ديوان الشاعر/جزاء بن صالح الحربي

مرثيته في الشاعر العلم الكبير الشيخ/سبيل بن سند الحربي-رحمه الله-

والله يالولا الصبر والامل والظـن=بالله يبـدل سيتـي بحسنـاتـي
ودلال رسلان بها الهيـل والبـن=تحوفهـن يمنـاي ومكرمـاتـي
من حبهن ليـه تقـول يتحاكـن=ومن حبهن عندي تطول سهراتي
لياادبح بهيم الليل وهجوسنا جـن=فنجالهـن يبـرد لهيـب نهتاتـي
لاون ونة من بعود القنـا طعـن=بمشيشل من كف شبـل زناتـي
واني لاشرّح مقدم الثوب وانجـن=وقدام خلـق الله لافجـر سكاتـي
على رجال يـوم فيهـا اتفطـن=لابصرت فيهم عفت تالي حياتـي
لهم وقار داخـل القلـب يسكـن=والصبر عنهم صار من معجزاتي
اقفوا وخلوني وانا صغير السـن=واخذت منهـم طيبـات الصفاتـي
ومن قال للموروث علـم يسكّـن=مافادني بيض الـورق والدواتـي
اجهش فوادي والعيـون يتباكـن=وهليت من دمعي غزير عبراتـي
وليا صفا راسي وقلبـي تطمـن=قلت المقافي مايجـن راجعاتـي
وانـا ادري ان ايامهـم مايـردن=هيهات ترجع ماضـي المقفياتـي
ولولاي ازور ديارهـم واتوطـن=واشرف عليهم بطايـل النايفاتـي
واشـم ريـح ديارهـم واتفطـن=وادله واعيش بماضي الذكرياتـي
لاشك عبثـات الليالـي يصيبـن=ويخلن الرجـال فكـره شتاتـي
وقبل امس جات اخبارهن مايسرن=اخبـار فيهـا طابـع المفجعـاتي
غديت مثل اللي خطف عقله الجن=واصبح يهوبي مع هوى الذارياتي
على رفيـق بالوفـا مايتهـاون=صنديد ماهو من رجال الشماتـي
وسيف من الفولاذ ماهوب معدن=من ابتع خيار سيوفنا المرهفاتـي
سبيل بـن سنـد ليالـه تقافـن=واضيقتي مـن غيبتـه وافجاتـي
وش عاد لو قلبي تكـدر وحـزن=حكم المنايـا بالبشـر صايباتـي
سنة عزيز الشان والله لها سـن=من جاه يومه مابقى لـه حياتـي
كد قالها صالح وانا اقول صابـن=سر الامور اسبابهـا المحدثاتـي
والادمي لو فيـه الايـام طالـن=لابد ماتركـز عليـه الحصاتـي
ولو كان من يبكي دموعه يفيـدن=ياما بكينـا مطوعيـن العصاتـي
فهود الزراج مطوعة كـل مفتـن=الى جا نهار فيه مثـل الجناتـي
الى جت كراديس السبايا ولحقـن=ولحقوا عليهن ميتميـن البناتـي
بيدينهـم شلـف وطـرم تلظـن=صنعن من الفـولاذ ومشرعاتـي
ليا وردوهن لاحمر الموت شربن=وان صدرن جن غيرهن وراداتي
وشعارهـم وفعولهـم مايهـزن=وتاريخ وفعـول عليهـا الثباتـي
وشعر بليا افعال وامجـاد يمهـن=مافيه لاحكمـة ولابـه حلاتـي

