الخليج والشاعر حبيب الاثاره والمعاني الساميه الجزله وهما مدرسه شعريه في شعر الرد تقدر تقول يستحيل ظهور مثلهما في الساحه الشعريه الف شكر لك اخي ابوناصر على طرح هذه المحاوره الجميله والرائعه تقبل مروري بود

مشكور على مرورك اخوي البلادي
و لكن أعتقد شاعر الخليج / صياف الحربي قليل من الشعار اللي يجاريه
و نلاحظ عجز الشاعر الكبير / حبيب العازمي على مجاراة شاعر الخليج
عندما قال صياف:

أنت رجالٍ محكـم و شاطـر فالقصيـد=مار تسرح مع عتيبه و تمسي عبد لـي

و يقصد صياف بهذا البيت و تمسي (عبد إلي)
ورد عليه حبيب العازمي

معك عفريتٍ محنـك و شيطـانٍ مريـد=يومٍ ياصياف حربي و يوميـن اسهلـي

وهو بعيد عن معنى صياف رحمه الله

رحم الله شاعر الخليج طيب الله ثراه وأسكنه الله فسيح جنته

كلامك صحيح يابو ناصر إنه قليل من الشعار اللي يجاريه

بيض الله وجهك يالقرم على النقل

لك فائق إحترامي,,,,,

	المشاركة الأصلية كتبت بواسطة حمود الغيداني

	رحم الله شاعر الخليج طيب الله ثراه وأسكنه الله فسيح جنته كلامك صحيح يابو ناصر إنه قليل من الشعار اللي يجاريه بيض الله وجهك يالقرم على النقل لك فائق إحترامي,,,,,

مشكور على مرورك المشرف اخوي / حمود
و مرور مثلك وشرواك شرف لي

	الله يـعـطـيـك الـعـافيـــــــــــة بيض الله وجهك