من اللعنا لا قال عطني نشيدِه :)

،،

من العنا لا قال عطنا نشيده=فانتا على باب العطا حاتم الطيّ
لكن ودي يوم تبدي قصيده=وليا أنها شيء ولا مثلها شيءّ
ما غاضت ألا المترفات الوجيدة=قصيدتي ما زيها فالبلد زيّ
كان أعلنوا عنها قصيدة جديدة=ماأطابع التحرير ماتسابقت ليّ
وجه الغَنَاه لمدخرها رصيده=أسعد بها مجلس وأشَنِف بها أذنيّ
محتاجها مثل الدماء في وريدة=عد الروى وِردُه ضمانا ، ومرويّ
لا هِضتها ونه ، فروحي شهيدة=وما كِنَها ، ألا قالت أميت وأحييّ
وِصّفَاتها ذات الطباع الحميدة=مصونة الأحساب ممدوحة الحيّ
ترفة ولي معها علاقة وطيدة=أثبت من المقدام وألين من الطيّ
يعني على ما قيل جملة مفيدة=عاشت غَنَجّ بنت الاكابر بلا غيّ
مناسبتها كل فرصة سعيدة=راح النديم.. وبهج خِل ... وسنا ضيّ
دواء لعاشق لاعن البعد سيدة=سليل شيخ وموقفه ... صعب يشكيّ
فاذا لقاها أبدى عليها اتناهيده=تنهيدةٍ يصبِح عليها ويمسيّ
وليا قراها قص نص الجريدة=وبروز لها برواز ومن العطر شيّ
ويلفها ديباج خمري بئِيده=ويكتب لها كرت ، إقريْ بالله وحسيّْ
هذا أنا نَص الكلام ومفيدة:=_مِرسل بها مع كم ورده على ميّ :
فهو وحيد أمه وهيا وحيدة_=إلى متى نبقى كذا آنا وأنتيّ
واذا قرتها لو طموح وعنيدة=ظلت لأهلها اتعذرب أف ذيْ واف ذيّ:
الله ولا هاذي الحياة الزهيدة=إلى متى وأنا اللي سوي وسويّ
ياالله إبيومي الله يقرب بعيدة=ياخيْ قول آمين ياخي ياخيّ
الحال حاله والمشاكل عديدة=والوقت موسف.. والبلاء فيه يا أمّيّ.
وعادت وعاشت له الحياة السعيدة=وكل ما طرت له السالفة قام يدعيّ :
يا رب من هو كاتبٍ هالقصيدة=يا رب ترحم والدينه وتجزيّ
بالخير والاحسان والفضل زيده=عز الله سوت خير قصيدته فيّ.
فالهجس ، يحييه الحياة الرغيدة=حسن الطوية والفِكِر والتمعنيّ
نَشِهْ جليس أصحاب الأريا الرشيدة=تلقى مجَالَسهُم مع الوقت يبنيّ
وصونه عن اصحاب الكبود البليدة=وعن طمعت الغائب وهرج التلويّ
وأعلم سلاطين المجالس مجيدة=أظفر بِهِم ... فالوقت ، يأخذ ويعطيّ
رجَّالهم بين العرب تستفيدة=وِمّجَالَس الثمار يحيي ويغنيّ
يغنيك عن منهم رؤاهم عتيدة=ويعفيك عن كثر المعاذير شِيمِيّ.
وهاذي مسرة خاطريْ الأكيدة=قصيده طاعتني على كيف ما أعنيّ
من دون تحرجني رؤاها سديدة=آنس بها وأزيد أُنسٍ على أنسيّ.
طبعي كذا والوقت طبعي أكيده=وقتي ولا أطيعه على غير طبعيّ
قصيدتي ياحيها من قصيدة=وطبيعتي ياحيها ، وحيني ؛ حيّ
وأنا الذي يا حي من هو وِلِيده=الشِعرّ ... مني وفي ومجراه فدميّ
ان عشت له .. يِبْشِر بعزه ، وَ عيده=وإن مت ، فالشعار قبلي وبعديّ
فأنا طلبت أما مماتي فقيدة=يعْجَّلْ عليه بالمنايا وأنا صبيّ
والختم؛ آية في كتاب العقيدة=((أنا جعلنا...)) وأحمد الله وأصليّ

وسلامتكم

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة