للشعر في صدري بحور ومحيطات

بسم الله الرحمن الرحيم


قصيدة مهداه إلى أخي العزيز /نايف بن عيسى بن منور بن جازي السليمي

عبارة عن رد ثناء على مواقفه المشرفه مع ربعه بشكل عام ومعي بشكل خاص

ومن لايشكر الناس لايشكر الله

وابو سلطان من الرجال اللي فيهم خير مثلكم وشرواك ويستاهل اكثر ...

	للشعر في صدري بحور ومحيطات=انساق له واهيم في كل وادي أحيان يأخذبي عن الناس سجات=ويأخذ هجوسي للطموح الريادي يحكم علي أحكام في بعض الأوقات=وأرضى لو أن الحكم سجن إنفرادي وأحيان أقوده مثل قود الأصيلات=ويشعرني بنشوة نجاح القيادي أغوص فيه بحور وأكسب به أصوات=ومن الدرر مااختار به شي عادي ما أختار غير النادرات الفريدات=اللي عليهن بصمتي واعتمادي مثل القلايد في أرقاب الأميرات=تصعب على بعض اللحى والأيادي أصبها صب الذهب بالجنيهات=وأغوي بها في حجم جمهور نادي يالله تبدل سيئاتي حسنات=وتعزني بالدين هذا مرادي وإلا القصيد اليوم ملي القنوات=مثل الحمام اللي على الدوح شادي وإن جت من الشعار لي أنتقادات=ما ألفق أعذاري لكبوة جوادي أشر وأطالع للنجوم الرفيعات=مادامني بالشعر لازلت بادي يبقى طموحي فوق نجم المجرات=وأسعى لعله مايخيب أجتهادي وإن شفت لي عوجاء عليها علامات=بيدين خبلٍ للمهبل ينادي خليتها تعط الفجوج الوسيعات=وقرنتها باللي عن الدرب غادي ولا جاء مجال الشعر واللمدح بالذات=مايستحق المدح حسب إعتقادي إلا اللرجال اللي مواقفهم إثبات=ليا مدحنا طيبين المبادي شرواك يانايف بشتى المجالات=حراً تنومس في نهار الهدادي لا بان صدق مزيفين العلاقات=أهل الوفاء لاشافو الجوء هادي تبين في وقت الامور الصعيبات=ذيبٍ على نطح المواجيب عادي إبن الأمير اللي فعوله شريفات=من دون ربعه في حياته يفادي وأيضاً حفيد العود راع الجمالات=اللي عطاه الطيب رب العبادي ذكره في قلوب العرب حي مامات=معروف عند الناس حضر وبوادي يوم العرب في نجد من فايتٍ فات=مطعوهم على الدباء والجرادي تشهد له الحدرات لاراحت وجات=والنوق لاقامت تبوج البلادي ياعل ماواه الجنان الفسيحات=روحٍ وريحاناً وعنبر وكادي خلّف رجالاً ينجزون المهمات=مزبان من حاديه للضيق حادي ونايف صعد للطيب روس المنيفات=مثل العديم اللي على الطود بادي ماهو من الشاعر بحاجةٍ شهادات=المدح نفسه فيه رايه حيادي

وسلامتكم

أبــــن الأمــيـــر الــلـــي فـعــولــه شـريــفــات ... مــــن دون ربــعــه فـــــي حـيــاتــه يــفـــادي


الشاعر
فهد السليمي

والسبعت انعام بك واخوك وربعك
سلمت يالذيب
وصح الله لسانك

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

الاخ / فهد بن سعد السليمي
صح لسانك ما أجمل بيانك ...بيوت بغاية الاتقان والجمال ...حبك وسبك
فكر وجمال بيان وعقلانية واتزان وطرح رائع ومدح لمن يستحقه
ونعم وألف نعم بكم يا أهل المليحا أهل قول وفعل بالسابق والحاضر
تقبل مروري وتقديري وسروري

