لبدر الظاهري الحربي ( سلام يا ربع(ن) على الفزعة تمد أيمانها)

السلام عليكم
الشاعر بدر الظاهري شاعر الموهبه من شعار قبيلة حرب القادمين احب ان اذكركم ان اليوم اخر ايام التصويت لاجتياز هذه المرحله والامر بيد الله ثم حرب
وارجو ان لا تنسون الشاعر بدر واعلم انكم لن تنسونه وارجوا من الجميع ان يصوتو له
فهو يمثل قبيلتكم الكبيره

واليكم هذه القصيده كاول مشاركه لي في هذا الصرح الطيب
اتمنى التوفيق للجميع
اخوكم الحميدي الجدوع الوهبي

سلام ياهل الموقف الطيب وفزعات القريب = سلام يا ربع(ن) على الفزعة تمد أيمانها
سلام يا مد الصخى سلام ياالغصن الرطيب = سلام ياحرب العريبه والوفا عنوانها
ســلام يا ربعن لفو يقـــولها البال الرحيب = سلام يا رجال على الميقاف نحسب شانها
في شوفهم شوف المطر لاجا من القبلة صبيب = من يوم هلت مزنته تسابقت غدرانها
ولضيوفنا اللي شرفو فوح الدلال وفوح طيب= مليون ترحيب وغلى والكادي وريحانها
يسستاهلون من الوفاء واللي دعاهم ما يخيب= زود على زود الكرم يفرح بشوف أعيانها
وحنا على شان البدر جينا وموقفنا عريب= ربعن تسابق بالوفاء شبابها وشيبانها
وحنا ليا زاد التلاحم ما تحس انه غريب = اقل شي بطبعنا نسبق على ميدانها
يا لربع وقفتكم نبيها ما نبي شخصن يغيب= كلن على جهده يمد الكف لاجل إحصانها
بدر سعود الظاهري حربي ووقفاته تصيب= يا طيب وقفاته عن الحربي نهار إعلانها
جبل جبل في ماقفه لا صار طلاب وطليب= يمد قوة ساعده من عزوته وأيمانها
واليوم يومنه بدى للعلم حساب وحسيب = حنا لها حنا لها لا من رقص شيطانها
أريالنا مهمنا لا صار للحربي نصيب= جعله فدى للعزوه اللي نعتزي بـَركانها
نقدم مقاديم الرجال وناطا على الدرب العصيب= ما همنا ما همنا جن البشر وجنانها
ولا أقولها محتاج للعالم ولا أدور ذهيب= لا كنها فزعه مع الحربي رجح ميزانها
والواجبة نعرف بها ونحط للواجب وجيب= نأخذ وفاء ونعطي وفاء والطيبة بحسانها
عيال من نال العلا يومنها سقم الحريب= شجعان يومن الاصايل تنتخي شجعانها
قبيلتن يشهد لها التاريخ باليوم الصعيب= يومن روغات السنين اللي مضت بأزمانها
هم بلسم جروح الرفيق اللي يبا فزعت قريب =كم راس قوم طوحته الخيل من فرسانها
أمجادهم ياكثرها لا عدو العلم الربيب= قول الصحيح اللي ليا من قلت جا برهانها
احروب لاعدت مواقيف العرب راسك يطيب= ما تسمع الا طيبه والطيبه باثمانها
افخر بكل افعالهم فوق الشجاعه زود طيب =أهل البيوت الشامخة ما ســـكرو بيبانها
من بينهم رجل وقار وبينهم راين صليب =ومن بينهم راع العلوم الطيبة واسمانها
وختامها مني سلام ..سلام يا سقم الحريب = سلام يا ربعن على الفزعة تمد إيمانها
=الشاعر/ الحميدي بن محمد الوهبي الحربي

	صح لسانك يالشاعر الحميدي الوهبي وبدر الظاهري يستاهل اللي ياقف معه والله يعطيك العافيه على اهتمامك في بدر وانشالله بدر كل يصوتله من القبيله وخارج القبيله

محمد الحربي

بيض الله وجهك وابشر والله بفزعتنا

	المشاركة الأصلية كتبت بواسطة ابورسيل الحربي

	صح لسانك يالشاعر الحميدي الوهبي وبدر الظاهري يستاهل اللي ياقف معه والله يعطيك العافيه على اهتمامك في بدر وانشالله بدر كل يصوتله من القبيله وخارج القبيله

صح الله بدنك
ابورسيل
حبيت اذكر ان اليوم يوم حسم ويوم مهم
و الله يوفق البدر
ويوفق الجميع

صح لسانك اخوي
و احنا في انتظار مثيلات لها
دمت في حفظ الرحمن

أبدعت يالشاعر

صح لسانك ... بوووح راقي

دمت ودام نبض قلمك

صح الله السانك


قصيدة عانقة السماء بجزالتها وأبداعها

تحياتي لك

صــــــح لــــــســــانـــــكـ


محمد الحربي


وابشر التصويت


لاهنت

صح لساااااااااااااااااااانك



مدد ماهو بعدد



وافي وجزل

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي