روائع شعريه |
روائع الكسرات |
|
||||||||||
مـــلــتـقى الـــمـحــاورة والــردًيه [اللقاءات المباشره] |
|
أدوات الموضوع | انواع عرض الموضوع |
01-06-08, 02:58 PM | #1 | |
عــضــو
|
تكفون تكفون
من يعطينا نبذة عن الشاعرالكبير رجاءالله الحبلاني المحمدي رحمة الله
عن بدايته في شعر المحاورة وعن محاورته مع الشعراء ومتى توفي رحمة الله |
|
01-06-08, 03:17 PM | #2 | |
عضو نشط
|
انا نقلتلك هذا الموضوع اتمنا يفيدك اخي الكريم بن خولان
رجاءالله الحبلاني المحمدي الحربي رحمة الله عليه شاعر غني عن التعريف شاعر خدم الشعر وقدم لشعر المحاوره الكثير والكثير وكان احد اهم شعراء المحاوره واحد ركائزه بشهادة الجميع أشتهر رحمة الله عليه بقوة الرد وسرعه البديهه 0 لن أطيل فهما كتبنا عن شاعرنا لن نوفيه حقه 0 وحرصاً من مجالسنا العريقه مجالس حرب ومجلس صياف للمحاوره يسعدنا ان نقدم هذا المتصفح لشاعرنا رحمه الله واسكنه فسيح جناته ونقدم بعض محاوراته رحمة الله عليه 0 رجالله : ارتـاح ياشاعـر عتيبـة والرياحـي لايقـوم ابمزح على صياف ابن عمي وابسولـف معـه وان كان ضيقنا ووصل الضيق لا روس الخشوم ماكل رجال ينوش الخشـم فـي راس اصبعـه صـــــــــــــــــــــيــــــــــــــــــــــاف: صحيح من قال الحقيقة راحو الصدقان قوم ريحت عدوانك وتبغى لك صديـق تتبعـه اليا وصل وقت الزعل مايزعلون الا الرخوم هذا الكلام اللي نغني به وسمعـك يسمعـه رجالله : لو مانحد السيف ياصياف مايقضـي لـزوم باحد سيفي وارفعه باحـد سيفـي وارفعـه القطب وسهيل اليماني عالية فـوق النجـوم واصحى تصير الاربعين البيض خمسه واربعه صـــــــــــــــــــــيــــــــــــــــــــــاف : وراك ماساعدتني على عتيبة والبقـوم برطمك ماتصبر عنه ترخيه ولا ترفعـه ماتذكر ايام البراد الا ليا اونست السموم والنجم الاقشر لو طلع خله يروّح لسنعه رجالله : لو انت جالس في خطر نجلس معك ولا نقوم مار انت عند اصحابنا ترعى الحلال وتجمعه اذكرك وانته منتصر وابكيك لو رحت مهزوم والى عطاك ابليس بشت الصوف شقه وارقعه صـــــــــــــــــــــيــــــــــــــــــــــاف : عز الله انك كنت فارس قوم وحصانك عزوم مار اعترضك الفارس اللي ضربتك ماتوجعه انته لسانك مثل حد السيف في بعض العلوم لكن ماتعرف حليب الديس حتـى ترضعـه رجـــــــــــــــــــــــــــــــــــــــــــا الله: عز الله اني فارس قسمـه كبيـر مـن القسـوم لو ان راسـك مثـل راس القـوم والله لاقطعـه ان صارت الحسنة خصوص وصارت السيّه عموم ان ماكتلـت الذيـب ياصيـاف والله لافجـعـه صـــــــــــــــــــــيــــــــــــــــــــــاف: قبل امس ماشفنا شعاع الشمس من كثر الغيوم والسن الابيض لادخله السـوس والله لقلعـه انته وانا كنـا جماعـه والصداقـه ماتـدوم والهوش لاطول يبـا واحـد حكيـم ويفرعـه حبيب العازمي ورجاءالله