فهد بن سعد السليمي
سلمه الله


قلت واجزلت

ونعم بالمادح والممدوح ان شاءالله


ومليون صح السانك

وعلا شانك

لافض فوووك

وخاب شامتوك


تحيتي وتقديري

[table1="width:95%;"]

[table1="width:95%;"]

	المشاركة الأصلية كتبت بواسطة فهد سعد السليمي

	بسم الله الرحمن الرحيم قصيدة مهداه إلى أخي العزيز /نايف بن عيسى بن منور بن جازي السليمي عبارة عن رد ثناء على مواقفه المشرفه مع ربعه بشكل عام ومعي بشكل خاص ومن لايشكر الناس لايشكر الله وابو سلطان من الرجال اللي فيهم خير مثلكم وشرواك ويستاهل اكثر ... للشعر في صدري بحور ومحيطات=انساق له واهيم في كل وادي أحيان يأخذبي عن الناس سجات=ويأخذ هجوسي للطموح الريادي يحكم علي أحكام في بعض الأوقات=وأرضى لو أن الحكم سجن إنفرادي وأحيان أقوده مثل قود الأصيلات=ويشعرني بنشوة نجاح القيادي أغوص فيه بحور وأكسب به أصوات=ومن الدرر مااختار به شي عادي ما أختار غير النادرات الفريدات=اللي عليهن بصمتي واعتمادي مثل القلايد في أرقاب الأميرات=تصعب على بعض اللحى والأيادي أصبها صب الذهب بالجنيهات=وأغوي بها في حجم جمهور نادي يالله تبدل سيئاتي حسنات=وتعزني بالدين هذا مرادي وإلا القصيد اليوم ملي القنوات=مثل الحمام اللي على الدوح شادي وإن جت من الشعار لي أنتقادات=ما ألفق أعذاري لكبوة جوادي أشر وأطالع للنجوم الرفيعات=مادامني بالشعر لازلت بادي يبقى طموحي فوق نجم المجرات=وأسعى لعله مايخيب أجتهادي وإن شفت لي عوجاء عليها علامات=بيدين خبلٍ للمهبل ينادي خليتها تعط الفجوج الوسيعات=وقرنتها باللي عن الدرب غادي ولا جاء مجال الشعر واللمدح بالذات=مايستحق المدح حسب إعتقادي إلا اللرجال اللي مواقفهم إثبات=ليا مدحنا طيبين المبادي شرواك يانايف بشتى المجالات=حراً تنومس في نهار الهدادي لا بان صدق مزيفين العلاقات=أهل الوفاء لاشافو الجوء هادي تبين في وقت الامور الصعيبات=ذيبٍ على نطح المواجيب عادي إبن الأمير اللي فعوله شريفات=من دون ربعه في حياته يفادي وأيضاً حفيد العود راع الجمالات=اللي عطاه الطيب رب العبادي ذكره في قلوب العرب حي مامات=معروف عند الناس حضر وبوادي يوم العرب في نجد من فايتٍ فات=مطعوهم على الدباء والجرادي تشهد له الحدرات لاراحت وجات=والنوق لاقامت تبوج البلادي ياعل ماواه الجنان الفسيحات=روحٍ وريحاناً وعنبر وكادي خلّف رجالاً ينجزون المهمات=مزبان من حاديه للضيق حادي ونايف صعد للطيب روس المنيفات=مثل العديم اللي على الطود بادي ماهو من الشاعر بحاجةٍ شهادات=المدح نفسه فيه رايه حيادي وسلامتكم

الله الله عليك يا أبو سعد


صح السانك حتى ترضى


قصيده جزله من شاعر جزل وممتع ومبدع


وهكذا المبدعين لايأتون إلا بالأبداع والتفرد


والنعم بالمادح والممدوح
ولله درك وإلى الأمام


ودمت بخير

لاهنت وصح السانك

تقبل التقدير والاحترام

وفقك الله

صح لسانك وبيض الله وجهك ودام ابداعك

تسلم ياالذيب على هذي القصيده الشامخه والرائعه بروعة حضورك الغالي