رفـيـقـك الـلــي مـــا يــقــدر مـواقـفــك=تـــرى ربـيــع الـقـلـب بـعــده وفـرقــاه
لـيـا صــار لا رجـلـن مقـامـه يشـرفـك=ولا طـيـبـن تــقــدر تـحـمــل خـطـايــاه
احـرص علـى فرقـاه لـو مـن طوايـفـك=ليـا صـار ماتقـوى علـى شيـل عوجـاه
ليـا صـار دايـم بــا المـواقـف يخالـفـك=ويفرض عليك الراي مـن غيـر ترظـاه
مـنـت أولــد لــه يستهيـنـك ويعـسـفـك=ولا والـدن ودك عـلـى مكـسـب ارظــاه
ولــولا لـزومـه بـــول الـعــام عـايـفـك=ولو شاف طيبـك عقـب يوميـن ينسـاه
وان قلت لـه مخطـي فظحـك ابمعارفـك=وليـا تـجـاوزت الخـطـى عـنـه مـرظـاه
وليـا سكـت و شمـت يجـرح عواطفـك=وضحوك فـي وجهـك وسـودن خفايـاه
وان قمـت مايسـوى هبايـب عواصفـك=وان شلت له عرقـا علـى الكبـد عرقـاه
وان جيـت لـه محتـاج مـا تقـل يعرفـك=ويعطيـك مـع بـيـض المعـاذيـر علـبـاه
ليـا صـار عنـد اللازمـه مــا يساعـفـك=و قـت الـرخـا منـتـه ابـعـازت حمـايـاه
لا تشـتـكـي عـنــده يـكـبــر سـوالـفــك=فـرقـاه تغـنـي عــن مـســرات جـــدواه
وحــاذور عـنــه لا يـســود صحـايـفـك=ولا تـقـربـه مـــادام تــعــرف نــوايــاه
و بعـدك عنـه فـي ديرتـن مـا يشاوفـك=اخـيـر مــن قـربــه وشـوفــه ولا مـــاه
ومـوتــك بـعــزك جـنـتـن مـــا تكـلـفـك=ولا حاجـتـن عـنـد المـنـون و تـرجــاه
و مـوت الكرامـه عـن جنابـه اتشرفـك=ولا مـنـتـه عــســى نـواعـيــه تـنـعــاه
ومن يجهلك في منطق العرف يا صفك=وعــرف الفـتـى تنبـيـك عـنـه مـزايــاه
وتـرى الرفيـق اللـي بهمـك ينـا صفـك=ويفـزع ليـا شـاف الخـلـل فـيـك يـرفـاه
ودايـم صـدوق وبــا الحـمـوه يلاطـفـك=ويقـوم فـي و اجبـك مــن قـبـل تنـخـاه
رجلـن عـلـى كــل المواجـيـب عـارفـك=ودايم طواريق الشـرف سـاس ممشـاه
وان حلـت الرفقـه يشيـد ابــو صايـفـك=مـاكـنــك الا واحــــدن مــــن دنــايـــاه
ليـا جـا مجالـك جــاب عـنـك طرايـفـك=و لـيـا ذكــرك بجمـلـة الـخـيـر مـبــداه

