سقاني قايد الغزلان ..........

قصيدة بعنوان :

*(سقاني قايد الغزلان)*

بقلم / فواز محسن الزويهري الحربي

〰〰〰〰〰〰〰

لهيب النار في صدري حرق قلبي وزاد النار
وليفٍ كل مايطري عليَّه أكتوي بذكره

ألا ياليت دمع العين يطفي لوعت المحتار
تزيد النار من دمعه على الخدين محتره

سقاني قايد الغزلان كاسٍ كلبوه أمرار
على ظنه سقا سكر جويهل تنقصه خبره

صغير السن دوب الغصن مايل من روى الأثمار
طري الكف ظامر خصر قلبي طايع لأمره

خشيف الريم في عينه ورود الفل والأزهار
رشيق القد له مبسم توقد موقد الجمره

سليم النطق عذب الحكي حرفه يطلع بمعيار
ليا منه مشى بالأرض أشوف الأرض مزدهره

سكن قلبي وسكني بداخل قلبه بمقدار
نظرني في يديه ألماس وهو عندي كما الدره

أنا لجله تعب حالي أسافر وأتبع الأمطار
أصبح دار وأترك دار أنا اللي فادي بعمره

غريب الدار في دارٍ نبوت رياضها الصبار
ولا نسنس نسيم الصبح أقاسي من لظى حره

كبود البل لو تصبر عُشُرْ صبري تراها افطار
وفلك البحر لو يحمل عُشُر ما احمل هوى فبحره

أجر الآه تلو الآه فوقي ضاقت الأقدار
وأنا راضي بحكم الله وربي صاحب القدره

يبدل ظلمت الأحزان إلى سعد وفرح وأنوار
طلبتك يا إلاهي العفو والرحمات والدبره

〰〰〰〰〰〰〰〰

صح لسانك عزيزي فواز
تقبل تحياتي وتقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

والدبره
صح لسانك وسلم فكرك وبيانك