في خاطري كلمتن ماني بقايلها=أخاف لااجرح مشاعر واحدن غالي

19-02-07, 08:32 PM

السلام عليكم ورحمة الله وبركاته
بعد فترة إنقطااع مضت لظروف خاصه
اصاافح الجميع بشوق ومحبه وأشارككم بهذه الابيات

في خاطري كلمتن ماني بقايلها=أخاف لااجرح مشاعر واحدن غالي
مسحتها من خفوقن فيه شايلها=ولاكل عوجآ تبى تضيق على بالي
والدار نلقالنا دارن بدايلها=إن كان في سوقها مايصرف ريالي
والخلق مااحصى مذاهبها وفصايلها=إلا السميع العليم الواحد الوالي
ولاني بمكلوفن بتعديل مايلها=إلا لياشفت ميلة رجلآ موالي
بسلوب (نفسه على التصحيح احايلها)=حتى يميز مذاق المر والحالي
مرضى عليه العرب تدبك رحايلها=ويصير هرجة ردى بفمي جهالي
المعرفه من بنوك العرف نايلها=ومن دلة الطيب قد شفيت فنجالي
صقلني اللي رجوم العز طايلها=وأخذت من راس ابوي وعمي وخالي
اشفق على جزلها واترك هزايلها=واعرف مخراج نفسي قبل مدخالي
والناس لولا الوفا ضاعت جمايلها=ولاصار للطيب سيره عبر الاجيالي

وسلاااااااااااااااااااااامتكم

19-02-07, 09:32 PM


	الشاعر المبدع محمد عبد المحسن البدراني هلابك وعوده حميده وتشرف ملتقى حرب بعودتك ومن طول الغيبات جاب الغنائم وانت وجودك من اكبر الغنائم الحقيقه عند ما قريت الابيات الجزله الغير مستغربه من شاعر بحجمك اول ما ذكرت الشاعر بديوي الوقداني على العموم صح لسانك وبيض الله وجهك

19-02-07, 10:31 PM

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

19-02-07, 11:04 PM

السلام عليكم ورحمة الله وبركاته

صح لسانك أخوي الشاعر :

(( محمد البدراني ))

قصيدة رائعة وصح لسانك الله يعطيك العافية

وعاداتك ما تجيب إلا الجزل , لاهنت ولا هي مكفيتنا عقب هالغيبة ..

رعاك الله تعالى وحفظك