يامرحبا ترحيب وافي بـلا قيـاس=بلي همومه فـي ضميـره حبسهـا
عد البشر وأعداد ماهـب نسنـاس=وعداد ماكون النفـوس وحرسهـا
أول بدايـه جيتـك ترفـع الـراس=وفراحنـا زادت وغـرد جرسهـا
لك عندنا شيمه وحشمه ومجـلاس=ومكانتـك ماكـل رجـل ٍ جلسهـا
يالله عسا جنسك كثير ٍ مع النـاس=ولاكل مـن راز الفضيلـه لمسهـا
ماهي بثوب ولاتفصل مـن ألبـاس=وعسره عـلا الخـداع مايقتبسهـا
ولى أنت رجل ٍ وافي بفعل وحساس=وسيرتك عطره يشهد اللي درسهـا
تبينت والفرق نـاس ٍ عـلا نـاس=وكم خاير ٍ صفـق يديـه ونكسهـا
وشكواك ياسالم علا العين والراس=والله لاقـف والعيـون أنعمسـهـا
بالجود والماجود ياطيـب السـاس=فزعت وفا عند الحمايـل عسسهـا
مالوم عينك لوشكت خصر الأنفاس=اللي كما الريحـان شمـة نفسهـا
والنهد يزمي بالحشا كنـه الكـاس=كاس ٍ هل البارات طيـرّ عمسهـا
تربات ناس فايزه بكـل الأجنـاس=ولافصل الهندي عليهـا ولمسهـا
ولا تابع الموضه وشكـل بالأبـاس=ولا لطخ المكيـاج فيهـا ودنسهـا
ولاهز خصره بين طبله ومـرواس=نزيـه لاطـب العـذارى عفسهـا
بفياض فيها نبت حوى وبسبـاس=ونته تميز ّ وردهـا مـن غطسهـا
حر ٍ مطاليعك كمـا طلـع قرنـاس=عينه علا الجزلـه أليمـا دبسهـا
وقبلك أرجال ٍ بالهوى ذاقوا الياس=حب الشرف غل القلوب وعمسهـا
وحذراك حذرا لاتسلـم لهوجـاس=عين العدوا بالنـار والله خفسهـا
وقايس أمورك يبن الأجواد مقياس=ماخاب من جـد الأمـور ودرسهـا
وراجع أمورك بالخفى عن الأنجاس=ترا عيون الحسد واجـد مسسهـا
ونا معك بالراي والفعل وحسـاس=ليمـا أنتوصـل للعقـود ومرسهـا
واقف معك وقفة رجوله ونومـاس=ولاهمني حكي الرخـوم وخسسهـا
وصلاة ربي عـد مالبـوا النـاس=عـلا رسـول ٍ دعوتـه مانكسهـا

أمس الضحى في عالي الرجم عديت=وفيضت في راسه عباير خفوقي
وقعت لين ادلولس الليل ومسيت=وحولت منّه ناشفات عروقي
ورديت من بكره عليه وتعليت=وقعدت حتى شفت شمس الشروقي
أشرف على دار بها العام مريت=واليوم ماكنه سكنها مخلوقي
خليان ماكن ابتنى بارضها بيت=بس الفجوج الخاليه والطروقي
وحتى من الأوناس ماشفت ماريت=ماغير رسم باقي له رموقي
بس الشنون محذفات تشاتيت=شنونن على الديران مثل البهوقي
وشفنا الرسوم اللي عليهن تشافيت=رسوم عليها القلب مني شفوقي
رسوم عليها من ازرق الدمع هليت=دمع تحدر فوق خدي صفوقي
ليا شفت مدهال الرجال الزناتيت=تقول قلبي ينمزع من عروقي
رجال مرابعهم تهيظك لاجيت=ومرباعهم بين الجلد والعروقي
ونجورهم للضيف ترسل تصاويت=وضيانهم بالليل مثل البروقي
رجال عليهم من قديم تربيت=وفارقتهم والقلب مني يتوقي
وابديت مافي داخل القلب وافضيت=وانساق من عمق الهواجيس سوقي
وابكي عليهم كل ماصبحت وامسيت=وشكواي لله عالم الشان فوقي
وشعاد لو اني بكيت وتمنيت=ياما بكى قلبي جزينن عشوقي
وقلبي بكى حي علي غالي ميت=والدمع عقّب في ضميره عشوقي
وياما بكى رجل عليه التثابيت=قبل الوقايع هل دمع حقوقي
ولو لمني بعض الخبول السرابيت=اهل النفاق مشدقين الحلوقي
بذني صقه عن حكيهم ماتوحيت=ولا احب ناس لسراير تبوقي
وان قالو العذال وش فيك ماابديت=ماني على اسرار الاوادم نطوقي
امشي مع العام على ماتوريت=اعطي حقوق الناس واخذ حقوقي

