يا ثبيتي خل راسك مع الروس امتساوي —محاورة نادرة بين مطلق الثبيتي وصياف الحربي لم تنشر

مطلق:

‏انت يا صياف لك بالعرب سيرة وقصة
‏قصةٍ يحكي بها بالمجالس كل راوي

‏رزقنا اللي مشترك بيننا دسيت نصّه
‏تحرم الفقران من حصته وانته غناوي

‏صياف:

‏كل رزقٍ يا الثبيتي تبا لك منه حصة
‏اسرحوا كل الرجاجيل وانته جيت ضاوي

‏كل ما حصلت فقري عطيته ما يخصه
‏وانت تكفيك الشبيكة وتكفيك الملاوي

‏مطلق:

‏كل شارب يفتله صاحبه سووّا مقصه
‏لا تحلقونه بموسٍ مقطعة العراوي

‏اختفى خاتم سليمان مدري ذاب فصّه
‏وانفتح جرحٍ عمى ما يداويه المداوي

‏صياف:

‏انت ما ترضى على الديس لين انك تمصه
‏وان بغينا نقطع الديس كثّرت الدعاوي

‏سلك الابرة لا اظلم الليل ما تقدر تحصّه
‏ما تشوفه لين يطلع له النجم السماوي

‏مطلق:

‏انت مثل اللقمة اللي غدت بالحلق غصة
‏وان بغيت ارمي بها قلت لي مخطي وغاوي

‏كل ما مريت مسرح لقيتك في المنصة
‏منتصب بالثوب الازرق وبالبشت الحساوي

‏صياف:

‏ كل راسٍ يرفعه صاحبه مجبور ارصه
‏يا ثبيتي خل راسك مع الروس امتساوي

‏لن طلع كف الحرامي معي سيفٍ يقصه
‏لا تحرّك لو انزلك فالدار السناوي





طاروق مميز ونادر بين صياف ومطلق الثبيتي