المحمدي رحمة الله عليه حبيب : سلا م الله وأعاد الله علينا كل عـام العيـد وادام الحكم لا ل سعـود حكـام السعوديـة أحد جا من قريب واحد جاين من مكان بعيد معي خمسة حروب ومعي اخويه فيصل العيه رجاء الله المحمدي : هلا يامرحبا والله يثبـت رايـة التوحيـد أقوله من هجوس صافية والنيـة النيـة ألا يالشيخ ابن غانم والا يالفارس أبو زيد دعاكم حضنا من دراكم دعوات رسميـة حبيب العازمي رجا الله يارجا الله لك ثلاث سنين وإلا أزيد وانا ماشوفك إلا جالس بـالأرض هذيـة علشان الحروب أحبهم قمت وطويت البيد بعون الله لجيهم لو أدورهم فوق رجليـة رجا الله حبيب ياحبيب خذ على هالسالفة تاكيـد عيونك ماتشوف ومعك نظارة صناعيـة تجي وتروح والمعروف ماله بيننا تحديد وأنا كم رحت للعتبان بالـدار العتبيبـة حبيب ياقل الهرج ياكثـره وياشينـه مـع الترديـد عيوني لـو أحيمرهـا معـك ماتلتفـت فيـه أعر ف اللي يصيد الصيد واللي مايصيد الصيد و أعرف اللي مع الحارات يلعب طاق طاقيـة رجا الله يا كثر الهرج ياقل الفعل ياراعي التهديـد ليا حيمرت عينك جتك مربوعة ومثنيـة أعر ف العازمي من قبل جعله مايفيد الفيد تراها اللي بجيبه قنبلـة ماهيـب ذريـة حبيب لولا صياف بن عواد فيه اخذتكم من حيـد لا كني مستحي من صاحبي وحسابه شوية نجيب القنبلة ونكايد أهل العنف وأهل الكيد لا كنـك لا تقربهـا تراهـا هيدروجـيـة رجا الله تقوله وأنت في خشمك خزام وفي رجولك قيد يابو راس صغير وداخلـه تسعيـن جنيـة والا يالشايب اللي بدلوا عقله بعقـل وليـد أثر راديـك هنـي لا كـن أخبـاره محليـة حبيب : عساني يارجا لله كان مت الصبح أموت شهيد لا كن أنته عساك تموت بين الشمس والفيـة دخيلك لا تسيد لسيادة وأنت ما نـت بسيـد يا بو راس كبير وداخلـه مـن جنـي بليـة رجا الله : عساك تموت موتة كاش وأحسن لك من التقصيد بعـد مـاردت الأهــداف بـريـة وجـويـة رجاء الله المحمدي رحمة الله عليه وزيد العضيله المطيري رجاءالله هلا يا مرحبا ترحيب حربي للخوي والضيف وللربع الحضور وغايب العالم وحاضرهـا ترى الليلة ربيع قلوبنا بين الشتاء والصيف اقوله والعرب لعـل مـا تنكـد خواطرهـا زيد العضيله المطيري يدوم إلك البقاء من شاعر غني عن التعريف وحنا ناخذ علـوم القبايـل مـن مصادرهـا تهيض يا رجاء الله والسنة ما هي بدايم ريف وأنا أدور على اللـي كـل رجـال يدورهـا رجاء الله : هلا يا مرحبا يا زيد سلمي يا رفيق خليف أعرفك زين وعلومك زمان العام خابرهـا تهيضنا وكل الأرصدة داخل بنوك جنيـف ولا منك شريت الطايرة يا زيـد طيرهـا زيد رفيق خليف وإلي العز وأنته كيف حالك كيف بعد ذيك العلوم اللي بعـد كبـرت تصغرهـا يابو شيكٍ مزيف بنكنا مـا يقبـل التزييـف لا كن هات البطاقة هاتها نبغـى نصورهـا رجاء الله أنا حربي ولد حربي علم مرسوم فوقه سيف وقل لمطير فوق أعلامها ترسـم خناجرهـا أنا