البيرق المنصور وابومديده

23-08-11, 04:54 PM

السلام عليكم ورحمه الله وبركاته

هذا اللحن دار بيني وبين الشاعر القدير والاخ ماجد ابومديده قبل مايقارب العامين
وفي الحقيقه الشاعر ابو عبدالله اخ وصديق وغالي على قلوبنا واترككم مع المحاوره الساخنه

البيرق المنصور=
المجد انته وصلت القيل = وانا على المجد متواجٍد
يابو مديده سهرت الليل = لاتسهر الليل ياماجٍد
ابو مديده=
انا مكاني مكان سهيل = واللي وصل للعلا واجٍد
لكن سلام العرب في ويل = معاه ليل السهر هاجٍد
البيرق المنصور=
ياللي لكم فالنجوم امقيل = باغي اعلمك واناجٍد
لكن ما تطلب التأويل = مادام صليت ياساجٍد
ابومديده=
أجمع التمر في زنبيل = وآرقى حسين النخل وآاجٍد
ولازال منك السلام يحيل = ومضيع الجاده والجٍد
البيرق المنصور=
إ جمع من التين في برميل = ولا انته من اهل النخل منجٍد
عديت انته إشبلاك اتميل = ولا من الطيب ما تاجٍد
ابومديده=
سنه نبينا لها تجليل = وصى بها الواحد الماجٍد
ومنكم سلام العرب ماقيل = والقيل حزنان متوجٍد
البيرق المنصور=
من بعد الامطار ياجي سيل = ولا سند السيل متعاجٍد
ومادام دللتها تدليل = اكلامها ( هوْز) وباجٍد
هاك قولة عطور وهيل = وائمه السهو في إ مساجٍد
وباقي لقا بيننا بالخيل = ولاوين تصهل معه ماجٍد
ابومديده=
اشوف درب الامان مهيل = عمداً تلاويه وتماجٍد
لغيت ردْه في حط وشيل = وانا اقولك عليها جٍد
ماكنك المسلم الحلحيل = اللي في رسم المثل موجٍد
ومن دور الصايبه فالميل = يتعب يدور ولا ياجٍد
البيرق المنصور=
ياقاري القارعه والفيل = قدامك اعلامها عسجٍد
كلام ما يقبل التعديل = لو قلت لي اجتهد واجٍد
عيد النظر فاول التسجيل = لكن ياشيخنا إ منجد
اكتب على عرفك التقبيل = وللغرب سافر وسيب نجٍد
ابومديده =
قليل مِثلك في هذا الجيل=يمدح خطاياه ويمْجِّد
ويناحِل القيل بالتطبيل=ويرّكُعُه بعد ما يسجِّد
خذها نصيحة رجُل صهليل=حاوي فنون الشِعِر ومْجِّد
إبدا فالأشعار بالتكميل=فالحال سلِّم وإستّنْجِّد
مِن غيض غامِض وفيض يسيل=بشعور شاعِر ومتوجِّد
وإستقبِل النقد والتحليل=مادِمت فالقيل مُستااجِّد
نهايتُه جُمله وتفصيل=إنته بحاجْة زيادة وِجِّد
ولو ترتقي عالمي وتخيل=تِستصغِر حروفك وتهجِّد