يا عل عينٍ ما بكت فرقا الاضعـان=تعطي النويفـج ليـن تذبـل ذبليـا
ليا شدوا العربان من عقب مقطـان=والصبح منهـم جانـب العـد خليـا
وتفرقوا مـن نقـرة العـد سلفـان=أحدٍ رحـل جنـوب و احـدٍ شمليـا
وقفوا وراحوا مع وسيعات الاوطـان=وكلٍ على سفن الصحـاري رحليـا
عليهم الخافـق تقـل فيـه نيـران=وتصلاه غمزات الهواجيـس صليـا
وبكت عيوني مثل همـال الامـزان=مـزنٍٍ تحـدر مـن مناشيـه مليـا
على اللذي له داخل القلب مسكـان=وعليه ما اسمع عاذلي لـو عذليـا
عين الفريد اللـي مرابيـه فيحـان=الريـح لاعـه و استـذار و جفليـا
وسمع الحساس وشاف بالعين زيلان=واستاكده بيـن الوعـر والسهليـا
الصاحب اللي منه القلـب عطشـان=و لاتنجلي حبه عـن القلـب جليـا
اقفوا به البـدوان و القلـب حيـران=وسـود الليالـي ماعطتنـي مهليـا
شدوا وانا من شدة البـدو زعـلان=ولا من وساطه بين اهلهـا واهليـا
وجيته وانا في وقتها كنت مرضـان=مـن شـدة العربـان فيّـه زعليـا
قلت السلام وغـادي الفكـر شتـان=واللي بغيت بخاطـري مـا حصليـا
وانا عليه بسلـم الاحبـاب شفقـان=ومن غير مشروهي فلالـي دخليـا
طافت مشاريهي وانا كنت شرهـان=سنـه صغيـر وغاطـسٍ بالجهليـا
وقلت الوداع وغاديٍ وجهـه ألـوان=متخالـطٍ فيـه الخجـل والزعلـيـا
وذقت الفراق اللي مشاريبه احـزان=وانحـل بحالـي والمحانـي هزليـا
كني كسيـرٍ شملـه ريـح ريحـان=نوبٍ يفيـق و نـوب يذهـل ذهليـا
عليك يالمجمول يا خـدر الاعيـان=سميت حالي ليـن جسمـي نحليـا
والحب مثل النوم والنـوم سلطـان=والله بلانـي فـي محبتـك بلـيـا
وجاني الربيع وربعت كـل الاوطـان=وانـا معاليـك الضمايـر محلـيـا
وطال الرجا واللي مضى تقل ما كان=واللـي بنينـا لغدّنـا مـا كملـيـا
لاشك خبرني عسى ما أنت خسـران=او شايـف اللـي بالطويلـه تعليـا
وأن كان حـدوك المقـرد وعـدوان=ماني لا ابـا زيـدٍ ولا انتـي بعليـا

قالو علامك دايم تقل زعلان=وياعل ما انته يابوصالح زعولي
قلت اسمحوا لي ياكريمين الايمان=تراي من نشداتكم ضاق جولي
ولا كل من يبحث ورى سر الانسان=يكشف عن اللي بالضماير يجولي
ومن قال انا افهم غاية القلب غلطان=القلب دونه مبهات القفولي
ولاني على بعض المواضيع شفقان=ولا احط راسي يم ضل يزولي
وامشي مع الطيب على قدر الامكان=ولانيب اطاول شخص مهوب طولي
وانا اليا شفت الاعور وسط عميان=اجنبه من خوف لا يصير حولي
واصد منه مع وسيعات الاوطان=لو كان حفيانه مواطي ذلولي
والناس كل له محبه وصدقان=وكل على محبوب قلبه ميولي
ورجل بلا هيبه مع الناس خسران=لو يحسب من رجال زحولي
والضحك في وجيه الرجاجيل نقصان=ان كان ماللضحك وقت واصولي
هذا وكل له محبه وصدقان=والله فرق ما بين صنف العقولي