ماني مزيف وأنته البلشان بالتصريـف تعدت مستواك وتحسب الحربـي مزورهـا زيد : أنا خابرك حربي منفتل زندك ولا أنت اضعيف لا كن مطير هرجك ما يغير فـي مشاعرهـا أنا أبا أنشدك عن رجل تبين وأختفى ما شيف عسى ماهو شريكٍ للجنايـز فـي مقابرهـا رجاء الله : عليك الهون قبل نطلع أوراقك من الأرشيف ونمزح مع مطير و ياقف الماء في حناجرها هذاك الرجل من عربانكم بالأسم والتوصيف وكاننـه يهمـك سنـد الديـرة وحدرهـا زيد : ملفي يارجاء الله ما حذفته في حدود السيف شناباتـي تدسمهـا فعولـي مـا تغبرهـا مادام علومكم صارت كذيا ولعـوا بالليـف وتلقى مسفرة بكـره وحججهـا وزورهـا رجاءالله : ملفك زين لا كن به حروف محرفه تحريـف وأضنك ورطتـك أم الكبايـر فـي كبايرهـا بشب النار في روس العدى وأبا أرفع التكليف وأبا أكحل عيون العيـر وأكسـر مناظرهـا زيد : ملفي حافظه ما هو ورق في مكتب التوظيف يا راع الصرة اللي لك ثلاث أشهر تصرصرها أنا أبا أقابل الحربي معي شلفا وحد ارهيـف ولن كسر يديك العيـر مـا تقـدر تجبرهـا رجاءالله : ليا جينا الصحيح قلوبكم يبغى لها تنظيف وصرتنا قنابل فـوق حجانـك نفجرهـا فحيمان الحجوري الجهني ورجاءالله الحربي رحمة الله عليه فحيمان سلام الله سلاما فيه للصدقان حـب خشـوم على روس العدا مثل الصواعق يرجف ارجافي توكلنا على الله قوم يالحربـي وفيـه علـوم سمعنا انك خلف صياف وانته مانت صيافـي رجالله/ هلا يامرحبا ترحيب سيفاً في نحور القوم ذخيره للصديق ويظهر البين من الخافـي توكلنا على الله والذهب غالي وكم نسـوم وانا حربي مثل صياف مارجع دون ميقافي فحيمان/ يدوم لك البقا وانا ادري انـك ماينوشـك لـوم وابا حدد لك الميعـاد لا مـا يعـرف الصافـي صحيح ان الذهب غالي لكن مقسوم خمس قسوم وكثير من البشر يبغا المباعـه والقـدم حافـي رجالله/ اشوفك يالحجوري كل ما طلعت عليك نجوم تحلم بالشرا والبيع ياستـر الله الضافـي صحيح ان المطالب ماتحقق بين ليل ويوم تبي خبره وصبر ومعرفه والدرب ينشافـي فحيمان/ على قول المثل يامعبر الاحـلام صـح النـوم ولايارث مع الاشراف غير عيـال الاشرافـي حسب حكم الظروف يكمل المرسوم في مرسوم ولايشره على كسـب الغنايـم كـل خوافـي رجالله/ عليك الله تريض شوف خط ام القرى مزحوم ولايمشي معه ياكود من يسعـى ويطافـي انا خايف عليك انك تضيع مع شعيب الـدوم تحسب انه نخل وتضيع الجهنـان ياكافـي منقول مع التمليح |
|
02-06-08, 06:57 PM | #3 | |
عــضــو
|
محمد العبياني ماقصرت وبارك الله فيك
لكن ياليت أحد الاخوة يفيدنا عن بداية الشاعر للمحاورة ومتى توفي رحمة الله عليه |
|
03-06-08, 08:10 PM | #4 | |
إنتقل إلى رحمة الله تعالى
|
الله يبيض وجهك على ماتيت به
لك جزيل شكري وتقديري |
|
31-07-08, 09:48 PM | #5 | |
عــضــو
|
لايوجد رد
الأخوة المهتمين بشعر المحاورة ياليت يفيدونا |
|
|
|