شاعر من الجنوب يقول

شاعر من الجنوب يقول=
سلم على الجيش السعودي وسلمان =قل له جنوب المملكه دون عاره
احسب عسير الهول لازلزل الشان =واحسب ذيابه يام وقت الشراره
واحسب على الموقع صناديد قحطان =واحسب رجال الحجر في كل غاره
واحسب مقاييس الخطر قوم شهران=واحسب مع بالحارث اعلى مناره
واحسب مع بالقرن في الموت شجعان=واحسب مع شمران اهل الجساره
واحسب رجال الموت غامد وزهران =واحسب قبايلنا مع اول اشاره
واحسب قبايل ماطرت لي بالالحان =من طول هامتها وقصر العباره
حنا جنوب المملكه شاننا شان =الموت يسكنا ونسكن دياره
والله لو يامر على الموت سلمان =نحرق له الحوثي وجيشه وداره
.=.
.=.
.=.
.=.
.=.
.=.
شاعر من الطايف=
من غرب موطنا صناديد عتبان=رجالهم ماينتظر للإشارة
برقا وروق الي لهم في الوطن شأن=متجهزين الكل غارة وغارة
وثقيف جمعا فعلهم طول الأزمان=تحمي منازلها بفن وشطارة
وفينا بني الحارث قيا واهل ميسان=الحرب لعبتهم ليا دق طارة
ونذكر لك السبعان والاسم سبعان=دون الوطن مايحسبون الخسارة
وفينا للبقوم الي فعايلهم ازمان=يشهد لها التاريخ وثبت قرارة
وسجل بني مالك موثقت الأركان=أصغر ولد فيهم يحرك وزارة
جنوبنا مع غربنا طول الازمان=ماقف رجل واحد وطنا شعاره
.=.
.=.
.=.
.=.
.=.
.=.
رد شاعر هذلي=
وحدود مكه دونها قوم شجعان =دون الوطن تاقف وتحمى شعاره
عزوة هذيل اللي حمت كل ميدان =يوم الفتيل يثور وتشب ناره
في صفحة التاريخ مكتوب عنوان =في عسكر البارود موجز عباره
الفضل لله قاضي الامر والشان =والبيت بامر الله حمينا جداره
وارض الوطن لو مابقي فيه سكان =يكفي هذيل العرب تحمى دياره
هذي فعايلنا على طول الازمان =هذا الوطن ماعندنا فيه باره
قلت الحقيقه كلبوها على شان =ماعاد تطمع فيه قوم المكاره
ياسيدي دام الوطن فيه هذلان =ارتاح واستامن على كل حاره
.=.
.=.
.=.
.=.
.=.
.=.
رد شاعر قرشي =
ومن مهبط الوحي الحرايب لها شان=تقودها قريش الفخر بالجساره
قاده لها الامجاد تشهد والازمان=بالفعل ماهو بالقلم والعباره
كم حرب قادوها على كل عدوان=بالدين والسُنه وجابو البشاره
سُنة نبي من قوم قوه وقرشان=واللي يخالفها تجيه الخساره
عدوهم ماعاش يوم اللقا حان=كم جيش قبل الحرب بان انكساره
الله عطاهم فخر سوره في قران=والله عطاهم عز باقي شعاره
حنا فدا الاسلام لو مان ماكان=صف وقبايل تتحد في جداره
حنا فدا سلمان واخوان سلمان=القايد اللي اليوم يعطي حواره
.=.
.=.
.=.
.=.
.=.
.=.
بإسم قبايل حرب - حفيد الحجيري البشري=
ومن كل بقعة في ثرى خير الأوطان=إزهم على الحربي وياتيك غاره
حرب الحرايب وإسمها خير عنوان=دولة ف دولة بإختصار العبارة
يا حظّ ناخيها على كل ميدان=وقفاتها وقت الله الله بشارة
ويا قشر حظّ اللي نوى دار سلمان=حرب الحرايب صفّها فإنتظاره
يامِر وحنّا رهن شارة كحيلان=على يمينه ننتظر منه أشارة
نِرْدٓ المنايا وِرد هايم وعطشان=وعدونّا نسقيه ويل و مرارة
ما نشتقي طهران وأذناب طهران=طمعاننا ما يجني إلاّ الخسارة
الحوثي اللي وزّه خميني إيران=نقلب نهاره ليل ؛ ليله نهاره
الصبح يصبح خصمنا يشبّ نيران=ويمسٓ المساء نشويه من حيد ناره
وضحى يقولون العرب لإبن عجلان=والمملكة لآل السعود النمارة
من دونها حنّا لها مال وأبدان=الحرّ صدره درع من دون داره
هذا كلام إثبات والفعل برهان=ومن يسأل التاريخ يلقى الأمارة

لاهنتم وصح الله السنتكم



تقبلو التقدير والاحترام



وفقكم الله

صحــت السنتكــم
دمتم برعاية الله وحفظة